و الله لولا اني أقدّر للأخوّه=و أكني الضيقات لا تحسّ الرفيقي
قلت لك يا حمود ما تبغيه سوّه=و الصناعية عساها للحريقي
من غلا قدرك حديثي لك جروّه=خابرك لا أنسد في وجهي طريقي
لا طلبتك رخصةٍ ما قلت لوّه=المراجل شاقتك و إلها عشيقي
و المشاكل ما تحلّل بالفتوّه=و الرّدا من شخص مثلك ما يليقي
في الطلايب و الحكا ماني مفوّه=في المواقف و الصخا فعلي حقيقي
ما نخاوي كون رجلٍٍ به مروّه=لا تضايق خاطري صدره يضيقي
ما يهمه كثر ما عنده و شوّه=يتحمّل دايمٍ ما لا يطيقي
كاسبٍٍ الطيب ساسه من علوّه= لا لفاه الضيف رحّب ما يويقي
بشّر اللي ياجد ابن غنيم توّه=دلّة الرسلان تسبق و البريقي
هيف كبش الضان يا رحمن قوّه=ما حلا لا من هرج و العود سيقي
كم عميلٍ طاح حظه شبّ ضوّه=يخشره فيما معه كنّه شقيقي
أشهد إن لمطير بدّ الناس خوّه=انشد التاريخ و العلم الوثيقي
قاله اللي لا تكلّم ما يموّه=لا طرالي شوف ربعي نشف ريقي
ربعي اللي في المعارك ما تبوّه=ترثة العرعير و المجد العريقي
العدو نسقيه من كاسات سوّه=من تجاوز حدّنا ما يستفيقي
و جارنا ينصان عرضه ما يشوّه=نكرمه و نشيل عنه كل ضيقي
ذا وصلى الله على ختم النبوّه=عد ما نجم تلالى له بريقي

&#91size=9&#93&#91ft=System&#93&#91color=#000000&#93صح السا نك عدد نجوم السما كفو والله بالحقبان كلهم قول يسبقه الفعل تقبل كل الود والتقدير&#91/color&#93&#91/ft&#93&#91/size&#93