يامنتدانـا وش دوى علـة القـلـب=ياكـود كيـه كيـة(ن) فـوق كـيـه
امنول(ن) قالوا هل العـرف والطـب=الا عجـز طبـك ابـشـب الظـويـه
وأنا بشب النار فـي ظامـري شـب=وبحرقه من قبل يلحق عليه
قلب(ن) من أهمـوم الليالـي معـذب=وهـو سبايـب علـتـي والـرزيـه
من سبته دمعي على الخـد ينصـب=مثل المطـر وان هـل معـه أبرديـه
ياكـن جوفـي بالسكاكيـن يـشـذب=وتطعن بـه ارمـاح الزمـان القويـه
واصبحت في عين الزمن شخص مذنب=وأنـا تـرى مالـي ذنـوب وخطيـه
جنبت خلـق الله كمـا حالـة أجـرب=وماعاد لـي روحـه عليهـم وجيـه
حالي غدى حتى على الطفـل يصعـب=جيش الهموم استوطـن اليـوم فيـه
ودي أقفـي بـس ياويـن بـهـرب=مرضى على نفسـي تشيـل الرديـه
الله خلقنـي بنـت خفاقهـا صـلـب=يحمـل معانـي المرجلـه والحمـيـه
وانا ترى بنـت(ن) بـي امثـال تضـرب=من نسل بيت(ن) وأفـي(ن) بالعطيـه
واختامهـا تحيـة(ن) ريحهـا هــب=يحمـل معـه ريـح الـورود النديـه

دنياَ تصلفق كل ما قلت زااااااانت= قامت تصفقني على كل الالوان