مني سلامً لنشاما الميامين=اهل الحفل واللي حظر داعيينه
ومني سلامً لرجال البخيصين=اهل العقول الواعيه والرزينه
اللي على نقل الحقايق حريصين=يا سامعين القول يا حافظينه
الباحثين العارفين المسمين=أمئرخين المجد في كاسبينه
يستاهلون المدح ونقول نعمين=نعم الرجال اهل العلوم المتينه
مال الجداره غير ناسً جديرين=واللي قوي العزم ربي يعينه
أجهودكم تبقى على الراس والعين=والمجتهد انقول تسلم يمينه
واللي بقوله ما تغير من سنين=ياعرفين العلم يا كاتبينه
نبذه بسيطه للدواسر في بيتين=تاريخنا معروف من موجعينه
أمجلدات المجد ولا الدواوين=ماهي تكفي كل شيخً بعينه
خطلان الايدي من قديم وذا الحين=ومافي الخزينه راح ويا الخزينه
أمناصرين المصطفى وهّل الدين=ومئيدين الحكم ومناصرينه
تاريخنا مسطر بشتا الميادين=يا راقين المجد يا نازلينه