منسوبي وقراء وضيوف منتدانا المتمبز بتواجدكم
السلام عليكم ورحمة الله وبركاته:

هذه قصيدة للشاعر: نايف بن مسرع في الشيخ/ عبدالعزيز بن محمد بن مشرف العجالين.. وابو محمد يستاهل كل ماقيل فيه :

http://img194.imageshack.us/img194/638/13012009028.jpg
الشيخ/ عبدالعزيز العجالين وبجانبه الإعلامي المتألق الأستاذ/ حنيان بن مبارك

التجارب واجهت فالعمر فاقه=واشبعتني علم والرحلة غنية
ما استووا لِـبّـاس جلباب الصداقة=لو تساووا في الحروف الأبجدية
ولو تشابهت الصور وسط البطاقه=المواقف ميّـزت هذي وذيّه
وكان فلّس ودّ سمسار العلاقة=لي رصيدن ذاخره فالضيق ليّه
باقةٍ ماهيب في الجوال باقة=باقةٍ لاضقتنا تطري عليّه
لاقسى وقتي ولا للصبر طاقه=ووقّفت بالعين دمعاتٍ عصية
أذكر إللي يعشق العليا عشاقه=وخوّته ترفع مع العالم خويه
إبن مشرف لاتردى كل عاقه=فارقٍ بالطيب والكف الندية
طيّبٍ ساسه وطيب الراس ساقه=لين عدّا بالمدح قمة طميه
وارثٍ الطيب ماجاله سراقه=شجرةٍ بالمجد والطالة.. رويّه
هامة الفرجان والتاريخ شاقه..=.. وقفةٍ في مصمك التاريخ حية
خلدت في يوم للحرب اصطفاقه=للعجالين الفخر.. والدوسرية
سقتنا من دلة الهاجس ذواقه=يوم فاحت فالضلوع الشاذلية

هامة الفرجان والتاريخ شاقـه.. .. وقفةٍ في مصمك التاريخ حية خلدت في يوم للحرب اصطفاقـه للعجالين الفخـر.. والدوسريـة

صح لسان الشاعر/نايف بن محسن بن مسرع ال ابو سباااع

واعتلى شانه والجزل لا ياتي الا بالجزل

وعز الله قصد في رجال يستاهل وكفو

لاهنت يابومحسن على النقل الرائع