وينكم يا اهل الالغاز ؟؟
 

السلام عليكم ورحمة الله وبركاته

الغز يقول

بنشدك عن عذرى ثوبها مطرز 00000000000زوجوها شايبن 00بعد ما مات

ماودي اطول عليكم ورونا جودكم

في انتضار الحال

وين حلالين الالغاز

الآخ العزيز غشام الدوسري .
بعد التحية والسلام ( الخيمة وعمودها ) اخوك العاصف 15 .

الغز يقول :
أنشدك عن رجل رفيع مقامه .......... بين السماء والأرض يظهر كما القرس
له ماقع محكوم محدن يناله .......... يغيب في أمريكيا ويظهر على الروس

(( وسلامتكم ))

أتوقع : القمر؟؟

النادرة اشكركي على المرور ( ومساء الخير )
وغير صحيح .

العفو أخوي العاصف.... وأتمنى منحي فرصه ثانيه للاجابه التي أعتقد انها (حرف الواو)

العاصف 15
الله لايهينك
اللغزقد سمعته وهو ((العقـــــــــــال)) 0

حياك الله يالعاصف 15

اتوقع انها (الشمس)

النايف 1
صح لسانك وبيض الله وجهك .
وشكراً على كل من مر وشارك ولم يحالفة الحظ .
والغز عندك يالنايف 1 وعطنى الجديد الي عندك .
من غير قصور في الجميع .

أنشدك عن عبدٍ ركب فوق حره=== وفراشهم من والي العرش مفروش

تنسف جدايلها وهي ما تضره === والعبد والحره من السوق بقـــــروش

((((((((ترى اللغز مايحتــــــــــاج ،لا تروحووووووون بعــــــــــــيد ))))))))0

النايف 1
بعد السلام عليكم ورحمة الله وبركاته .
ويش رايك في (( العقال والغترة ))

صح لسانك يالعاصف 15
والدور عليك هاااااااااااااااااااات ماعندك لاهنت 0

انشدك عن بنت لرجل مسلقاه **** سعده بها والبنت ياسعدها به
ما دامها تحت الرجل ما حدن جاه **** وليا تنحت عنه كلن عدابه

الأخ غشــــــ الدوسري ـــــــام .
بعد التحية والسلام عليكم ورحمة الله وبركاته .
حل لغزك الأول : (( ورقة خمس مئة وصورة المغفور له بأن الله الملك عبد العزيز ))

وعليكم السلام ورحمة الله وبركاته

صح لسانك اخوي العاصف ومالها الا رجالها

صح بدنك وشكراً على الرد السريع منك اخي غشـــــ الدوسري ــــام وما عليك زود وكل المشاركين :
والغز الجديد هو :
انشدك عن بنت لرجل مسلقاة ***** سعده بها والبنت يا سعدها به
ما دامها تحت الرجل ما حدن جاه ***** وليا تنحت عنه كلن عدابه

العاصــــــــــ15ــــــف

الله لايهينك على جهودك

أعتقد انه ديد الناقه(الثدي) والشماله 0

اخوي النايـــ 1 ــــف :
صح لسانك وبيض الله وجهك وما قصرت :
والدوووووووووور عندك الله لايهينك .

أنشدك عن رجلٍ سميه مع الجيش000والاسم الاخر ينتسب للعروبـــــه
لاجيت حــده ينتــهي كــل تفتيـش000ترحل ونفسك عن هواهامغصـوبه
جمــاد مابه نبت شعــرٍ ولا ريـــش000ومن شوفته بعض العيون محجوبه

الأخ النايف 1
وش رايك في السيف

مشكور يالضاوي ولاهنت( السيف)

صحيح بيض الله وجهك 0000الدور عليك يابوي 0

الأخ النايف بيض الله وجهك وجه الضاوي
وستلموا اللغز نيابة عن الضاوي من غير قصور فيه لأنه فوضني .
ويش بنت تطلب خطيب بلاشوير ***** والهقاوي من سببها حدث زلزالها .
صار عقد قرانهم في نهار(ن) زمهرير***** في نهار(ن) صفقت له وهو نادالها .

السلام عليكم ورحمة الله وبركاته

اخوي العاصف

اظن الحل صلاة الجمعه

وسلامتكم

أخي سالم الغريري
وعليكم السلام ورحمة الله وبركاته
(( غير صحيح ))
وشكراً على المرور والمحاولة .
تقبل تحياتي

أنشدك عن رجلٍ سميه مع الجيش000والاسم الاخر ينتسب للعروبـــــه
لاجيت حــده ينتــهي كــل تفتيـش000ترحل ونفسك عن هواهامغصـوبه
جمــاد مابه نبت شعــرٍ ولا ريـــش000ومن شوفته بعض العيون محجوبه


اللغز الموضح اعلاه طرحه الاخ النايف1
وفي اعتقادي انه لايعلم الحل الصحيح لان احد الاخوه اجاب بانه السيف واقر ذلك
والحقيقه ان الاجابه هي (الركن اليماني)
والمقصود بسميه مع الجيش هو الركن والاسم الاخر ينتمي للعروبه هو اليماني والمقصود من اليمن واليمن بلد عربي

ولكم شكري وتقديري

بما ان الأخ طير حوران قام بالتعقيب
عندي تصحيح للأجابه

الحل هو سلاح ( درع الجزيره )

الموجود في حفر الباطن


ولكم احترامي

[quote=الرمح]بما ان الأخ طير حوران قام بالتعقيب
عندي تصحيح للأجابه

الحل هو سلاح ( درع الجزيره )

الموجود في حفر الباطن


اخي العزيز الرمح اعتقد ان الاجابه هي الركن اليماني لانه يقول ترحل ونفسك عن هواه مغصوبه يعني انك من كثرة الزحام عليه ترحل اجباري وهناك ملاحظه انك اذا وصلت اليه ينتهي كل تفتيش بمعنى انه لايوجد بينك وبين الركن رجال امن

هذا في اعتقادي والله اعلم

أخوي العاصف الحل هو المملكة يوم فتحها عبد العزيز

انشدك عن رجل له أسلوب واحساس مهمته يقرا كلام المزاين
له قبة حطت على هامة الراس ومن سبته ياماخسرنا ملايين