بديت بسم إمنزّل الذكر تنزيل = الطور والطارق ومريم وطه
وعقبه نصلي عد وبلٍ هماليل = على شفيع الخلق ساعة عناها
ياناس هالوني ازحول الرجاجيل = اقصارالثياب اللي إطوال(ن) إلحاها
ياماحلا سجداتهم تالي الليل = واعيونهم لله جادت إبماها
حياتهم طاعه وذكر(ن) وتهليل = وتسبيح واستغفار للي بناها
سبع(ن)بلا عمدان وأخرى مقابيل = ثبّت قواعدها ورسّى ثراها
يالله ياللي تتبع الجيل بالجيل = نورت الأرض ونورها في سماها
طالبك عند الموت رحمه وتسهيل = لاغرغرت روحي وقصرت اخطاها
وثبت فؤادي ساعة الوزن والكيل = في ذاك تلهى المرضعه عن ضناها

ياماحلا سجداتهـم تالـي الليـل = واعيونهـم لله جـادت إبمـاهـا
حياتهم طاعه وذكـر(ن) وتهليـل = وتسبيح واستغفـار للـي بناهـا

طالبك عند الموت رحمه وتسهيل = لاغرغرت روحي وقصرت اخطاها
وثبت فؤادي ساعة الوزن والكيل = في ذاك تلهى المرضعه عن ضناها