|
أقرررررررررب ندا....
أقرب ندا ياربعنا أقرب ندا = يالابتي ياسعد منكم محزمه صوت وصدى يالابتي صوت وصدى= شاعر وفي راس الجبل رز علمه |
مرحبا بك يابن العم ومسهلا
يشرفني اني العب معك اذا سمحوا لي الربع واستلم
طول المدى نفخر بها طول المدى=عز الدواسر ما احد بيوم ثلمه وفوق الهدا لك نرفعه فوق الهدا=ياشاعر للطرق جود ونظمه |
لاهنتو يالربع متابعينكم واصلوووووووو
انا ماسك الصف |
نرحب بالشاعر الجديد/ماجد الدوسري
ارحب تراحيب المطر حياك الله في منتدى الجميع بدايه جزله مايجيبها الى شاعر جزل نتمنى لك الاستمرار معنا لتفيد وتستفيد الشاعر الكبير/ وسام العصا صح لسانك يالقرم مشاء الله عليك على جبهتين يالقرم شاعر مميز كل يوم يبهر الجميع بابداعه نحن من المتابعين نتمنى متابعه اللعب |
ماجد الدوسري ووسام العصا
ما شاء الله تبارك الله بداية قوية للجميع وأتمنى أن تتحفونا بمحاورة شيقة نستفيد منها كمتابعين وشعار والله الله في اللعب الزين وترانا في صفكم جميع . ولكما الود والتقدير ،،،، |
الاخوة وبين العم
وسام العصا مطلق الحصان آل عمار ابن وتيد ابو عبدالمحسن المسعري حياكم الله جميعا والساعة المباركة اللي جمعتكم كلكم والله لا يهينكم على الحضور الطيب والمشجع . اخوي وسام العصا: تسلم على الرد والمعذرة على ا لتأخير . |
استلم ياوساااااااااام..
يسلم لسانك يابعيد من الردا = ياعون ابن عمه ليا منه زهمه خلك معي والليل توه مابتدا = ناطا الدروب الواضحة والمبهمة |
وانا يابن عمي والله ان لي الشرف بمثلك وشرواك
تاه الجدا هو علمنا تاه الجدا=والكبش ماله نفع من دون شحمه توه عدا من بيننا توه عدا=برق بدربك لا سرينا ما اظلمه |
اساتذتي وابناء العم / مطلق ال عمار / ابن وتيد / ابو عبدالمحسن المسعري حياكم الله وبياكم والعذر على القصور و بامر الخدمه للقروم شرواكم اخوكم وتلميذكم / وسام العصا |
ارحب ياوسام...
لاجلك فدا ياصاحبي لاجلك فدا = نرجع على الطرق القديم ونحكمه لاحد يحدا عن صاحبه لاحد يحدا = وسام قلّي ويش وسمن تاسمه |
صح السانك يا ماجد
وصح السان شاعرنا الكبير وسام العصا |
صح بدنك ياعابر سبيل ومشكور على المرور الكريم وشكرن لمتابعتك يالغالي
|
الحمدلله على السلامه ياعزوتي استلم
ما قد غدا فى طرقته ما قد غدا=احمد الآهي يوم رده بقدمه مثل السدا اليا ارتدم مثل السدا=الزايدي لا تساله وانت بفمه |
صح الله ألسنتكم واصلوا ونحن متابعين لكم تقبلوا كل الود والتقدير |
صحت السنتكم ياشعار
والله لايهينكم واصلوووووووووا |
صح الله لسان الجميع
وازهلوا الصفوف يالربع |
الأخوة وابناء العمومة الأفاضل
مسفر المصارير ابو شجاع هايف العماني الحقيقة إنه من أسعد اللحظات هي وجود شرواكم في متصفحنا وضمن متابعينا أنا وأخوي وسام العصا جعلنا مانعدمكم يالنشاما شاكرين لكم الحضور والتشجيع الطيب. |
أرحب ياوسام
شوف الندا ياربعنا شوف الندا = عقب المطر من فضل ربي وكرمه روّح سدا مجهودكم روّح سدا = وشريم ينفخ مايساعد برطمه |
ابناء العم الاكارم/ هايف العماني /مسفر المصارير /ابو شجاع الاخ الكريم / عابر سبيل حياكم وبياكم شرفتونا لا خلا ولا عدم اسف على التاخير يابن العم / ماجد ولكن ظروف العمل استلم لا هنت يالقرم وانتبه معي (خل المعنى مدفون لا تكشفه) واستمر وابشر بخير .
عاده بدا وازرى بنا عاده بدا=وش علم بعض الناس حظه يظلمه ما به ردا بس جاهل مابه ردا=لولا العروق ان كان والله ماارحمه |
الاخ وابن العم الشاعر الكبير وسام العصا
المعذرة على التأخير بسبب العمل ياخوك شفتات ووجع راس لكن اللعب مع شرواك بحضور المطاليق من أبناء العمومة ينسي التعب ، وشرفني اللعب مع شاعر مثل و سام العصا ولاهنت على كل حال يابن العم ولعدم وجود الوقت الكافي اعتذر عن إكمال اللعبة وشكرن لك ولأحبتي من أبناء العمومة. و الجايات اكثر |
اررررحب يابن العم ولا حصل قصور منك حتى تعتذر والشرف لي والله اني لعبت معك والجايات على ما قلت اكثر واشكر جميع من تابعنا على حسن المتابعه وامل ان نكون عند حسن ظنهم جميعا. واستلم الختام
خوف العدا في غيبتك خوف العدا=تشمت وتزهف بالهروج بتمتمه مار اركدا وابشر بها مار اركدا=ساقتك ابا احمي والردي ابا الطمه |
الساعة الآن 03:50 AM
 |
Powered by vBulletin® Copyright ©2000 - 2025, Jelsoft Enterprises Ltd.
---