|
وين الشعاعير
ياسلامي برده ريحة الياسمينا=عد مالاح برقن في سماه ورعدها انقطعنا من الشعار رحنا وجينا=ماقطعنا الشكاله راكزينن عمدها |
ياسلامي برده ريحـة الياسمينـا=عد مالاح برقن في سماه ورعدها انقطعنا من الشعار رحنا وجينـا=ماقطعنا الشكاله راكزينن عمدها كفوووووووووووووو ارحب تراحيب المطر وصح لسانك يالقرم بدايه رائعه من شاعر جزل نتيح الفرصه للشعار لاياخذوا فرصتهم نحن من المتابعين |
ارررررررررررحب يابوشجاع:
مرحبا يالسنافي رده الغانمينا ** عد ما بانت نجوم السما في وعدها ان حضرتوا و غبتوا يالشلي بينينا ** ما دخلكم شكوك و خابرينن فهدها |
صح بدنك يابن وتيد
مرورك يشرف يالسنافي تحياتي القلبيه-- |
ارحب يافتى الجود
البقا جعل عمرك من طوال السنينا=ياطيور الفلاح اللي ينومس هددها لاتعوّد كما مافات تخطي علينا=اثببتوا بالمواجهه مد يمناك يدها |
و البقا يا بوشجاع
نحمد الله نحسبك بين جده و سينا *** يذكر ان الضحايا ما يحسب عددها انت قرمن و تدمح لونا ما خطينا *** ما خبر عاقلن عينه يسبب رمدها |
وين الشاعرين كنا منتظرين تكمله المحاوره ولا زلنا
تعلقونا وتتركونا مايصير في انتظاااااااااااار الشاعرين |
يافتى الجود عذرن لك ترانا بطينا=الظروف اشغلنّا صاحبك ماعمدها فاطنن لك وانا خابرك رجل(ن) فطينا=المعاني على قمة جبل من وردها |
اقتباس:
وشاكر لك مرورك |
ارحب يابوشجاع و معذور نفداك:
حسبي الله على سابك و سهم اللجينا *** اشغلن العرب و الوالده عن ولدها طرف الليل وانا يالشلي ما سرينا *** سوقها و الحبال يحلها اللي عقدها |
صح لسان الشاعرين القديرين
متابعينكم واصلووووووووووووووووو |
ارحب ياعميلي=
ان وردنا وردتم وان ظميتوا ظمينا=عزوة(ن)زايديه ماتوانا جهدها منزل الدوسري متوسط الفرقدينا=كل مابالجزيره بأم عينه شهدها |
اقتباس:
بارك الله فيك والله لايهينك على التواصل والمتابعه تحياتي للجميع-- |
مساكم الله بالخير جميعاً الشاعرين العملاقين ابو شجاع وفتى الجود مااقول الا الله يبيض وجيهكم على الابداع المتواصل والتشجيع المستمر لشعراء المحاورة وهذا ماهو غريب من شعراء بحجمكم واصلوا عساكم بالوجود |
الدواسر كواسر من زمان الظمينا *** وابو زابن حكمها اليوم و اكمل سعدها
عزوة العز و الامجاد خطلا اليمينا *** وسط عهد السعودي ما تغير عهدها |
اقتباس:
اررررررررررحب ثم ارررررررررررررحب يا شايبنا حراااااااااااااااااام عليك و يش ذا الغيبه اللي مثلك ما للمنتدى عنه غناه ارحب و اسهل و تقبل تحيات اخوك فتى الجود |
ارحب يابوحاجووونه مرورك شرف ياكحيلان
وغيابك فقيده جعل عمرك طويل لاهنت على تواصلك ومشاركتك يالذيب |
صح السانك يافتى الجود
واسعدني اللعب مع شاعر بحجمك ولنا لقاء ثاني ان شاء الله مباشر تحياتي للجميع-- |
صح بدنك و لا هنت على المواصله رغم ظروفك
وانا اللي استفدنا منك طال عمرك تقبل تحيات اخوك فتى الجود |
بيض الله وجيهكم على المحاوره الجزله
مشكورين وفي انتظاركم في محاوررات اخرى انتم كريمين وحنا نستاهل لكم جزيل الشكر من اخوكم/ابن وتيد |
الساعة الآن 08:32 PM
 |
Powered by vBulletin® Copyright ©2000 - 2025, Jelsoft Enterprises Ltd.
---