|
تعرفون ليش( اللي ما يعرف الصقر يشويه )؟؟
يقول المثل المعروف :
((((((( اللي مايعرف الصقر يشويه )))))))) وكثير مننا ما يعرف قصة هالمثل .. لكن القصة تقول :( منقوله ) كان هناك رجّال عنده صقر ثمين حيل ويغليه أكثر من عياله لأنه مصدر أكلهم بعدالله فطلع أحد هالايام وكان الجو ماهوب صافي.(عج) فطيّر الطير على جول من الحباري غاب الصقر عنه وأخذ طول نهاره يصوت ويصيح في كل مرقاب ويلوح ولكن بدون فايده ... وبعد صلاة العصر وبعد التعب والظما ناظر من بعيد راعي يرعى إبله غدا له يركض ولما وصل له وإذا هو ذاك العبد اللي جالس والنار قدامه سلم الرجّال صاحب الطير على العبد وسأله عن الطير فقاله العبد: لا والله ما شفت طيرك؟! لكن من مده جاو طيرين وانزلوا تحت ذا لشجره و هم يتعاركون فقربت منهم وضربتهم بالعصا ثم قمت و ذبحتهم احتريني بعد شوي أشويهم وناكلهم فز الرجّال من مكانه وغدا صوب النار يقلب عيونه والا ذا هو طيره ومعه حبارى مولمهم العبد عشان شويهم انهبل الرجّال وصاح بالعبد : وش سويت يالهبيل ذا طيري ذا صقر انت جنيت ذا ماينوكل واللي معه حباري ذي اللي الناس تاكلها ؟!!! رد العبد وقال للرجال اللي جلس يبكي على صقره : اجلس يارجّال مابه فرق (حبارى و إلا صقر كلهن اطيور اجلس بس وتعشى ) انقهر الرجّال وقال وهو يصفق الخمس بالخمس جملته المعروف: مابه يا فلان حيله ( اللي مايعرف الصقر يشويه)؟!!!!! |
مشاركة: تعرفون ليش( اللي ما يعرف الصقر يشويه )؟؟
هههههههه
عزالله انه صاادز .. الي مايعرف للصقر يشويه يعطيتس العافيه .. ولاهنتي |
مشاركة: تعرفون ليش( اللي ما يعرف الصقر يشويه )؟؟
تسلم ولا هانت يمناك .. ها يا لقرم عسى جاز لك الخط الحينا !!
مانبي نكلف عليك ونخليك تشري لك نظاره ومقاسات نظر وحوسه ههههههههههههههههه تسلم ويسلم مرورك ورايك الغالي علينا ودام عز الدواسر اختكم الصغيره الريم |
مشاركة: تعرفون ليش( اللي ما يعرف الصقر يشويه )؟؟
لا اختي الريم
حيك عقلتي ههههههه الخط الحييين زيييييين ولاهنتي على هذه القصة الجميلة والله يقطع العبد مالقاء الا الطير (1) ياكله (1) : الطير يحرم فالاسلام أكلهه لآنه من الجوارح للجميع اجمل وارق التحايا |
مشاركة: تعرفون ليش( اللي ما يعرف الصقر يشويه )؟؟
يا الله يالشرافي شكلي استاثمت فيكم جميع مع ذاك الخط؟!!!
بس والله مدري كيف طلع ذاك اللون .. أنا اخترت أزرق بس عاد اللي صار ( يالعيب بي أنا أو العيب بي أنا بعد ) هههههههههههههه عموما بيح مننا ومنك السموحه و معتزه بمرورك الغالي ودام عز الدواسر أختكم الصغيره الريم |
مشاركة: تعرفون ليش( اللي ما يعرف الصقر يشويه )؟؟
أول شي يا ليت تخطين الخط أزرق تراه أحلى هههههههههههههه
ومشكوووووووووره على هالقصه الرائعه وتقبلي خالص الأحترام |
مشاركة: تعرفون ليش( اللي ما يعرف الصقر يشويه )؟؟
الله لا يبارك فيك عبد
مشكوره على القصه الرائعه واما انت يا الزعيمي ترى اللون الاصفر احلى هههههههههههههه |
مشاركة: تعرفون ليش( اللي ما يعرف الصقر يشويه )؟؟
لاهنت أختي الريم على السالفة الطيبة
وصحيح اللي ما يعرف الصقر يشويه |
مشاركة: تعرفون ليش( اللي ما يعرف الصقر يشويه )؟؟
أختي الريم مشكورة على هذه القصة الجميلة وأي لون تكتبين به مقبول عندنا |
مشاركة: تعرفون ليش( اللي ما يعرف الصقر يشويه )؟؟
أخوي عبدالله البريك
شكرا لك ولمرورك الغالي علينا وابشر بالأزرق مع ان قلبي متولع بالأصفر بس يلا ...نخليها هالمره أزرق لأجل عين الزعيم .. ودام عز الدواسر اختكم الصغيره الريم |
مشاركة: تعرفون ليش( اللي ما يعرف الصقر يشويه )؟؟
ابن وتيد .. تسلم ياولد العم
وزي ما قلت عبد ... ؟؟! الله يجيرنا وياك وش فهمه بالصقور .. ومجايبها شكرا لمرورك الغالي .. ودام عز الدواسر الريم |
مشاركة: تعرفون ليش( اللي ما يعرف الصقر يشويه )؟؟
أخوي الودعاني طاب حالك ياولد الأحرار
شكرا لك و لتجاوبك واهتمامك يالاجودي ودام عز الدواسر اختكم الصغيره الريم |
رد: تعرفون ليش( اللي ما يعرف الصقر يشويه )؟؟
أخوي عبدالله البريك
شكرا لك ولمرورك الغالي علينا وابشر بالأزرق مع ان قلبي متولع بالأصفر عبدالله ارجوووك اطلع منه آوكي |
مشاركة: تعرفون ليش( اللي ما يعرف الصقر يشويه )؟؟
الركن .. وما أدراك ماالركن ...
لاحد يتكلم عن الألوان وأنت كاتب بأغلى لونين علينا الأخضر والأبيض لون الوطن لا خلانا الله منه شكرا لك ولذوقك و كلامك الطيب طيب أصلك ودام عز الدواسر أختكم الصغيرة الريم |
مشاركة: تعرفون ليش( اللي ما يعرف الصقر يشويه )؟؟
,,
, أصبحـ هذا المثلـ مظربـ لكثيـر منـ الأمـور كلـ الشكـر لجـ إختيـ الريمـ على هذي القصهـ يعطيجـ الف عافيهـ |
الساعة الآن 04:11 PM
 |
Powered by vBulletin® Copyright ©2000 - 2025, Jelsoft Enterprises Ltd.
---