قصيدة الشوق
 

السلام عليكم ورحمة الله وبركاته
هذه قبلة على جبين كل واحد من ابناء القبيلة الكرام مع احلى تحيه وحترام وود .
بعد غيبة عن هذا المواقع الشامخ اقدم لكم هذه القصيدة من قديمي ارجو ان تنال على اعجابكم .
يــا محـلـى يـاخــوي ضـبــط الـدلالــي
مشروبها يبعد عن الـراس الاعمـاس
فـي مجـلـسٍ مــا فـيـه خـطـو الثقـالـي
اللـي عقولـه مـا بهـا غيـر وســواس
الا رجـــالٍ مـــن اســبــاع الـرجـالــي
فعولـهـا مــا غـيــر عـــزٍ و نـومــاس
الله خـلـقــهــم لــلــكــرم والـمـعــالــي
مثـل الحـرار العـز فيهـا مـن السـاس
احمـس لـهـم حــبٍ مــن الـبـن غـالـي
وبـالـك عليـهـا خلـهـا تـقـعـد الـــراس
ولـقــم بـدلــه وسـمـهـا حـــد صــالــي
خـلـه تـفـوح بصـالـي الجـمـر بقـيـاس
وزلــــه وبـهـرٍهــا بــزيــن الــدلالـــي
مثل العروس اللي زهت زين الالباس
احسـن عمـل رســلان مــن الغـوالـي
الـلــي لـيــا شـفـتـه تـحــس بــونــاس
سقـهـا وخــل العـفـن مـالــه مـجـالـي
واقضـب طريـق العـز والعـز نومـاس
والـعـمـر مـحـسـوبٍ بــيــوم ولـيـالــي
وش لــك بدنـيـا حـدهـا تـعــد بـنـفـاس
وخـــل الـــذي هـمــه يـعــد الـريـالــي
الـلـي مـثـل مــا قـيـل للـمـال حـــراس
مـا هـوب ايكيييـف بالجراهيـد سـالـي
ولا هوب يفرق بيـن خبـه والاطعـاس
الله خـلـق بــالارض حـسـن وجمـالـي
وبـدع لنـا بالكـون مـن كـل الاجـنـاس
وســط الفيـافـي تـحـت بـيـض اليـالـي
والجـو هـادي والهـواء بـس نسنـاس
تسـوى رصيـدٍ فـي يـديـن (ن)محـالـي
لوهـي ملايـيـن(ن) تسـجـل بقـرطـاس
وصـــلاة ربـــي عـــد وبـــل الخـيـالـي
علـى نبيـن(ن) وضـح الـحـق للـنـاس

مشاركة: قصيدة الشوق
 

مشاركة: قصيدة الشوق
 

مشاركة: قصيدة الشوق
 

ابو عمر اللاحم


صح الله لسانك على طرحك لهذه القصيدة الجزلة


والأكثر من راااائعة ..



نتمنى منك اتحافنا بالمزيد والجديد


محب الجميع

مشاركة: قصيدة الشوق
 

ابو عمر اللاحم


صح الله لسانك على طرحك لهذه القصيدة الجزلة

وبيض الله وجهك

تقبل تحياتي

أخوك

الصقر الحر

مشاركة: قصيدة الشوق
 

صح الله لسانك على طرحك لهذه القصيدة الجزلة


والأكثر من راااائعة ..



نتمنى منك اتحافنا بالمزيد والجديد

مشاركة: قصيدة الشوق
 

صحت ابدانكم ... تشرفت وسعدني مروركم على هذه المشاركة ،،

وتقبلوا احلى تحية.