الناس واجد فيهم القرم والذيب = وفيهم ردي النفس راع النقاده
أحدٍ بطيبه كنه الشمخ النيب = واحدٍ ترا ما هو بساوي جراده
ناسٍ تصاحبهم ونعم الاصاحيب = العز والنوماس والجود عاده
يستاهلون الطيب كسابة الطيب = و أهل الوفاء يستاهلون السياده
أشفق على خوة عطيب المضاريب = الجود ساسه وارثه من جداده
راع الفخر اللي يسد المطاليب = أنا أشهد انه يستحق الاشاده
نسل الرجال أهل السيوف المحاديب = الطيب له عنوان والطيب زاده
الحر يسكن فوق روس المراقيب = ولا شاف له صيدٍ على طول صاده
وبعض العرب حاول تجنبه تجنيب = الوجه الأسود واضحٍ من سواده
راع الردا اللي دوم يبحث عن العيب = راع العلوم السافله والنكاده
خله ترا خوته فيها عذاريب = واللي يعاند ما يفيده عناده
خذنا من الدنيا دروس وتجاريب = والنار نعرف تاليتها رماده
يا الله تجملني قبل يظهر الشيب = يوم أن راع الزرع يأجد حصاده
هذا كلامٍ من صميم الحشا جيب = عسى يفيد اللي يدور إفاده
قولي ترا ما يقبل الشك والريب = الصدق عنواني وهو لي عاده
شاعر ولا آرد غير عذب المشاريب = وغيره ترا مالي به اليوم راده
يا الله يا اللي تعلم السر والغيب = أسألك حسن الخاتمه والشهاده

إبداع × إبداع

صح لسانك يابو نايف

قصيدة جزلة ولانستغربها من شاعر جزل

لافض فوك يالغالي على هذه النوادر

ولك الود والتقدير ،،،

المشاركة الأصلية كتبت بواسطة مسفر المصارير (المشاركة 142803) الناس واجد فيهم القرم والذيب = وفيهم ردي النفس راع النقاده أحدٍ بطيبه كنه الشمخ النيب = واحدٍ ترا ما هو بساوي جراده ناسٍ تصاحبهم ونعم الاصاحيب = العز والنوماس والجود عاده يستاهلون الطيب كسابة الطيب = و أهل الوفاء يستاهلون السياده أشفق على خوة عطيب المضاريب = الجود ساسه وارثه من جداده راع الفخر اللي يسد المطاليب = أنا أشهد انه يستحق الاشاده نسل الرجال أهل السيوف المحاديب = الطيب له عنوان والطيب زاده الحر يسكن فوق روس المراقيب = ولا شاف له صيدٍ على طول صاده وبعض العرب حاول تجنبه تجنيب = الوجه الأسود واضحٍ من سواده راع الردا اللي دوم يبحث عن العيب = راع العلوم السافله والنكاده خله ترا خوته فيها عذاريب = واللي يعاند ما يفيده عناده خذنا من الدنيا دروس وتجاريب = والنار نعرف تاليتها رماده يا الله تجملني قبل يظهر الشيب = يوم أن راع الزرع يأجد حصاده هذا كلامٍ من صميم الحشا جيب = عسى يفيد اللي يدور إفاده قولي ترا ما يقبل الشك والريب = الصدق عنواني وهو لي عاده شاعر ولا آرد غير عذب المشاريب = وغيره ترا مالي به اليوم راده يا الله يا اللي تعلم السر والغيب = أسألك حسن الخاتمه والشهاده