::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   حفيد عامر شيخ عصره والازمان (http://alduwaser.org/vb/showthread.php?t=64721)

عبدالله بن عريمة 25-01-2013 12:31 AM

حفيد عامر شيخ عصره والازمان
 
تشرفت بكتابة هذه القصيدة في سمو الامير محمد بن احمد السديري رحمه الله
ابوزيد العلم المشهور ذائع الصيت والذي فاقت شهرته وعلو همته جبال طويق
وقممها مجدا وكرما ووجاهة وشهامة وعزا وسؤدد الامير الفارس الشاعر الاديب
الكاتب الذي ملا الدنيا صيته


للمجـد ساداتـه وللجـاه سلطـان =وللصيت اماره وللامـاره سلاطيـن
للمعرفـه رواد واعـلام واركــان =تزهى السدارى الشيـوخ المياميـن
للشعـر والاداب سـاده وديــوان =ولمجاد موروث العرب حاجب وعين
للمجد نجد طويـق معلـم وعنـوان =يحكي شموخ السالفيـن المجيديـن
للمنسب المحسوب قيمـه وحسبـان =حكام وشيـوخ ومقـام ومضاميـن
للملحمـه فـارس وللخيـل ميـدان =وللقمـه العليـا حـرار وشياهيـن
تعزى لبوزيـد الاميـر بـن بـدران =محمد بن احمـد ذرى المستجيريـن
حفيد عامر شيخ عصـره والازمـان =سليل الزعامه والشيـوخ الرفيعيـن
للحكمه اشعاره لهااسمـاع واذعـان =ورد الروى المورود والمنهل الزيـن
ملفى القبايل مضرب الجاه والشـان =زبن الدخيل وسقـم كبـد المعاديـن
سيف العروبه مقطع طوال الايمـان =مرجع صريح العلم بيـن الحجاجيـن
من حد وادي طريف الى حد نجـران =تلفي على قصره جموع المسلمين
صيته ملا الدنيا من الانس والجـان = هذي هي الشيخه وهذي البراهين
اشهر من سهيـل اليمانـي ليابـان = أسم السديري اللي غط أسما المسمين
شمسٍ لها نجوم الدجى تغضّ الاعيان =يغبـط عليـه الزايـدي والبداريـن
هذا السديري من على عصر بـدران =مضرب مثل للمجد وين المدى ويـن


للشاعر / عبدالله بن عبدالرحمن بن ذيب

راشد المسعري 25-01-2013 02:49 AM

رد: حفيد عامر شيخ عصره والازمان
 
الله الله

صح لسانك يابن عريمة وجزل دايم وماتجيب إلا الجزل

وقامة مثل الامير محمد الاحمد السديري يستاهل معلقات ولا توفيه حقه

وذكرتني ببيته القائل:

انا حفيد لابن بدران عامر
ضمين الرجال ليا تعصت امورها


رحمك الله يابو زيد ، ولاهنت يابن عريمة

تقبل ودي وتقديري ،،،


سيف2013 25-01-2013 10:53 AM

رد: حفيد عامر شيخ عصره والازمان
 
بيوت جميلـــــــه

في الامير محمد السديري

اللـــــه يرحمه

ومشكور ابو عريمه علئ

هذي المختارات

عبدالله بن عريمة 21-02-2013 03:59 PM

رد: حفيد عامر شيخ عصره والازمان
 
اهلا بك ياراشد المسعري
واسعدني تواجدك الرائع
تحيتي لك

عبدالله بن عريمة 22-02-2013 11:56 PM

رد: حفيد عامر شيخ عصره والازمان
 
هلابك ياسيف
وشاكرلك حضورك يالقرم
تحيتي لك

ابن غزه 05-04-2013 06:51 PM

رد: حفيد عامر شيخ عصره والازمان
 
يسلم يدك عالكتابه بارك الله فيك
موضوع جميل


الساعة الآن 03:02 AM

Powered by vBulletin® Copyright ©2000 - 2024, Jelsoft Enterprises Ltd.
---