|
منوة اللي لا تظايق من ظروفه
اخواني الاعزاء اسعد الله اوقاتكم بكل خير يسرني ان اهديكم هذه الابيات المتواظعه عسى ان تنال اعجابكم ورظاكم
راكب اللي لا مشا يجلا الحسوفه= لا تنهض مقدمه مالخد زاعي جيب نيسانٍ عديمٍ في وصوفه= مايبي له غير راع الصنف راعي منوة اللي لا تظايق من ظروفه= ما قعد يركب مع النقل الجماعي عقب ما قضا من المطرش شفوفه= قال انا مشوف للمقعاد داعي كل ما شافوا بجده ما يشوفه= كون دارٍ شوفها مثل المتاعي دار اهلنا جعل ساعات النكوفه= بعد ساعات المفارق والوداعي وسلامة الجميع |
اررررررررحب ارررررررررحب يامحمد وصح الله لسانك والله أنك غالي وفي مدحك اليوم للجيب النيسان زاد غلاك أهل الفكسارات شايفين نفوسهم علينا شوي لكن اليوم ماعلي منهم مرة أخرى الشكر نكرره لك أبو محسن |
صح لسانك اخوي محمد
|
الأخ : محمد صح الله ألسانك وأعتلا شانك يا الغالي قصيده جزله يا طويل العمر أخوك : مسفر المصارير |
اقتباس:
يا سلااااااااااااام صح الله لسانك يا ابو محسن على القصيدة اللطيفة واخيرا عينا احد ينصف النيسان ويعطيه حقه وعزالله ان جيب النيسان موتر وعساك على القوة |
اقتباس:
الاخ العزيز الغالي ابومحسن "" محمد بن حشفل الخضراني "" اررررررررررررحب تراحيب المطر ارررررررررررررحب ترحبيةٍ من واحدٍ يقدرك ويقليك اررررررررررررحب ثم اررررررررحب ثم اررررررررررررحب يابومحسن والله اني صادق وافي في شعرك جعل لا يخلينا من الي مثلك وشروك ياعشير المناعير ومن اليوم ورايح معدني معذرب النيسان مدام مدحته يابومحسن واهدي هذي القصيده للغالي ابومشنان " سالم الغريري " وقولك هذا منوتك يابومشنان الشاعر الكبير ابن حشفل جعله المعزه مدح النيسان والي يمدحه ابومحسن يزود غلاه. ابومحسن صح الله السانك وعتلا شانك وزادك الله في مقامك ان اشهد ان الابدع ينبع بين من يمينك جعل مايجها العطب وتقبل تقديري واحترامي اخوك / فهد الغريري |
الاخ الواضح
بكل سرور اطلعت على تعقيبك جعل من ارثك بالجنه الف مليون شكر لك على الكلام الطيب اخوك محمد
|
اقتباس:
الشاعر الكبير : محمد بن محسن الخضراني أرررررررررحب أرررررررررررررحب ياابو محسن يامرحباً بالقصيد هو وراعيه والله العظيم إني صادق الغربه دائماً تظهر النوادر كما أظهرت لنا هذه القصيدة قصيدة تشرفت بسماعها منك شخصياً واليوم أقرأها في المنتدى ونتشرف بك وبالقصيدة كيف لا ؟ والقصيدة من شاعرٍ كبير بحجمك ياابو محسن سلمت يمينك وبيض الله وجهك والله يجزى ( جدة ) كل خير التي أطلعت هذه الدرة صح الله لسانك مليار × مليار ولاتكفي يابن الأحرار عاطر التحايا القلبية لمقامك العالي محبك ومغليك : أبو محمد |
الاخ مدعث الدوسري
الف شكر على التعقيب بيض الله وجهك تقبل مني وافر الشكر والتقدير اخوك محمد
|
منوة اللي لا تظايق من ظروفـه....ما قعد يركب مع النقل الجماعـي
أحييييييييه يابو محسن ، صح لسانك ملايين على هذه القصيدة الرائعة بروعة قائلها ، بس والله من مسكين ماله إلا النقل الجماعي . صح لسانك ملايين ولاهنت يابن العم والله يعينك على ذي ومثلها . |
الاخ مسفر المصارير
يجعز اللسان والبنان عن تقديم الشكر لك على ما قدمت من الكلام الطيب طابت حياتك
|
الاخ سالم الغريري
ماهيب غريبه منك المبادره دائما على العلم الطيب فلك مني وافر الشكر والعرفان
|
الاخ فهد الغريري
دائماً وانت غامرني بعلومك الطيبه طابت حياتك , ولا كن ماقدر اقول الا الله يعيني على رد الجميل اخوك محمد
|
لاهنت اخوي محمد على القصيده
ننتظر جديدك تقبل مروري ولك مني خالص التقدير والاحترام اخوك/قهيدان |
الاخ دغش البطي
كلامك عني هو المكسب الحقيقي الله لايخليني من رفقة الطيبين شرواك تقبل اجمل التحايا والتقدير اخوك محمد
|
الاخ العزيز
ابومحسن صح الله لسانك ودائما متميز لاعدمناك يالقرم وجعلك في الوجود |
الاخ ابو عبد المحسن المسعري
عوايدك الوفاء دائماً طالت حياتك اشكرك من كل قلبي على التعقيب اخوك محمد
|
الاخ قهيدان
شرف كبير لي عندما احصل على التقدير من الطيبين شرواك اشكر من كل قلبي على التعقيب
|
الاخ سعد المقابله
سلمت على ما قدمت من الكلام الطيب يابو عبدالله جعلها تبطي حياتك تقبل مني وافر الشكر والعرفان
|
اقتباس:
الشاعر الكبير محمد الخضراني صح الله لسانك مليارراااااااااااااات ابيات جزله من شاعرٍ جزل سجل اعجابي بشعرك وبشخصك الكريم اخوك الحر |
يا سلااام
السلام عليكم ورحمة الله وبركاته الشاعر / محمد الخضراني صح لسااانك مليووون اسلوب مختلف .. وابداع حتى الثماله لا هنت |
الاخ ماجد المهنا
اشكرك على مرورك واسف على التاخير حيث انني لم انتبه لتعقيبك بيض الله وجهك
|
اخوي محمد صح لسانك وانا اشهد ان الكبير كبير في كل شئ وفي الحقيقه قصيده لها رونق خاص ومن شاعر مرهي و شاعر يعتبر مدرسه ولا يسعني ان ارد عليها إلا بقول الله على الشعر لاجاك من اهله ما اطيبه على المسامع مهوب قصيد لاقريته مغثني وجاني بالصالي على الكبد الله يجيرك
وسجل اعجابي الا محدود بما تملك من تمييز اخوك الوفي| عبدالله بن مرضي بن فهيد الجماعبن |
ابن العم /محمد الخضراني صح لسانك واعتلا شانك ولا هنت يابومحسن جزله من جزل قليله في ابياتها وكبيره في مضمونها ومعانيها (شامله) عسى الحمراني مايرفعون السعر بعد هالابيات الرائعه. تقبل تحياتي اخوك / وسام العصا |
ابداع ابداع والله لايحدك على النقل الجماعي.. يابومحسن
الشاعرالجزل/محمد بن حشفل الخضراني صح لسانك طال عمرك وتقبل تقدير وتحيات تلميذك نواف ناصر الودعاني... |
كبير الماضي والحاضر
الاخ عبدالله بن مرضي الجماعين اطلعت على تعقيبك بيض الله وجهك والكلام الطيب لايستغرب من ومن الطيبين شرواك اشكرك جزيل الشكر وتقبل مني اجمل التحايا والتقدير
|
الاخ وسام العصا
كم انا مسرور بتعقيب كل طيب من بني عمي شرواك طابت حياتك على طاعة الله تقبل مني اجمل التحايا والتقدير
|
الودعاني
الاخ نواف بن ناصر الودعاني سرني كل السرور كلامك الطيب وهذا تواظع منك بيض الله وجهك تقبل مني اجمل التحايا والتقدير
|
الساعة الآن 02:26 PM
 |
Powered by vBulletin® Copyright ©2000 - 2025, Jelsoft Enterprises Ltd.
---