|
الشكره والعجمان وبن حفيظ والدامر
هذي قصة معروفه وكلكم تعرفونها ذا المعركه بين الشكره الدواسر والعجمان واعطيكم القصه بالتفصيل وقال شاعر أخر من الشكره قصيدة منها : جا ابن خرصان الشامري عند الشكره وبالتحديد محمد بن فرج ال حفيظ امير الشكره وولده سند المهم جا بن خرصان الشامري عند الشكره وصار جارهم وقال محمد بن حفيظ يا دواسر ترا ابن خرصان اعده اخوي وما على الشكره عليه وقده واحد منا المهم لقا كل علم غانم بن خرصان من الشكره وذبايح له وقصرتن طيبه ويذبحون له الشكره ولقا الكرامه ويوم جا ذاك اليوم ويجي الدامر ( بعيد المغزا ) عند الشامري وقال يا بن خرصان انا بغزي الشكره ومعه العجمان قال بن خرصان منت بقادر على الشكره ( كل الشكره مجتمعين عند بن حفيظ لانه ناوي بالمغزا مجمعهم ) كلهم مجتمعين وبن حفيظ موجود قال الا بغزيهم قال والله ان جيتهم ان يتغير وجهك قال الدامر انا ما جيت الا ابي الكسب قال بن خرصـان هجل بعلمك اترك الشكره ورح لـ ابل المساعره لانهم مهب موجودين وهي تفلي ولا المساعره عندها لانهم نازلين صوب الوادي قال تم المهم ويقوم الدامر ( بعيد المغزا ) وياخذ ابل المساعره بارده لان محد حولها من المساعره ويوم خذاها ويعود الدامر ومعه ابل المساعره صوب بن خرصان هنا قام بن خرصان يرزف ويعرض ويرمي لانه كسب ابل الدواسر ولا احد من الدواسر يدريبها اليوم الثاني جا ابو عوينه وقيل مره شملت ناقتها وعرضتها من يم الشكره يعني انكم غزيتو المهم جات العلوم لبن حفيظ قال ما هقيتها يابن خرصان تغدر فينا وهو يكلم نفسه المهم وهو يعتزي ويصيح ابن حفيظ لاد شكر عيال ابوي وهم ويجتمعون عنده يحسبونه يعطي الامر بالمغزا قال يا ربعي ذلحين اخذت ابل المساعره ولابه الا انتو واني رادها رادها لو انا لحالي قالو الشكره والله ان عور في وجيهنا ابل بنا عمنا توخذ ولا فيه الا حنا وانا معك قال كفو وين محل الدامر فيه قال سند بن حفيظ هنا قده حول الغيثاني قال هجل اسمعو بنحد الدامر وربعه على شعاب طلحا ومخضار ولاني مخلي احد منهم ولا خلصت بعود على بن خرصان المهم ويوم تواجهو في شعاب طلحا بين الشكره والعجمان يقودهم محمد بن حفيظ وولده سند والعجمان يقودهم الدامر ( بعيد المغزا ) وحدوهم على شعاب طلحا وتسيل شعاب طلحا من دمان العجمان وصارت ذبحه كلن يعدها واكسرو العجمان كلهم وبعظهم انسحب في وسط المعركه واللي بقا من العجمان اذبحوه الشكره واللي ذبح من الشكره بلا واحد ولا بقا احد من العجمان الا الدامر بنفسه ما بقا منهم احد قال بن حفيظ يا لاد شكر كسبتو الطايله وسعد منهو منكم يا عيال ابوي وان كلن بيعد فعلكم مير اتركو لي الدامر ولحد يلحقني ويلحقه محمد ابن حفيظ ويضربه بشلفاه وقعت في رجله المهم قده كسير ويزبن الدامر عند بيت اختلفو منهو زابن عنده لكن الاكيد انهم نساوين من الحراجين ينقالهم ال ملحم وقيل لا انهم ال لاحم المهم قالت عجوز ابن حفيظ مهب مخليه تكلم النساوين لكن اسمعوني لا قرب بن حفيظ هدن عليه عمد البيت وطيحوهن على الدامر ترا بن حفيظ بيتركه ويوم جا بن حفيظ طيحن عليه العمد وعقبها اتركه بن حفيظ وهمله عقب طيحت البيت عليه وعود محمد ابن حفيظ لبن خرصان قال يا الشامري لو انك ماخوذتن ابلك اول من يرجعها حنا يا دواسر وانت تدل الدامر على ابل المساعره وين الاخوه والكرامه اللي جاتك منا لكن ذلحين ما جرا على الدامر والله ان يجيك مير الخلا لاتغيب شمسك عندنا عد اني ذابحك وتراني ما هديتك الا ذل من المنقود ان احد يقول الشكره ذبحو قصيرهم عاد هنا قصد ابن حفيظ اكثر من اربع قصايد وقصدة لدخيل الله بن محمد بن دخيل الله الشكره فيها وهذا بيت لبن حفيظ في الدامر
ياهيه يالصبيان اللي تدوفون الملاح = حذرته الأول وكبوا كدار احثالها ما بعد خبر المداري تلذذ واستراح = كون من هو للحرايب يشب اشعالها خلي (الدامر) عليه العمد والبيت طاح = و(شعب طلحا) من الزنايج عذت نزّالها في نحانا يشبع الطير خفاق الجناح = وتشبع العرجا ويبقى عشا ً لعيالها ( يعني الجنايز = زنايج ) من كثر الجنايز فيها من(( العجمان ))يوم سالت شعاب طلحا من دمهم وذا الابيات لبن عزرم الشكره الدوسري:
((والدامر ))يوم جاب جمعـه وقـداه=يضرب على غراتها في المضامي وبعد ذا البيتين لشكري مع ((شعب طلحا )) يمشي السيل بدماه=وعاف الطمع يوم شاف الدوامـي
ومحمدابـن حفيـظ ياكـبـر صيـتـه=وسنـد المسمـى قـادهـا ويقـودهـا هذي ابيات من عرض قصيده طويله سندابـن محمـد ضربتـه معـروفـه=عقـر ثـلاث مكـرمـات بجـودهـا رجع صخاف الشول في(( شعب طلحا))=وحرم على ((العجمـان ))تكسـب فودهـا لشاعر الكبير شايع بن برجس الشكره الله يرحمه ويسكنه الجنه وذي الابيات اللي وصلتني
هيضني الدامر مقدي جردة = يزفى (صخاف الشول) من مصدارها ثم التقوهم لابتي في (طلحا) = ربع تعفي مدنها وأمدارها يوم التقوهم لابتي ما سندّوا = واللي يعز القوم فعل اكبارها منهم (ثلاثين) ومنا (واحد) = وان الله اللي ممضي ٍ اقدارها ثم سال (مخضارٍ) بسيل أدميهم = من وقع ربعي مرخصة عمارها ابيات اخري من قصيده طويله
ولا يجحد التاريـخ مـن يذكـره=وعاده يذكر مخضـار ولا نسـاه لابتن اعتزت في يـوم الشجاعـه=وردت سخاف الشول ما تبي جزاه ولا عقيد القوم طـق فـي خـلاه=يلحقه بن حفيظ مع بندق وشلفـاه لين زبن بن ملحـم ويـا كبرهـا=البيـت والعمـد عليـه هديـنـاه ولاد شكـر ارخصـت ارواحهـا=عزوت شكر تطرب من اعتـزاه وهذا قصيدة شاعر الشكره المعروف دخيل الله ابن محمد ابن دخيل الله الشكره الدوسري رحمه الله ، وقد خلد المعركه في قصيدته .
قال الذي فرسـان ربعـه شجعـوه=وعبر بماكنه ضميره مـن جـواب وقصد بن حفيظ في بن خرصان لانهم مكرمينه وقال ذا الابيات يوم خان في الدواسر ولا منع الدامر ولا قاله تراهم اخواني وقصراي مير علمه عن مكان ابل المساعره ولا عندها والمدح لو بارواحهم يشرى شـروه=ترخص بغالي الروح فيها والرقاب ماضني العجمان مخضـار نسـوه=يوما شعبه سـال سيـل بلاسحـاب الادزايــد بالثمـيـدي سيـلـوه=من دم يام سال سيل بـلا سحـاب نوه عجـاج الخيـل للـي خيلـوه=والسيف برقه واشهب الملح الرباب بيوما به الدامرعلى طلحـا رمـوه=زادو دماره وجعلوا عـزه خـراب جاغازيا يبغي الطماعـه وطمعـوه=والجيش اخذت والخسايرفي الرقاب غره عـدد جنـده وقومـه وهقـوه=وخذه الغرور وراد ربي له ذهـاب درس لهم طـول الليالـي مانسـوه=ومامربالشيبـان درسـا للشـبـاب تسلم يدين اللي ورى حقـه جـزوه=وماخلوا المجرم يـروح بلاعقـاب هـذا اسيـرا عندهـم واستيسـروه=وهذاعطيب الكون من زرق الحراب في جرة ابن حفيظ واللـي رافقـوه=مروي شباة السيف حلال الصعـاب ((تاريخهـم بالسيـف والـدم اكتبـوه=يوما سجل المجد في حبر وكتـاب)) والطير خطـلان اليمانـي ظيفـوه=ياكل ومايبقى يحطـه لـه زهـاب والضبعة العرجـا عشاهـا كثـروه=وشبعت به العرجا مع شهب الذياب يوم العراص وراية العـز حملـوه=والسيح من دونه يثنـون الركـاب قوما نصرها الله ومن ظلم انصروه=ونفوسهم ماهيب تقبـل الاغتصـاب حطوا اقسـوم وقيدهـم ماقسمـوه=واسقوهم السم المصفـى والعـذاب كلـه لعيـن اللـي ولدهـا هملـوه=مستعجلا من خوف يلحقه الطـلاب ولا عنا طرشا من المظمى خـذوه=تباشري بالمنـع ياجـرد الرقـاب وصـلاة ربـي عدماخلقـه دعـوه=راعي الشفاعه لامته يوم الحسـاب احد يقول محمد بن حفيظ في بن خرصان:
الشامري عقب الكرامة تعرّا = كني بما يجري على العير داري دمحت أنا له زلتين ٍ تمرّا = والثالثة قد هو بغوجه يماري طعنتهم طعن ٍ كله لعينك يسراّ= كله لعينا لابسات الخزاري ولا لعينا بكرتين ٍ تجرّا = حنينها غب الصلف والمساري وهي طويله ورجعو الشكره ابل المساعره والسموحه يا الربع وان جا شي من القصيد بعد ابشرو لكن اللي يعرف الله لا يهينه يعطينياها والله يرحم ماتان العجمان والدواسر ويعفا عنهم ويرحم ماتان المسلمين والف شكر الي الاخ بلنتي الشكره علي اكمال قصيدة دخيل ابن محمد ابن دخيل الله الشكرة . |
لادشكر
الله لايهينك على السالفه والقصيده يالغالي وكفو والله بصبيان الشكره |
السلام عليكم ورحمة الله وبركاته لادشكر تشكر على الطرح الطيب والله يعزهم |
لاد شكر
تسلم يمينك يالغالي |
مشكوووووووووووووووور
|
مشكوراخوي على ماقدمته
|
الادشكر
بيض الله وجهك على السالفه الشهير بين ابن حفيظ والعجمان |
لاد شكر
بيض اللة وجهك على ايراد سوالف الغانمين عن بني عمنا الشكرة |
لاد شكر
لاهنت على ايراد هذا الحدث التاريخي ونتمنى من الأخوة اللي يعرفون باقي الابيات تكلمة القصايد تقبل تحياتي،، |
|
الاخ لاد شكر بيض الله وجهك على السرد التاريخي المنسق وكفو بالشكره جعلهم المعزه مهيب غريبه عليهم الفزعه لبني عمهم وهذي عوايد الاحرار ماينزل روسهم شي وننتظر جديدك المميز تقبل تقديري واحترامي اخــــوك / فهد الغريري |
تسـلم يالشكري على هذه القصه و القصايد الوارده فيها و لا عدمناك.
|
اقتباس:
الاخ العزيز / لاد شكر لا هنت طال عمرك وتسلم يمناك والف شكر على العلوم الطيبه وبارك الله فيك وننتظر منك الجديد اخوك ابو عبد الله الشكري |
كفووووووووووووووووووووووووووووووووووووووو
يا لاد شكر كسبتو الطايله وسعد منهو منكم يا عيال ابوي بيض الله وجهك علي العلوم الطيبه |
الله لا يهينكم جميع وبيض الله وجيهكم
وجعل شيبان ارثوكم الجنه جميع وشكرن خاص للغريري يوم سنع الكتابه والقصيد ويا مال الغناه |
ونعم بالاد شكر وكفوووووووووو والله بس سؤال هل آل عمـــــــــــار لهم دور بهذي الحرب او لا ارجوا الافادة اخوكم فيصل المسعري
|
ونعم والله بالشكره وهم أهلها والعجمان مافيهم قصور لكن هذي الدنيا غالب ومغلوب
وابيض وجه يابن عمنا على كتابة السوالف اللي تنومس وترفع الرأس |
السلام عليكم
وش حالكم يا ربعي هذي ابيات وصلتني من رجال عزيز من عرض قصيده طويله لشاعر الكبير شايع بن برجس الشكره الله يرحمه ويسكنه الجنه وذي الابيات اللي وصلتني هيضني الدامر مزدي جوره ---- ومتجرع بكبارها وصغارها يوم التقوهم لابتي في طلحا ---- والعز عز الله وفعل كبارها مشا مخضار بسيل ادميهم ----- من ضرب بني عمي مرخصت اعمارها لا قابلت ضو المعادي ضونا ----- حنا شبوب النار نقبس نارها منهم ثلاثين ومنا واحد ------ وان الله اللي والي اقدارها وان كان ما فيه كلافه احد المشرفين يحط ذا الابيات مع المشاركه الاولي ويضبط الابيات وينسقها الله لا يهينه ولا يضره |
الاخ المحترم فالك طيب
اول شي جعل يطيب حظك لا جعلني ما ابكيك ما معهم والله لو اخبر اني لا اذكرهم وترا ياخوك فعل الدوسري للدواسر جميع وانا اخوك |
السلام عليكم ورحمة الله وبركاته اخوي العزيز انا سمعت من شيبان كبار في السن انا هذه الحرب فيها من العمار رجال كثير شاركوا مع الشكرة وانا سالت ادري انك ماتذكر بس اذا سمعت شي تاكد منه وانا ابي الاجابة لي لوحدي فقط كي ازود معلوماتي وهذي العلوم ترفع الراس لكل دوسري اخوك فيصل المسعري
|
المحترم فالك طيب جعل يطيب حظك
ياخوك انت يمكن اختلفت عليكم سالفه الشكره مع ال عمار ضد العجمان في السيح وهذي مهب رجال كثير شاركو فيها ال عمار الا كل ال عمار وكل الشكره واللي ذبح عقيدهم اظنه عماري اما الوقعه ذي يا اللحية الغانمه للشكره واسم الوقعه مخضار بين الشكره والعجمان ويقودها الدامر اتمنا اني زلت اللبس عندك لان مثل ما ذكرت لك فيه وقعتين ضد العجمان اللي في السيح وكان الطرف الثاني جميع ال عمار والشكره اما ذي يوم مخضار للشكره وان كانك مصر ان ال عمار فيها ياليت تجيب لنا القصايد اللي يثبت مشاركة ال عمار فيها وينتهي اللبس وفي الاخير اي فعل للدوسري تراه للدواسر جميع من تغلب لا زايد وكلهم بني عم وال عمار ترا اقرب الناس لنا وعلومهم ترفع الراس وافعالهم كايده ولا يلحقهم شك واهل فزعه وحميا لكن هذي سالفه معروفه ومثل ما ذكرت لك اذا انت منت مقتنع في كلامي عطني القصايد اللي تثبت العكس واكون شاكر لك والله يحفظك وياقاك |
اشكرك على الرد الطيب وانا لا اصر على ان العمار في هذه الحرب بس حبيت استفسر فقط اخوك فيصل المسعري
|
الاخ لاد شكر
بيض الله وجهك على السرد التاريخي المنسق وكفو بالشكره جعلهم المعزه مهيب غريبه عليهم الفزعه لبني عمهم وهذي عوايد الاحرار ماينزل روسهم شي وننتظر جديدك المميز وبعدين أخوى الدوسرى خوالك عجمان رح لخوالك بمنتداهم والله مافى مصدر عندهم لقلتلهم وين المصدر قال فى قصيده تسند السالفه بس وعزالله مقصر ذكر القصايد كله بيض الله وجه تقبل تقديري واحترامي |
رد: الشكره والعجمان وبن حفيظ والدامر
لاد شكر لاهنت
وهقوتي ان قصيدة دخيل الله الشكرة التاليه ماضني العجمان مخضارٍ نسوه=يومٍ شعبه سال سيل بلا سحاب ألآ شكرٍ بالثميدي سيلوم=من دم يامٍ سال من روس الهضاب كله لعينا اللي ولدها هملوه=مستلحقٍ من خوف يلحقه الطلاب في جرة ابن حفيظ واللي رافقوه=مروي شبات السيف حلال الصعاب والقصيده اطول من ذلك والظاهر انها قصيدة دخيل الله الشكرة والله اعلم |
مشاركة: الشكره والعجمان وبن حفيظ والدامر
..
السلام عليكم ورحمة الله وبركاته لادشكر تشكر على الطرح الطيب وانا عندي اكمالة قصيدة دخيل الله الشكرة صلو عـ النبي يقول دخيل الله الشكرة : ..
قال الذي فرسان ربعه شجعوه = وعبّر بما كنه ضميره من جواب المجد لو بـ أرواحهم يشرى شروه = ترخص بـ غالي الروح فيه ولا تهاب ماظن يالعجمان مخضارٍ نسوه = يوم ان شعبه سال سيل ابلا سحاب !! ( آلاد زايــد ) بالثميدي سيلوه = من دم ( يــامٍ ) سال من روس الهضاب نوّه .. عجاج الخيل للي خيلوه = والسيف .. برقه ، وأشهب الملح .. الرباب يومٍ به (( الدامر )) على طلحا رموه = وساقو دماره واجعلو عزّه ، خراب يومه لفى يبغى الطماعه واطمعوه = والجيش وخذت والخساير فــ الرقاب غرّه عدد جندّه وقومه وهقوه = وخذه الغرور وراد ربي له ذهاب درسٍ لهم طول الليالي ما نسوه = وما مرّ بالشيبان درسٍ للشباب تسلم يدين اللي ورا حقه جزوه = ما خلّو المجرم يروح ابلا عقاب هذا إسيرٍ عندهم واستيسروه = وهذا عطيب الكون من زرق الحراب في جرة (( ابن حفيظ )) واللي رافقوه = مروي شبا بالسيف حلّال الصعاب (( تاريخهم بالسيف والدم أكتبوه = يوم ان سجل المجد في حبر وكتاب )) والطير خطلان اليماني ضيفوه = ياكل وما بقـّى يحطه له زهاب !! كله لعين اللي ولدها هملوه = مستعجلٍ من خوف يلحقهم طلاب وصلاة ربي عد ما خلقه دعوه = راعِ الشفاعة لـ أمته يوم الحساب .. اللهم صلي وسلم وبارك على عبدك ونبيك محمد هذا القصيده اللي ان حافظتها من الشيبان وسامحوني اذا كان حصل مني اقصووور وتالي الكلام هذي الدنيا يوم لك ويوم عليك والعجمان ونعم ولا عليهم اقصوور اخوكم // بلنتي الشكره |
رد: الشكره والعجمان وبن حفيظ والدامر
لبيه ياشكره نوم عيني يا الشكرة
اشهد انبه لابه والله ان علمكم اول وتاالي يرفع روس الدواسر يالاد بن شكر واشهد انه شيخ ولد شيخ بن حفيظ جعلكم المعزة ياهل الست والله ان الدامر امحق من تعلوا اكوارهاا |
رد: الشكره والعجمان وبن حفيظ والدامر
قـال الـذي فرسـان ربـعـه شجـعـوه
وعبّـر بمـا كنـه ضميـره مـن جـواب المجد لـو بـأرواحهـم يشـرى شـروه ترخص بـغالـي الـروح فيـه ولا تهـاب ماظـن يالعجـمـان مخـضـارٍ نـسـوه يوم ان شعبه سال سيـل ابـلا سحـاب !! ( آلاد زايــد ) بالثمـيـدي سـيـلـوه من دم ( يامٍ ) سال مـن روس الهضـاب نـوّه .. عجـاج الخيـل لـلـي خيـلـوه والسيف .. برقه ، وأشهب الملح .. الرباب يومٍ به (( الدامر )) علـى طلحـا رمـوه وساقو دمـاره واجعلـو عـزّه ، خـراب يومـه لفـى يبغـى الطماعـه واطمعـوه والجيـش وخـذت والخسايـر فـالرقـاب غـرّه عـدد جنـدّه وقـومـه وهـقـوه وخـذه الغـرور وراد ربـي لـه ذهـاب درسٍ لهـم طـول الليالـي مـا نـسـوه ومـا مـرّ بالشيـبـان درسٍ للشـبـاب تسلـم يديـن اللـي ورا حقـه جــزوه مـا خلّـو المجـرم يـروح ابـلا عقـاب هـذا إسـيـرٍ عنـدهـم واستيـسـروه وهذا عطيب الكـون مـن زرق الحـراب في جرة (( ابن حفيـظ )) واللـي رافقـوه مـروي شبـا بالسيـف حـلّال الصعـاب (( تاريخهـم بالسيـف والــدم أكتـبـوه يوم ان سجل المجد فـي حبـر وكتـاب )) والطيـر خـطـلان اليمـانـي ضيـفـوه ياكـل ومـا بقّـى يحطـه لـه زهـاب !! كلـه لعـيـن الـلـي ولـدهـا همـلـوه مستعجـلٍ مـن خـوف يلحقهـم طـلاب وصـلاة ربـي عـد مـا خلقـه دعــوه راعِ الشفاعـة لـأمتـه يـوم الحـسـاب |
مشاركة: الشكره والعجمان وبن حفيظ والدامر
|
رد: الشكره والعجمان وبن حفيظ والدامر
خلي ((الدامر ))عليه العمد والبيت طاح ,,,, وشعب طلحا من الزنايج عديت نزالها كفوا كفوا يالشكره ((والدامر ))يوم جاب جمعـه وقـداه ـــــــــــــــ يضرب على غراتها فـي المضامـي مع ((شعب طلحا )) يمشي السيل بدماه ــــــــــــــــوعاف الطمع يـوم شـاف الدوامـي يحرون بها لاد شكر ومحمدابـن حفيـظ ياكبـر صيـتـه ـــــــــــ وسنـد المسمـى قادهـا ويقـودهـا سندابـن محمـد ضربتـه معـروفـه ــــــــــــــ عقـر ثـلاث مكـرمـات بجـودهـا رجع صخاف الشول في شعب طلحا ــــــ ـوحرم على ((العجمان ))تكسب فودهـا ونعم بابن حفيظ وربعه الشكره هيضنـي الدامـر مــزدي جــوره ــــــــــــــــــــــــــ ومتـجـرع بكبـارهـا وصغـارهـا يـوم التقوهـم لابتـي فـي طلـحـا ــــــــــــــــــــــــــــ والعـز عـز الله وفـعـل كبـارهـا مشـا مخضـار بسـيـل ادميـهـم ــــــــــــــ من ضرب بني عمي مرخصت اعمارها لا قابلـت ضـو المعـادي ضـونـا ــــــــــــــــــــــــــ حنـا شبـوب النـار نقبـس نارهـا منـهـم ثلاثـيـن ومـنـا واحــد ــــــــــــــــــــــــ وان الله الـلـي والــي اقـدارهـا كفوا يالشكره ولاهيب غريبه علومهم وافيه الشامري عقب الكرامه تعـرا ــــــــــــــــــــــــ ما جرا للذيخ عليـه جـاري طعنتهم طعـن لعينـي يسـرا ـــــــــــــــــــــــ كله لعنا لابسـات الخـزاري او لعنـا حنينـهـا يـجـرا ـــــــــــــــ تعبانه عقب الصلف والمساري ههههههههههه عزالله انه اقدا ابن حفيظ ــــــــــــــــــــــــــــــــــــــــــــــــــ ـــــــــــــــــــــــ ابن العم / لاد شكر لاهنت وبيض الله وجهك يالقرم على السالفه والقصيد اللى يثبتها تقبل تحيات اخوك / عبدالله الخييلات |
رد: الشكره والعجمان وبن حفيظ والدامر
كما أشكرك علئ أسلوبك الرائع في الطرح
|
رد: الشكره والعجمان وبن حفيظ والدامر
لادشكر
الله لايهينك على السالفه والقصيده يالغالي حنا عيال الشكره ماعندنا لعب |
رد: الشكره والعجمان وبن حفيظ والدامر
لاهنت يالغاي على هذا النقل وكفو في ذمتي
لا شكر اخي الغالي الكريم سلطان بن دخيل الله وجهت نظر مني لو وضعت ردك في موضوع مستقل ووضعت رابط هذا الموضوع فيه لاكن احرى وافضل واعتقد ان الاخوان القائمين على هذا الصرح الشامخ لن يتوانوا في سرعة الاستجابه انت ترد على نفس الموضوع حط لك موضع مستقل بعنوان مستقل وتقبل خالص ودي |
رد: الشكره والعجمان وبن حفيظ والدامر
|
رد: الشكره والعجمان وبن حفيظ والدامر
معذور ولانت بمعثور ويسلم لنا راسك ياطيب الساس والله يبيض وجهك ويرحم والدينا ووالديك واموات المسلمين بكل صراحه انك ماقصرت وهذا الضن فيك يابوعبد الرحمن وتاكد لي من هالموضوع انك فعلا كنت ولازلت وستضل انشالله ماحييت وجعل حياتك طويله على طاعه امين وحريص على نقل المعلومه وحفظها واعطاء كل ذي حق حقه فكثر الله امثالك وهذا اللي نبي في مثل هالمواقع نبي رجال مثلك وشرواك نظرتهم بعيده وهدفهم سامي وكبار بفعولهم وعقولهم وبتواضعهم ولاعدمناك صغيرنا وكبيرنا وكل فرد من افراد قبيلة الدواسر ولاكثروا اللي مثلك وشرواك يابوعبدالرحمن فينا فانا بخير وسامحني على اي تجاوز او قصور بدر مني من غير قصد او بسبب زعل واستودعك الله والسلام.
|
رد: الشكره والعجمان وبن حفيظ والدامر
كفو وهاذي عادات ربعي ولاهيب غريبة عليهم
|
رد: الشكره والعجمان وبن حفيظ والدامر
ونعم والله بالشكره
بيض الله وجهك على الموضوع الطيب |
رد: الشكره والعجمان وبن حفيظ والدامر
الاخ لاد شكر
بيض الله وجهك على السرد التاريخي المنسق وكفو بالشكره جعلهم المعزه مهيب غريبه عليهم الفزعه لبني عمهم وهذي عوايد المناعير تقبل تقديري واحترامي |
رد: الشكره والعجمان وبن حفيظ والدامر
ونعمممممممممممممممممممممممممم بكل من من الله عليه بلقب الكل يتمناه ويحلم به الا وهو الدوسري اي نعم والله اننا محسودين على قولة فلان دوسري احفاذ ملوك والوحيدين الي مادفعنا الجزية
والوحيدين الي عمر ماجلانا احد من اراضينا وتقولون منا بمحسودين؟ وكفوووووووووووووووووووووووووو والله بالشكره وبيض الله وجهك لاد شكر |
رد: الشكره والعجمان وبن حفيظ والدامر
تسلم يمينك على القصة اللي أكثر من رائعة
اللي تصور شهامة وأصالة الدواسر وكثر من هاقصص اللي تزيد فخرنا ويعطيك ربي العافية........... |
رد: الشكره والعجمان وبن حفيظ والدامر
لاد شكر
بيض الله وجهك على السالفة اللي ترفع الراس ولدي ملاحظة بسيطة على عجز البيت الاول لابن احفيظ ملاحظة تصحيحية فالشطر الصحيح هو الشامري عقب الكرامة تعرى كنى بما يجري على الذيخ داري وتقبل التحية |
الساعة الآن 08:31 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
