|
انا في بحر جده وخلي ورى بحر = وروحي من الفرقا عسى الله يصبرها
السلام عليكم ورحمة الله وبركاته..
اقدم لكم هذه القصيدة وهي اول مشاركة لي في هذا المنتدى الموقر .. اقول فيها :
انا في بحر جده وخلي ورى بحر = وروحي من الفرقا عسى الله يصبرها انا لا ذكرت الرمش والخد والنحر = وعينن يضيع حجته من يناضرها وعنق(ن) يتل القلب و يحير النظر = وشقر(ن) على بيض الترايب ينثرها تهل الدموع ويقضي الصمت والصبر = وتبين الجروح ودمعت العين تنظرها جروحي بروحي ومنها القلب ينكسر = وكسر القلوب العاشقه من يجبرها ولو حاولو تجبيرت القلب ما جبر = كسره الفراق اللي حياتي مدمرها انا مالقيت وصوف خلي مع البشر = مزاياه ربي في عيوني مكبرها يباهي بها شعري وهي قمة الشعر = قصيدي يغنيها وفكري يصورها عسى ديرتن تسكن بها صادق المطر = عليها مزون الوسم بالخير يامرها يربع بها قلبي ويدله بها الصدر= وتطيب النفوس اللي فراقه يكدرها وسلامتكم .. واعدكم بإنزال قصيدة مسندها للشاعر الكبير / عبدالله بن عون وتحياتي |
رد: انا في بحر جده وخلي ورى بحر = وروحي من الفرقا عسى الله يصبرها
|
رد: انا في بحر جده وخلي ورى بحر = وروحي من الفرقا عسى الله يصبرها
الغالي : الحزيمي
مالقيت وصوف خلي مع البشـر ... مزاياه ربي فـي عيونـي مكبرهـا الله عليك أيها الرائع بداية موفقة وابيات جميلة هي تلك التي نثرتها لنا ووعدتنا بمثلها فشوقتنا لذلك أشكرك وأتمنى لك التوفيق . |
رد: انا في بحر جده وخلي ورى بحر = وروحي من الفرقا عسى الله يصبرها
أخي الحزيمي
مرحبا بك بين إخوانك مصافحة جميلة و إبداع و صور رائعة دام تواصلك و يا هلا،،، |
رد: انا في بحر جده وخلي ورى بحر = وروحي من الفرقا عسى الله يصبرها
وعليكم السلام عليكم ورحمة الله وبركاته الشاعر الفاضل : الحزيمي حيه وحيي ماجاب صح الله السانك وعتلا شانك اخوي الحزيمي قصيده وافيه جعلك المعزه وبارك الله فيك وفي منطوقك الحسن ترفق علينا وانا اخوك ترى القلوب خضر وتقبل مني فائق التقدير والاحترام اخوك / فهد الغريري,, |
رد: انا في بحر جده وخلي ورى بحر = وروحي من الفرقا عسى الله يصبرها
تهل الدموع ويقضي الصمت والصبر=وتبين الجروح ودمعت العين تنظرها جروحي بروحي ومنها القلب ينكسر=وكسر القلوب العاشقه من يجبرهـا إبن العم والشاعر الحزيمي أولاً مرحبا والله ومسهلا بك بين بني عمك وهذه الساعة المباركة اللي لفت بك وثانياً مصافحة جميلة سوف تجبرنا وتجبر المتلقي بمتابعة ماتكتبه لنا قصيدة في غاية الروعة والجمال فصح الله لسانك ملاييييييييييييييييييييين وجعل من جابك في الجنة ولاتحرمنا من روائعك الجميلة ومنها اللتي وعدتنا بها والموجهة لأبن عون تقبل الود والتقدير والشكر والعرفان والله يحييك مرةٍ أخرى محب الجميع : دغش البطي |
الساعة الآن 01:53 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
