يامرحبا بربعي هل الطيب والشان=الاد زايد مبعدين المرامي
ربعي هل النخوات في كل الاوطان=اللي لهم في كل ديره مقامي
حنا دواسر عزنا وين ماكان=نوفي مع الوافين في كل عامي
حنا دواسر بدو كنا وحضران =لنا في المعروف راس السنامي
وحنا العرب في كل ديره بالاوطان=لنا بدار العز جل اهتمامي
من الوادي اللي فيه شيمه وعنوان=حتى انتشرنا غرب شرق وشامي
وصارت لنا قيمه وهيبه وعنوان=نارد حياض الموت ورد الضوامي
الغرره فيهم طناخه وشجعان=تقدموا بالطيب والحض قامي
موعد تواعدنا على خير واحسان=وكل يفاخر في خوال وعمامي
وانا افتخر فيكم شباب وشيبان=ربعي هل الوقفات يوم الزحامي
وفي تالي الاعياد غنيت الالحان =قدام ربعي ماعليه ملامي
ربعي وربعي يوم روغات الاذهان=حزام عزي لاتحلل حزامي
مهما كتبت من القصايد والاوزان=ماوالله احصي طيبهم بالكلامي
اللي لهم في مهجة القلب مسكان=هذا غلاهم صار وسط العضامي
وابن حفيض اللي للجواد مزبان=ابو مناحي شيخنا بالزعامي
كريم في مد المكارم كحيلان=نجود من جوده ونرقى السنامي
حر ولد حر مثل طير حوران=حر ولدحر نوادر قطامي
تاج على راسي إليا صار تيجان =معروف اسم الشيخ بين الاسامي
وختامها ياربعنا وين ماكان =تقبلوا مني تحيه وسلامي