|
ياباغي الكيف
أعضاء المنتدى الكرام:
السلام عليكم ورحمة الله وبركاته وبعد: فهذه أبيات قلتها قبل مدة في دكة(مجلس) الوالد رحمه الله ومن يسيّر عيه فيها من المطاليق شرواكم وقارنت بينها وبين بعض المجاس الفاخرة التي لايدخلها أحد آمل أن تحوز على رضاكم ياباغي الكيف
ياباغي(ن)الكيف والطيب قلط=في دكة(ن)فيها مسير وخطار تلقا بها فنجال(ن)أشقر مخلط=بن(ن) وهيل وزعفران(ن)ومسمار وفطاح حيل(ن) للنشاما تقلط=ترخص لهلها لو غلين الاسعار ياما حلا لاقلطن فالمقلط=كبار المثاني مايبي معهن اعذار وبعض المجالس لو نقش وبلط=مايدخله يكون راعيه والفار بلاّ على راعيه ذنب(ن)مسلط=وفضيحة(ن)كبرى ومنقود(ن) وعار فيا الله لاتكثر حلال الجحلط=وعسى الردي يا الله قصّاف الاعمار تلقاه من فوق الصحون يتحلط=وان جا اللوازم ماسوي ربع دينار هذاك واشكاله فلا ينتقلط=لاتعزمونه ياصليبين الاشوار اللي إلى جات اللوازم تملط=يملطه مطل مقبس(ن)مطلها حار وسلامة الجميع |
ياباغي(ن)الكيـف والطيـب قلـط = في دكة(ن)فيهـا مسيـر وخطـار تلقا بهـا فنجال(ن)أشقـر مخلـط = بن(ن) وهيل وزعفران(ن)ومسمار وفطـاح حيـل(ن) للنشامـا تقلـط = ترخص لهلها لو غليـن الاسعـار يامـا حـلا لاقلـطـن فالمقـلـط = كبار المثاني مايبي معهـن اعـذار وبعض المجالس لـو نقـش وبلـط = مايدخلـه يكـون راعيـه والفـار بلاّ علـى راعيـه ذنب(ن)مسلـط = وفضيحة(ن)كبرى ومنقود(ن) وعار فيـا الله لاتكثـر حـلال الجحلـط = وعسى الردي يا الله قصّاف الاعمار تلقاه من فـوق الصحـون يتحلـط = وان جا اللوازم ماسوي ربع دينـار هـذاك واشكالـه فــلا ينتقـلـط = لاتعزمونـه ياصليبيـن الاشــوار اللي إلـى جـات اللـوازم تملـط = يملطه مطل مقبس(ن)مطلهـا حـار الاخ العزيز و الشاعر الرائـــــع مسفر الكبيري صح الله لسانك ملايين يا طيب الساس ,, قصيده و ان دلّت انما تدل على الطيب المتأصل فيكم ... كلمات رائــــعه ,, و معاني وافيه لا عدمناك .. نسأل الله الكريم ,, الرحمن الرحيم .. ان يغفر لوالدك ,, و ان يرحمه رحمة واسعه و ان يرزقه الفردوس الاعلى ,, و ان يرحم موتانا و موتا المسلمين اجمعين ,, انه هو العلي القدير .. اخوي مسفر ,, قصيده في قمة الروعه ,, و المتعه ,, و الحكمه .. فصح الله لسانك مدد بلا عدد .. لك الشكر ,, و لك اصدق التحايا و اعطرها ... |
الشاعر الكبير مسفر الكبيري والله والنعم بك وبوالدك رحمه الله رحمة واسعه قصيده جزله ومليئة بالطيب والعلم الغانم وأنت بلاشك من أهل الطيب صح الله لسانك وإعتلا شآنك دنيا وآخره تقبل الود والتقدير من محب الجميع " دغش البطي " |
شروال الطيب يا ((مسفر الكبيري))
وصح لسانك يا الشاعر الفحل ورحمة الله على شايبٍ جابك وجعل مثواه الجنه ووالدينا والمسلمين وأحسنت على ذي الأبيات الطيبه |
صح الله لسانك ولا هان منطوقك يا مسفر
والله يرحم شايبك ويغفر له طيب وارث الطيب في عياله عزالله اني استمتعت بالقصيدة الجزله اللي فيها وصف لمجالس الرجال الكريمين اللي يذكرون بالطيب في حياتهم ومماتهم وحعل بيتك عامر بالطيب تقبل تحياتي |
صح لسانك ولاهنت
والمجلس كبير اوصغير .من هو صاحب المجلس؟ عسى الله يرحم شايبك ويكثر من امثاله.. اخوك// رجوم الشياطين |
الله يرحم شايبك ويدخله الجنه
عز الله انه مامات دام وراه احدن يقول ذالقصيدة الوافية والكلام الذرب صح لسانك يامسفر مليوون |
|
وبعض المجالس لو نقش وبلط=مايدخله يكون راعيه والفار بلاّ على راعيه ذنب(ن)مسلط=وفضيحة(ن)كبرى ومنقود(ن) وعار فيا الله لاتكثر حلال الجحلط=وعسى الردي يا الله قصّاف الاعمار تلقاه من فوق الصحون يتحلط=وان جا اللوازم ماسوي ربع دينار الاخ العزيز الشاعر / مسفر الكبيري جعل من ارثك الجنه صح لسانك وبارك الله فيك وما اقول الا والله كفو يابن العم وعسا محلك مجمع عز ومعزه وعساك ذخر وعساك على القوه دايم الدوم اخوك ابو عبد الله الشكري |
الشاعر المبدع والمعدن الأصيل/فراج بن مشنان
صح الله بدنك أكثر ولاعليك زود فيما قلته وهذا من ذوقك الرفيع وتقبل الله دعاءك لوالدي ووالديك وجميع المسلمين ومرورك وتعليقك ناموس وتاج على راسي ومن حسنات هذا المنتدى التعرف عليك وشرواك ودمت يامنبع الجود |
المراقب المحبوب من الجميع/دغش البطي :
ما عيك زود ياابو بطي وهذا بعض مما عندكم من الطيب و الله يقبل دعاءك لوالدي ووالديك وجميع المسلمين وأنتم اهل العوم الغانمة لاعدمناك وتشرفت كثيراً بكل ماقلته |
الأخ بليهي الودعاني:
ماعليك زود وصح الله لسانك وهذا من طيبك ورحم الله والدينا ووالديك وجميع المسلمين ولك خالص تحياتي |
الأخ سالم الغريري
صح الله بدنك يااخوي سالم ولاعيكم زود وأنتم منبع الطيب والوفا وهذا من ذوقك الرفيع وحسك المرهف وأتشرف بكل ماقلته وتشرفت كثيراً بمعرفتك وعسى أيامك طويلة |
رجوم الشياطين:
مشكور على المرور والتعليق والله يرحم شيبانا وشيبانك ولا عليك زود |
صح لسانك اخوي مسفر الكبيري على القصيدة الرائعة... وعسا من جابك في الجنه يالقرم.. |
صح لسانك يامسفر ...
الأخ والشاعر/مسفر الكبيري
صح لسانك ورحم الله شايبك اللي رباك على المراجل والعلوم الغانمة ، وصدق الشاعر القديم حينما قال: وينشأ ناشئ الفتيان منا .......... على ماكان عوده أبوه مرة أخرى صح لسانك ولك مني الود والإحترام ،،،، |
الأخ والشاعر الكبير / مسفر الكبيري صح الله لسانك ولا هان الله منطوقك طيب ولا يجي منه ألا طيب والطيب لاهل الطيب طبع وسجيه ورحم الله شايبك وأموات المسلمين |
الأخ مدعث الدوسري:
الله يرحم شيبانا وشيبانك ومدحك للقصيدة وراعيها شهادة نعتز بها ولاعليك زود في المراجل والكلام الطيب مايجي إلا من الطيب وصح بدنك ملايين |
|
المراقب العزيز الشكري:
أولاً آسف جدا على التأخر في الرد لقلة الفرصة ثانياً وجعل من أرثك في الجنة بعد ولاعليك زود وهذا من طيبك يا أبو عبد الله ويعجز لساني عن مجاراة كلامك الطيب ومشكور كل الشكر على القراءة والتعليق وآمل أن أكون عند حسن ظنك وتقبل تحياتي |
الشاعر أبو ناصر الودعاني:
صح الله بدنك وهذا من ذوقك الرفيع وعسى والدينا ووالديك في الجنة ولك فائق تحياتي |
المشرف العزيز أبو عبد المحسن المسعري:
صح الله بدنك ورحم الله شيبانك وأنتم أهل العلوم الغانمة وممنون جداً لمرورك وقراءتك وتعليقك وأسلوبك الرفيع وتقبل عاطر التحايا والود |
الأخ العزيز الواضح :
صح الله بدنك ولاهنت على مرورك وتعليقك ولاعليك زود في الطيب والكلام الذرب وتقبل خالص الود |
القصيدة للبيع يامسفر؟؟!!:) مستعد أشريها بنص قصايدي ولو منتب في حاجة قصايدي كلها:) يامـا حـلا لاقلـطـن فالمقـلـط ..........كبار المثاني مايبي معهـن اعـذار وبعض المجالس لـو نقـش وبلـط ..............مايدخلـه يكـون راعيـه والفـار بلاّ علـى راعيـه ذنب(ن)مسلـط ........وفضيحة(ن)كبرى ومنقود(ن) وعار فيـا الله لاتكثـر حـلال الجحلـط .......وعسى الردي يا الله قصّاف الاعمار تلقاه من فـوق الصحـون يتحلـط ............وان جا اللوازم ماسوي ربع دينـار هـذاك واشكالـه فــلا ينتقـلـط ...............لاتعزمونـه ياصليبيـن الاشــوار والله لايكتب هذه القصيدة إلا شاعر متمكن بما تعنيه الكلمة من معنى قصيدة معجزة رغم صعوبة القافية إستطاع شاعرها الإمساك بزمام المعنى وتطويعها كيفما أراد لتخرج هذه الجوهرة بكل زينتها وبهائها صح لسانك يامسفر الله يجعل أيامك كلها سفيرة والله يرحم عودٍ أرثك جعل مسكنه جنات النعيم |
اقتباس:
أولاً:القصيدة وراعيها تحت طلبك لكن المثل يقول لايجلب التمر لأهل هجر ثانياً: قراءتك للقصيدة ومدحك لها شهادة فخر من شاعرخبير له وزنه في الساحة وهذا من ذوقك الرفيع ومعدنك الأصيل، ويحق لهذا المنتدى أن يفخر بشخص مثلك جمع بين الشعر الأصيل والنقد الهادف والأسلوب الأخاذ وصح الله بدنك وطالت أيامك ورحم الله والديك وسعدت كثيرً بمعرفتك |
الساعة الآن 05:12 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
