الالف ابكتب من ضميـري قواافـي=وابين اللـي كـان للنـاس خافـي
من هاجسن ماهو مع الجـو صافـي=قام يتقلب كـن يصلـى علـى نـار
والبا بديت ابنـي مـع القافيـة تـو=واشعلت شمعاتي بعد ماانطفى الضو
وابعدت عن هرجن به الـذم والسـو=والعالـم الله عالمـن كـل الاسـرار
والتـا تمنيـت الغـلا مـا اتناسـاه=واعيش مع ذكـرى تعطـر بذكـراه
ودي بشوفه واحسـد النـاس لقيـاه=الله يجيره من صواديـف الاشـرار
والثا ثري المـال ناقـص ولـو زان=يا صار ماهـو للمساكيـن عنـوان
كنـه أبـد ماكـان والمـال ماكـان=والطيب اللي يطعم الضيف والجـار
والجيم جاني بالهوى حكـم الاعـدام=على المشاعر واصبح القلب منضـام
والحـظ عاثـر لاتحـرك ولاقــام=واللي يسافر مل من كثـر الاسفـار
والحا حمدت الله على كـل الاحـوال=الواحد المعبـود هـو يعلـم الحـال
قوله كريم ونستمـع لـه ليـا قـال=الله واكبر عـن طغـى كـل جبـار
والخا خذيت من الهوى هذي وذيـك=وكلن تقدم لي مـع المعرفـه شيـك
بيع وشرا في كلمة اعشقـك وابيـك=خلاص وقتن راح مـع كـل عيـار
والدال دارت بي بعـد حـزة فـراق=والشاهـد اللـي للمخالـيـق رزاق
الهاجس اللي نايمـن مابعـد فـاق=محتـار مابيـن المخاليـق محتـار
والذال ذابحني وانـا حيـل خـواف=والمشكله محدن سمع به ولا شـاف
طاف وتعدى والبلى يوم هـو طـاف=اخذ معه قلبي ولا شـي لـه صـار
والرا رجولة بعضهم لبسـة شمـاغ=وليـا بغيتـه باللـزوم ابعـد وراغ
يخدعك في بعض المواقف ليا صـاغ=سوالفن تزهى علـى كـل الاخيـار
والزا زهى الخاتم على زين الاطبـاع=اللي غلاه بداخل القلـب مـا ضـاع
خلـى هروجـن للعـواذل ولا طـاع=اللـي يحدونـه عـن الـدار للـدار
والسين سموني مع الناس محظـوظ=و اول انا من بينهم شخص مرفـوظ
وقلت السبب قالو ترى الناس بحظوظ=وكلن يـدور والصـدف دوم تنـدار
والشين شانت قبل ما اشوف واحتاط=وبعد الفرح صارت ملل حيل واحباط
ودرب الرياض تعجزه طلعـة الغـاط=هـذي حقيقـه والحقيقـه للاحـرار
والصاد صدق ان المشاكل بتحريـض=تصير صوره جاهزه دون تحميـض
سوالفن تمرض بها الناس تمريـض=والدرب تمشي به على جهد واصرار
والضاد ضدي من عن المرجله حاص=والموج ضاع بداخلـه كـم غـواص
مايستوي للنذل دربن بـه اخـلاص=والطيب طيـب وياصلـه كـل دوار
والطا طويت الراس في لفة الشـاش=عن كل من وده على الهرج يعتـاش
وما كل ثوبن نلبسـه أفخـر قمـاش=والناس كلـن فـي لباسـه بيختـار
والظا ظما من صار للأرض عسـاس=كانه نسى ما يشربه شاف الافـلاس
واللي بنى لابد يبنـي علـى سـاس=ومن ما وضع ساسه تعرض للاخطار
والعين عيا الصقر يمشي مع البـاز=عشان ما يخسر بها بعـد مـا فـاز
هذي حياتن حازها كـل مـن حـاز=الفوز في دنياه فـي كـل الامصـار
والغين غابت فرحتي يـوم الاسفـار=وحسيت كن الطير عن دنيتـي طـار
وما عاد يقبل لي سواليـف واعـذار=لا وا خسارة روحـة الطيـر للغـار
والفا فشل من كان بالنـاس منبـوذ=لا ماخذن منهـم ولا هـو بماخـوذ
يا صار ما عمره نطق للمـلا خـوذ=ودك تحطـه لـك مثالـن وتعـبـار
والقاف قفـت بالرجـال الصناديـد=اللي لهم بالموقف الصعـب تشديـد
واليوم نذكرهـم والاذكـار تمجيـد=اهل النوايا الطيبـه وقـت الادهـار
والكاف كافي من هل العرف توبيـخ=اهـل العلـوم الطيبـه والمطانيـخ
الشيخ وابن الشيخ واللي عرف شيخ=يبين فعله يـوم زوغـات الانظـار
واللام لاقتنـي بهـا هـم وجـروح=وانـا بعـد ممـا تلقيـت مجـروح
كنت احسب اني بس بالحب مفضوح=أثر الهوى سيفن علـى الكـل بتـار
والميم مالت قبل ما اشوف الافـراج=والصبر عندي كان ملبوسـه التـاج
لكن تعدت من ورى ساحـل العـاج=ولامن تعـدت نعتبرهـا لنـا اقـدار
والنون نام صويحبي بعد مـا عـاث=فيني وانا من قبل ما القـاه منعـاث
شكله مشى قبلي مع انجاس وخبـاث=وقالو ترى مافيه أنجس مـن الفـار
والها هويته والهوى فيـه لوعـات=والفاهم اللـي يختصـر للمسافـات
الدرب واضح ما يبي لـه مـراوات=ومن مايدل الـدرب غـادر ومكـار
والـواو ولعنـي حبيبـي ولا تـاب=والمشكله يا صار للحـب كـم بـاب
والخاطر اللي يعشقه ما بعـد طـاب=هذي حياة الحب مع شخـص غـدار
واليا يجول بخاطري قبـل مـا ابـدا=ان الذهـب يلمـع ولايـوم يصـدا
وان الكلام المختصـر دايـم اجـدا=عبدالعزيـز وقالهـا اليـوم تذكـار

المشاركة الأصلية كتبت بواسطة عبدالرحمن الشرافي اخوي فالح الشكره الله لا يهينك على نقل هذه القصيدة الجزلة والنادره وصح الله لسانك ولسان الشاعر ولاتحرمنا من جديدك الجزل تحياتي لمقامك الغالي

المشاركة الأصلية كتبت بواسطة ابو زابن صح السانك والسان الشاعر بيض الله وجهك على نقل هذه القصيده الجميله لك تحياتي