::: مـنتدى قبيلـة الـدواسـر الـرسمي ::: - قصتي مع بنت في الكليه ......

صباح الخير ياحلوين , اليوم جايب لكم قصه حب وغرام ظريفه , يمكن تكون من الطراز الأول

حصلت قصه ظريفة في عالم الحب, يقول صاحبنا زهـــير

قبل ايام قليلة من الأختبارات , رحت لمحل بيع الكتب المستعمله المكتبة هذي تبيع الكتب الرخيصه

رحت وشريت لي كتاب (وهذي طريقة الشباب في الأمتحانات )

فتحت الكتاب اللي شريته , فتحت الصفحة البيضاء اللي بعد الغلاف لقيتها مكتوبة بقلم حبر ناشف، (( توك تبدأ المذاكره ياشاطر ؟؟ ))

وايضا مكتوب :

(( انا ادري انك اول ما بتقرأ هالمكتوب بتستغرب , بس بقول لك شي : انا بصراحه مثلك في الكلية , و ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت

عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله بجي اشتريه تاريخ كذا

طالعت التاريخ واذا التاريخ بكره ؟؟!!!

وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر

رتبت لها رد محترم ومظبط وقلت لها: ترى أبي أشتريه عقب أسبووع .. ورحت أرجعه ..

وفعلا رجعته وشراه الزوووول (راعي المكتبه ) شراه مني بنص السعر

اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت بنت واشترته

انا اتشققت واستانست

المهم أخذت أنا ويّاها ((مع وجهي )) ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..

لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..

مررررررت الأيام وجيت مرة قلت للـزوول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو

أحمر أصلا مو اصفر !!!!!

في هاللحظة رجعت للمحل بسررعه ,,,, تتوقعون وش شفت ؟؟؟!!!!

لقيت الزوول ماسك الكتاب وقاعد يكتب في الصفحات البيض ,, عشان يشوف ضحية ثاني غير ؟؟

يلعن ابو الغباء اثري طلعت اكبر غبي على مستوى التاريخ

والزوول طلع اكبر ذكي في السعودية

ذكرت هذه القصه لذكر بعض طرائف غباء بعض الشباب