من وطاه الوقت واحدث فيه رجه
 

السلام عليكم ورحمة الله وبركاته
وصبحكم الله بالخير
حبيت اشارككم بعد فترة الانقطاع، وارجو ان تسمحولي على الغيبه والمعذرة منكم
وهذه مجرد مشاركة وللتواصل من باب المحبة

صح لسانك يا ابو فهد

جزلة من جزل , وهذي عوايدك يالقرم

على فكره يا بو فهد اليوم انت dcs ,ولا out side[B]

الشاعر العزيز ابو فهد " وقيان الصخابره "

""من طول الغيبات جاب الغنايم""

صح الله السانك وعتلا شانك وزادك الله من زوايد فضله

يامرحبا يابوفهد ترحيبة البدو السيل

لا عاد تخلينا ابوفهد من قصيدك الجزل جعلك تحيى

تقل تقديري واحترامي

اخوك / فهد الغريري

صح لسانك مليووووون يابو فهد .. والله لو حبي مع فمـك اتمجـه **ان قدرك مسقي روضه اشعيبـه ....... ايك ذاه يابو فهد على خبري ماتغيرت

الشاعر وقيان الصخابره


صح الله لسانك وإعتلا شآنك ياابو فهد


وافي وعاداتك الوفاء جعل عمرك طويل


ولاعاد تبطي علينا بجديدك ياذيبان


عاطر التحايا القلبية لمقامك العالي


محبك ومحب الجميع : دغش البطي

	الأخ : وقيان الصخابره . صح ألسانك على هذه القصيدة الجميلة الجزله عسى عمرك طويل في أنتظار جديدك يا الغالي . أخوك : مسفر المصارير .

الشاعر الكبير وقيان الصخابره

صح الله السانك وعتلا شانك

وبيض الله وجهك ومن طول الغيبات جاب الغنايم

وماقصرت يابو فهد تقبل تحياتي وتقديري

اخوي وقيان الصخيبري:

الله يطول عمرك عاى طاعته سجل اعجابي ولا تقطعنا من ذي ومثالها


اخوك فتى الجود

السلام عليكم ورحمة الله وبركاته

اخوي الغالي ابو فهد صح لسانك ملايين على الغزليه وسلامة قلبك ان شاء من خجاج الحب
ابو فهد عسا ماشر ويش ذا القطعه في المنتدى ارب كل شئ زين والاحوال زينه

أخي الكريم وقيان الصخابرة السلام عليكم ورحمة الله وبركاته
اسمح لى ببعض الوقت مع قولك

من وطاه الوقت واحدث فيه رجه
لايلوم المبتلـي لاشـق جيبـه
عدد قليل اخى وقيان من شعراء اليوم لديه ملكة الابداع وملكة العمق فمابالك بملكة تحويل الحكمة الى بيت شعر موزون وتحويل بيت الشعر لحكمة صائبه ؟ لو لم تسترسل فى قصيدتك ولم تكتب سوي هذا البيت لكفاني عن قصيدة كاملة ولاكن كيف لاتسترسل وهذا ناتج استرسالك

كل ماقلت الزمن يركـد معجـه
بان قبرن ماعلى راسه نصيبـه

يالطيف الروح مافيهـا مسجـه
يمسي الرجال مايملـك اثويبـه

كل ماشفتك معـا دربـن تغجـه
ضحكة الايام في وجهك عجيبـه

تطعنين القلب وارموشك تخجـه
لين صار القلب بيتك يالحبيبـه

اتنشد عـن اعلومـك واتوجـه
صوب ربي يحفظك مـن ريبـه

آه من كبر المصيبـه والمحجـه
يوم هلت دمعة اعيونك غليبـه

كن في قلي مناشيـرن اتفجـه
العزاء مذكور في وقت المصيبه

والله لو حبي مع فمـك اتمجـه
ان قدرك مسقي روضه اشعيبـه

استرسل اخوي وقيان فلديك من الحكمة الاصالة والعمق مايشدنى ولديك من عذوبة الغزل مايحرك المشاعر ورفقا" بالقلوب الرهيفه مثل قلب اخوك
اخوي ابو فهد قبل الختام اعتقد ان هناك شطر من بيت يحتاج منك لمراجعه قد تكون العجله اطاحت بكلمه تفضل
اتنشد عـن اعلومـك واتوجـه
صوب ربي يحفظك مـن ريبـه
الشطر الاخير اخي وقيان وهذا ليس معناه اننى اصحح لك الشطر لان الطالب لايمكن ان يصحح لأستاذه البليغ وانا اعتبر نفسى احد تلاميذك اخى وقيان ولعلمى ويقينى واعجابي بشاعرية وقيان جعلنى اجزم ان هناك خطى كتابى مطبعي او نقص فى النص ناتج عن السرعه فى الطرح اوبمعنى اصح العجله وقد اكون انا من استعجل ولم اقرا البيت بالشكل الصحيح ولم اعطه التشكيل المناسب
تقبل تحيات اخوك ابو نورة