|
اهل الست
أهل الست(الشكره-الدواسر) هذه قصة من قصص الشجاعة وقد جرت على الشيخ محمد بن حفيظ وقومه الشكره من قبيلة الدواسر. غزا ابن حفيظ وبعض أخوياه على ست ركايب،وكان من ضمن أخوياه رجل من آل بريك من قبيلة الدواسر ايضا،وطوٌلوا في مغزاهم بحثاً عن الكسب،وعندما أرادوا أن ينكفوا (يعودون) الى أهلهم وجدوا ابل قوم معادين لهم فأخذوها فلحق بهم القوم وكان يفوقونهم بالعدد وهم آل روق من قحطان ، وكان البريكي على ذلول فقصر جهدها عن الآخرين والتقى الطرفان وعقر إبن حفيظ فرس صفرا، واستطاع أبناء الشكره أن يفكوا(حموا)انفسهم وما معهم من الكسب،وقال بهذه المناسبة محمد بن حفيظ قصيدة منها:
أنا هل الست لا والله التعاجيب = كن الركايب بنا رتَع ضواحـي لحقو أهل البل ثلاثين تقاطيـب = الاد روق مرويـة الرمـاحـي يا بندقي جارك الله من التسابيب = اللي تسوقين مشخول الملاحـي كم واحدِ طاح منها يأكله الذيب = لافظ ولد الردي يبغي المراحـي في الهيج لأول ثمانِ من لصاويب = والهيج لا خر غدو برضِ سماحي عقرت صفرا محمسة العراقيـب = كله لعيناك يازيـن الصباحـي كله لعين البريكـي بالمواجيـب = لا قصرت بكرته ما من مراحـي عاداتنا عند النظا الفطر الشيب = لا قيل يالاد صبيـان الفلاحـي والمقصود بكله لعينك يا زين الصباحي هو كله لعين أخت ابن بريك موصية ٍ محمد بن حفيظ على أخوها تقول ذلوله ردية ( العماني ) . |
بيض الله وجهك يالشكري على ذكر هذه السالفة المشهورة واللي تعتبر فخر لكل دوسري
تقبل تحياتي،، |
والله ونعم بالشكرة أهل الست
لاهنت يالشكري وتقبل تحياتي |
العماني ووجهك ابيض وجعلك تسلم ويسلم غاليك حمد الودعاني ولا انت وجعلك تسلم ومن يعز عليك |
كفوووو والله ولاهي غريبه على الشكره يوووم فكووووو عمرهم
تحياااااااااااتي النجم الهاوي |
بيض الله وجهك يالشكري علي السالفه المعروفه وتعتبر فخر لك الدواسر ولا هي غريبه عليكم
|
كفوووو والله بالشكره وبالحفيظ.
وتسلم يمناك على السالفه والقصيدة. فهد الغريري,,,,,,,,,,, |
شيخ الشيوخ هم فكوا اعمارهم وخويهم البريكي وكسبهم من القوم وتسلم تركي اشكرك على المرور والرد الطيب فهد الغريري ويمناك سالمه ولا عليكم قاصر يا القرم وجعلكم تسلمون |
ونعم والله بالشكرة صلب جدي والله لايهينك يالشكري وبيض الله وجهك
|
اقتباس:
المبيبعيج الله ينعم بحالك والله ونعم بكم يا مارثة المبيعيج ولا يهونون ربعنا وجهك ابيض وتسلم على المرور والرد الطيب |
كفووووووووووووووووو والله يالاد شكررر ياهل الست
علووووووووومكم كلها طيبه وصيت ذايع عند القبايل كلها وابن حفيظ شيخ وما احتاج اقول شي لان المعرف لا يعرف والشيخ اشهر من نارن على علم لا هنت يالشكري يا راعي الست على السالفه ويا جعلك والله سالمن غانم |
اقتباس:
التغلبي وجعلك والله سالم يابن العمالف شكر لك ونعم فيكم يا ربعنا والله لايهينك على ردك الطيب |
بيض الله وجهك يالشكري
وسلمت يمناك طال عمرك وذي السالفه فخر للدواسر طال عمرك ولاحدن بناسيها |
اقتباس:
ووجهك ابيض وعطرت الصفحه يابو محمد وعساك على القوه |
يعطيك العافيه يالشكري على ايرادك القصة والقصيدة
وبيض الله وجه ابومبارك العماني على روايتها اخوك في الله محمد الغريري |
الساعة الآن 10:46 PM
 |
Powered by vBulletin® Copyright ©2000 - 2025, Jelsoft Enterprises Ltd.
---