لاوالله الا شد من عندنا جار=ماهوب قن يدِّرق في قصيره
يفرح الى منه نصى البيت زوار=ذباح جل الحيل ماهي صغيره
يعطي الاصايل غير حسكات الاوبار=وراع الردى والله مايستشيره
لو كان حمله يحرزه راعي الكار=الله يرده عقب ما اقفى نشيره
ماهو بخبل في قفى الناس هذار=صندوق طيب مايبدل بغيره
لايابعد من دنس العرض بالعار=لامن تغرب عاب كل العشيره
يابو سعد ياوافي الباع ياذعار=بلاهان شيال الحمول الثقيله
لعل عود ارثك مايجي النار=ينجيه ربي في نهار الحشيره
هذي هديه تعتبر نوع تذكار=تهدى الهديه من قصير لقصيره