الشعر ماني مقترح دستوره=ولاني وكيل أدم على مذخوره
ولكن من شيٍ يحز بنفسي=هاضت به افكاري وهي مجبوره
شعر النبط شفته بوسط الشارع=يمشي ويسحب رجله المكسوره
وما شاهدت عيني عرفت اسبابه=زان الزمان وبانت المصروره
الشعر سارت هيبته ماطيه=تشاوتوه الربع مثل الكوره
يشوته الفارس وجاه الحارس=ينقز على رجله ويلطم زوره
واهدافهم يا للأسف مكشوفه=اغراض شخصيه وصوت وصوره
يستخدمون الشعر لبسط حاجه=وش هالبشر منهيةٍ مأموره
إما هذم رَجلٍ بدون مبرر=او يمدحه مدحٍ يمس شعوره
مدحه بوجهه يعتبر مسبه=إذا كان يعرف مستواه ودوره
ولا تهيض عمنا متغزل=واعطى الجهاز الحر من ميسوره
يصف بنات الناس وصفٍ خاطيء=وداوم بحلقٍ كنه الماصوره
ثم قال أنا شاعر وجاك محدر=يعدّ حاله ناجحٍ من دوره
هو ما درى ان الشعر مضلومٍ به=وإنه بشر وصحته محظوره
يا من ظلمت الشعر خاف من الله=خله يعيش وحالته مستوره
يا الربع كلمة شعر تبغى شاعر=مثل السديري يوم غاص بحوره
وابن ربيعه والخلاوي راشد=ولا عبيد العلي يوم عصوره
ومثل القضاه ومحسن الهزاني=وابن شريم اليا رفع باكوره
وابن حميد وشالح القحطاني=ولاهي عن اهل المعرفه مقصوره
ولاني مجامل مع هذا والثاني=اعدّ شعار النبط وابحوره
واللي ما هو قنعان ينشد عني=يزورني للبحث ولا زوره
وعندي اللقاء كلٍ يجرب حظه=ولاني وكيل أدم على مذخوره

يا الربع كلمة شعر تبغـى شاعـر=مثل السديري يوم غاص بحـوره
وابن ربيعـه والخـلاوي راشـد=ولا عبيد العلـي يـوم عصـوره
ومثل القضاه ومحسـن الهزانـي=وابن شريـم اليـا رفـع باكـوره
وابن حميـد وشالـح القحطانـي=ولاهي عن اهل المعرفه مقصوره
ولاني مجامل مـع هـذا والثانـي=اعـدّ شعـار النبـط وابـحـوره
واللي ما هو قنعـان ينشـد عنـي=يـزورنـي للبـحـث ولا زوره

المشاركة الأصلية كتبت بواسطة دغش البطي الغالي فالح الشكره بيض الله وجهك على إيراد هذه الرائعه والتي تعتبر من روائع الشاعر الكبير رشيد الزلامي العتيبي والحقيقه الزلامي يعتبر مدرسة شعريه مستقلة فلاهنت وصح لسانك ولسان الزلامي مليارااااااااااااااااااااااااااااااااات وأنت عوايدك الطيب ولاتنقل إلأ المفيد تحياتي القلبية محب الجميع

المشاركة الأصلية كتبت بواسطة عبدالرحمن الشرافي يا الربع كلمة شعر تبغـى شاعـر=مثل السديري يوم غاص بحـوره وابن ربيعـه والخـلاوي راشـد=ولا عبيد العلـي يـوم عصـوره ومثل القضاه ومحسـن الهزانـي=وابن شريـم اليـا رفـع باكـوره وابن حميـد وشالـح القحطانـي=ولاهي عن اهل المعرفه مقصوره ولاني مجامل مـع هـذا والثانـي=اعـدّ شعـار النبـط وابـحـوره واللي ما هو قنعـان ينشـد عنـي=يـزورنـي للبـحـث ولا زوره ابن عمي الغاالي/ فالح الشكره الله لا يهينك يالسنافي على تلبية الطلب وإنزال القصيدة في موضوع مستقل وصح الله لسانك مرة أخرى يالسنافي ولسان الزلامي وعلى قولة ابو محمد فالزلامي يعتبر مدرسه شعريه وتقبل فائق التحية والتقدير