أنا ما فقدتك يا فهد لين شفت النّاس=تِداحم على قبرك تبي شوفتك مرّه
تنزّحت من دنياّ عديمه من الاحساس=جناح البعوضه صِدق ما توزن الذرّه
رضيت بلقاء ربّك و جيته رفيع الراس=و خلّيت لّلي عقبك الضّيق و الحرّه
رفعت الكفوف ارجي من الله عظيم الباس=الا جاله المضطرّ دركٍ كشف ضُرّه
يلبّسك من جنّة نعيمه جديد لباس=و توقف على جالك من الحور لك درّه
يا هذّال يا حرّ شهَر يا عريب السّاس=قليلٍ ترى من مثلك ابليس ما غرّه
خذيت المراجل يا بو راشد بدون قياس=و تشهد على قولي قبايل بني مره
تسلسلت من ربعٍ لهم في العلا مجلاس=الاد العياضي مفنيَة من بدا شرّه
لهم حدّ ما يلمس لهم عرض ما ينداس=و لا تقبل الفجوه و لو كان مضطرّه
تنازلت من حقّك و كوّنت لك نِبراس=و تلوّيت في اللي خالقٍ بحره و برّه
عسى الله يثيبك جعلها تالية الأتعاس=و تبقى لنا ذخرٍ و الأحوال مِسترّه

صح لسانك يابو صالح على القصيده الجزله

والله يرحم فهد بن هذال ويسكنه الجنه

وترفع له البيضا هذال بن راشد ال هذال الهدايا الحقبانى

على موقفه المشرف واللى يرفع الراس


تقبل ارق التحايا

المشاركة الأصلية كتبت بواسطة عبدالله الدوسري (المشاركة 566711) قصيدة في هذال بن راشد الهدايا الحقبان و الذي تنازل عن أحد أبناء بني مرّه المتسبب في وفاة إبنه المرحوم فهد بن هذال رحمه الله و أسكنه فسيح جناته. أنا ما فقدتك يا فهد لين شفت النّاس=تِداحم على قبرك تبي شوفتك مرّه تنزّحت من دنياّ عديمه من الاحساس=جناح البعوضه صِدق ما توزن الذرّه رضيت بلقاء ربّك و جيته رفيع الراس=و خلّيت لّلي عقبك الضّيق و الحرّه رفعت الكفوف ارجي من الله عظيم الباس=الا جاله المضطرّ دركٍ كشف ضُرّه يلبّسك من جنّة نعيمه جديد لباس=و توقف على جالك من الحور لك درّه يا هذّال يا حرّ شهَر يا عريب السّاس=قليلٍ ترى من مثلك ابليس ما غرّه خذيت المراجل يا بو راشد بدون قياس=و تشهد على قولي قبايل بني مره تسلسلت من ربعٍ لهم في العلا مجلاس=الاد العياضي مفنيَة من بدا شرّه لهم حدّ ما يلمس لهم عرض ما ينداس=و لا تقبل الفجوه و لو كان مضطرّه تنازلت من حقّك و كوّنت لك نِبراس=و تلوّيت في اللي خالقٍ بحره و برّه عسى الله يثيبك جعلها تالية الأتعاس=و تبقى لنا ذخرٍ و الأحوال مِسترّه