البارحة عيني جفاها المنامي=وأزريتنا أكتم عبرتن داخليه
فيض المدامع مثل وبل الغمامي=من محجر عيوني بعيد الضحيه
القلب من كثر الصواديف دامي=يرجف من الونه ويسمع دويه
أمشي مع العالم وأشد الحزامي=وأصارع هموم( ن )توارد عليه
أصبح نهاري مثل جنح الظلامي=بسباب صلفات الزمان العتيه
من يوم عيدنا وانا ذا نظامي=حزين وجروح الشقاوي شقيه
وبان الحزن حتى بنبرة كلامي=ومليت من دنيا علينا دنيه
دنيا دنية جعلها للعدامي=كان الخوي فيها يفارق خويه
لكن تهون أن ما عليها دوامي=ولا يدوم الا إله البريه
وقع المفارق مثل وقع الحسامي=ساطي ونارة بالمعاليق حيه
الموت غيب محزمي بالزحامي=وشيب عيني يوم جته المنيه
( صقر ) وذكره في سما الكون سامي=ياوين أبلقى فالمخاليق زيه
عقبه على الدنيا جزيل السلامي=أعيش ولا أموت عندي سويه
فيالله يارحمان رب الأنامي=الملتجا لك في الأمور العصيه
أجبر عزانا في سليل الكرامي=وأرحمه يا غفار من كل سيه
عساه في الفردوس باعلى مقامي=عساه في الجنة مع أحمد نبيه

( صقر ) وذكره في سما الكون سامي=ياويـن أبلقـى فالمخاليـق زيــه
عقبه على الدنيـا جزيـل السلامـي=أعيـش ولا أمـوت عنـدي سويـه

من لا يعدك في الشدايد حزامه=أنا أشهد أنه ما حتزم ! محزمه خوص