::: مـنتدى قبيلـة الـدواسـر الـرسمي ::: - قصيدتين لراشد بن خر الذيب- في الشيخ مبارك آل مطلقة الودعاني

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

قصيدتين لراشد بن خر الذيب- في الشيخ مبارك آل مطلقة الودعاني

(اسلوب شاعر وصياغة بيت)

يطيب للشاعر في لحضات ان يحلق بفكره متخطيا منغصات الحياة ,فيصور تجربته في كلمات يروي فيها للقاري مشاهد تتجسد في بيت من الشعر اجاد فيه الوصف الى درجة كأن القارئ يلمس هذه الصور ويراها جلية واضحة امام ناضريه.
ولذلك برع بعض الشعراء في تصوير هذه المشاهد وفي التعبير عنها برقة ودقة ووضوح .
واحد هؤلاء الشعراء هو الشاعر المعروف المرحوم بأذن الله/راشد بن حسن بن خر الذيب العجمي ممتدحا احد الاشخاص بعد ان وقف معه في موقف دقيق وصعب كما بهره وجود عدد من الرجال النشاما الذين يعرفهم قادمون لهذا الرجل زراقات ووحدانا ,لقضاء حوائجهم وانجاز امورهم والتوسط لحل معضلاتهم واعطائهم من وقته وماله ,
فبادلوه ذلك وفاء بوفاء ومحبة وعرفانا بالجميل كما عبر عنه بقوله والذي سنتطرق اليه عند ذكر القصيدة مفصلة في اسفل الموضوع

في مجلس مبارك عسى ربي يعزه=مجلسن كل النشاما يدهلونه

كما تجده في قصيدة اخرى يعتب فيها على هذا الرجال عتاب المحب والاخ بعد ان احس ان هناك من يحاول ان يزرع بذور الشقاق والفرقة بينهما .
والذي يهمنا في ذلك هو قدرة الشاعر على الابداع وترجمة احساسه بقدرة عجيبة وفصاحة سديدة
في معاني القصيده ومفرداتها وبالطبع كان هذا الشاعر الفحل واحد من الشعراء القلائل الذي ذاع صيته في ربوع الخليج العربي وجسد معاني القيم والكرم وثقافة الصحراء في شعره الذي يتمثل فيه بشجاعة العربي وسمو نفسه وابائه وجنوحه للصعود الى اعالي المجد والسؤدد.

ونترككم مع القصيدتين التي قالها الشاعر رحمه الله ممتدحا الشيخ مبارك بن محمد آل مطلقة الودعاني اطال الله بعمره على طاعته ومرضاته.

في مجلس مبارك عسى ربي يعزه =مجلسن كل النشاما يدهلونه
فاتحن للي يجي في كل حزه=امدحه وناس مثلي يمدحونه
راسيٍ مثل الجبل محدن يهزه =اسأل وينبون عنه اللي يجونه
الردي لو تبي العالم تدزه =جاه من ساس الردى عرقن يخونه

وقال ايضا

يامل قلبن كل مادلبح الليل =تبين اللي غابي من رسومه
لاشك ابلعب يابو (طارق)1 تماثيل=واللي على ماجوب محدن يلومه
اللي لزومه كايدن يارجاجيل =ينصى مبارك لين يقضي لزومه
مبارك على اسمه وترى باقي القيل=لعل يومي ياعرب قبل يومه
يالدوسري لايفرحون المهابيل =ويظلل عليك اللي ردين اعزومه
عليك من طير السعادة تفاصيل=وعقد المراجل في يمينك اختومه
ياشوق من نهده يشادي الفناجيل =اللي بياض الخد يزهى رقومه
شوق الهنوف اللي تدق الخلاخيل=في بيت اهلها مكرمة وامحشومة
ماينفع اللا اللي خواله مشاكيل =ولا الردي مهيب تصمل اعلومه
منشاك من روس الهضاب المضاليل =ونفسك على كسب الفضيلة قحومة

ابو طارق(1)/ هو الامير ناصر بن خالد السديري امير منطقة نجران سابقا

والله ولي التوفيق

والسلام عليكم ورحمة الله وبركاته