|
وقعة الحراجين مع الروم
بسم الله الرحمن الرحيم غزا مجموعه من الحراجين الدواســـــر عددهم خمسة عشر وعندما مروا مع مزاليج وهو درب يبداء من الحسا ويصل الرياض فراى اثر الجيش رجل واخبر عليهم الروم لان قبيلة كانت متصالحه مع الروم وكان الروم مستولين على الحسا في ذلك الوقت فامر الباشا القائد عباس وكان من كبار قادتة بان يقابل هذه الغزيه بعض من جنوده وعندما كان الحراجين امنين اذا بالخيل تظهر عليهم وفاجئهم الروم بالرمي الكثير فقتلوا ثمانيه من الحراجين وعندما ركد الرمي كسر الحراجين الروم فزعل القائد عباس وركب حصانه ومعه جنوده واتجه عليهم و كان الحراجين محتمين هذه المره ولما اقبل عليهم عباس وجنوده ثارت بندقهم وقتلو الباشا عباس وجنوده واخذوا بعض من احصنت الروم من ضمنها حصان الباشا عباس ودرعه ورجعو السبعه الى اهلهم سالمين فقال الشاعر / حمد ابن ذواد الحراجين
يانفدا الي ضربهم في المثاني = ماخفهم روم على خيلها الباس اقفوا على سبع وعقر ثماني = اقفوا عليها يوم الارياق يباس تزاهموا عند الركايب اخواني = وخذوا العوض الدرع وحصان عباس نركض على العسكر بحد السناني = لاد الحريجي متعبة قب الافراس وقصيده اطول من هذه ولكن هذا الذي يحضرني و لكم تحياتي اخوكم المرتكي |
كفوا بالاد الحريجي
يحرونبها لاهنت يالمرتكي تحياتي لك\\ابوشجاع |
المرتكي يعطيك العافيه على ذكر معركة الحراجين مع الروم وعز الله انهم كفوووو و يحرونبها لاد الحريجي .. وكم اتمنى ان تتحفنى بما تختزن من معلومات عن الدواسر عامه وعن الحراجين اهل الطالات خاصة .. اخوك في الله محمد الغريري |
المركني بيض الله وجهك يالقرم على ذكر هذه الوقعة الطيبة والحراجين مسامير الأشده يفعلون ذي وأكثر لاهنت يالقرم وفي أنتظار ماتمتلكه من معلومات ثانيه عاطر التحايا محبك دغش البطي |
الأخ المرتكي
يعطيك العافيه على ذكر معركة الحراجين مع الروم
وعز الله انهم كفوووو و يحرونبها لاد الحريجي .. وكم اتمنى ان تتحفنا بما تختزن من معلومات عن الدواسر عامه وعن الحراجين اهل الطالات خاصة .. اخوك في الله العرابي |
يعطيك العافيه على ذكر معركة الحراجين مع الروم
ونعم بالحراجين وعز الله انهم كفوووو و يحرونبها لاد الحريجي .. وكم اتمنى ان تتحفنا بما تختزن من معلومات عن الدواسر عامه وعن الحراجين اهل الطالات خاصة .. وتحياتي لك |
نركض على العسكر بحد السنانـي=لاد الحريجي متعبة قـب الافـراس
بسم الله الرحمن الرحيم اخوي الفاضل المرتكي بيض الله وجهك على الهيه التي تنومس الواحد منا والله وكفو بالاد الحراجي مسامير الأشده اهل الطولات جعلهم المعزه مهم قال الواحد منا منوفي الحراجين حقهم وافين الله يبارك فيهم ونتظر جديدك المشوق عن ربعنا الحرجين جعلك تحيى وتقبل تحياتي وتقديري واحترامي اخوك / فــهـــد الغريري,,, |
بيض الله وجهك يالقرم على ذكر هذه الوقعة الطيبة
والحراجين مسامير الأشده يفعلون ذي وأكثر |
والله كفو بالحراجين
و لا نستغرب عليهم ذا الفعل مشكور اخوي المرتكي ،،،،،،، |
ابو شجاع محمد الغريري دغش البطي العرابي سالم الغريري فهد الغريري تركي الوعاني خيال العبيه مشكورين على المرور الطيب وجعل اعماركم طويله ولكم تحياتي اخوكم المرتكي |
مشكور أخوي / المرتكي على هذه السالفه اللي ترفع الراس.
و كفوا والله بالحراجين,, تحياتي ,,,, ** الشرافي ** |
كفو بلاد الحريجي
ونصرهم الله على قل عددهم والله لايهينك يالمرتكي على موضوعك النادر وننتظر منك كل جديد |
المرتكي . بيض الله وجهك على ذا السالفة اللي تنومس من قال اني دوسري
وكفو والله لاد الحريجي . وانا أشهد ان أفعولهم ترفع الراس . مع تحيات.......العقيد....... |
المرتكي...عزالله ماقصرت يالقرم على ذكر هالتواريخ المشرفه والعلوم الغانمه ......... تحياتي
|
كفو كفو
بلاد الحريجي قول وفعل بني عمنا ويستاهلون المدح والثنا على مايفعلون |
** الشرافي ** بن مشخص المسعري العقيد ابن محمد الودعاني سعد المقابله الله يعطيكم العافيه على المرور الحلو وجعل من جابكم في الجنه ولكم تحياتي اخوكم المرتكي |
السلام عليكم ورحمة الله وبركاته الله يبيض وجهك يالمرتكي ماقصرت جعل شيبانك في الجنه هذي العلوم الي تثلج الصدر ونعم والله بصبيان الحراجين قول وفعل ولك مني الف تحيه |
كفووووووووووو بلاد الحريجي.....
ومشكور ولاهنت يالمرتكي |
السلام عليكم ورحمة الله وبركاته الحســـــــــــــــــــاوي بـــــدر العجــــــــــالين لكم مني الف سلام على المرور الطيب الله يطول في اعماركم ولكم تحياتي اخوكم المرتكي |
السلام عليكم ورحمة الله وبركاته الله لايهينك
|
السلام عليكم ورحمة الله وبركاته
كفوووووووووووووو لاد الحريجي ونا اشهد ان افعولهم غانمه بيض الله وجهك ياالمرتكي |
السلام عليكم ورحمة الله وبركاته سلمان الحرجي الكــــــــــــــايد الله لايهينكم على مروركم الطيب وجعل اعماركم سنين ولكم تحياتي اخوكم المرتكي |
اقتباس:
لاهنت اخوي المرتكي على القصه الطيبه لكن عندي بعض الأيضاحات بالقصه القصه كالأتي ركب محمد بن ملحم ومعه هل خمسة عشر ذلول هو الخامس وحولوا على الأحسا يوم جاو على مشارفها اكمنوا يتحرون للقوافل الي تطلع من البلاد وكل ماطلع عليهم احد خذوه وكثروا المشتكين عند قايد الحاميه التركيه فأرسل حسين ابو ليله (الكذوب) يتطلع الأخبار ولما رجع قال بن ملحم ماسك الدروب ركبوا الترك وحولو عليهم عند ابرق الركبان غرب الأحسا وكان مبخوت بن مطرف الهبادين يدور للكسب على رجليه متنطح للعرب وهو اعرج كاسرينه آل مره في معركة سابقه ويوم حولو الترك على الحراجين فيركب بطشان من الحراجين يستلحق مبخوت ولا لحقوا اخوياهم الا مقبلين على غار الغوار فقال حولني فيحول ويعقر ثلاثٍ تبع ويلحقهم عباس الفارس التركي المشهور فيضربه لهو الرابع وينفك الطارد من المطرود عقر للحراجين ثمان وذبح باتل من آل عبودالحراجين بس وسلموا الباقين,, هذا ما حبيت ايضاحه ولك تقديري, |
بسم الله الرحمن الرحيم
يعطيك العافيه اخوي مسعودالمقبيلي على الايضاحات وانا نقلت القصه على مسمعتها من كثير من شيبان الحراجين والله اعلم لن هذي الوقعه قديمه ويختلف نقل القصه من شخص الى شخص ولك تحياتي اخوك المرتكي |
الله لايهينك أخوي المرتكي على السوالف الطيبة .
|
الله لا يهينك يا "المرتكي" على السوالف الجزله التي تنومس الرجل.
والله ونعم يالاد "الحريجي" ويفعلون أكثر يالقرم. وتقبل تحيات أخوك/ الجعيدي الدوسري. |
لاهنت أخوي المرتكي على هذه القصة وقصيدتها اللي تنومس كل دوسري وكل مواطن سعودي على وجه العموم ويستاهلون صبيان الحراجين فهم أهل لكل علم طيب وما هيب غريبة على مسامير الأشدة.
بس يبدو لي أخوي المرتكي أن الوقعة مع الأتراك وليس الروم وأضم رأيي إلى رأي الأخ المقيبلي ............... فربعنا وخاصة الشيبان دايما حينما يتطرقون لتاريخ الأتراك ينعتوهم بالروم وهذا غير صحيح وبلادنا لم تستعمر من الروم مطلقاً ولكن الحاصل هو وجود الحاميات التركية المعروفة واللي تواجدت في بعض مناطق المملكة في عصور مضت. للإيضاح فقط ولكم خالص التحية والامتنان. |
يحيى الودعاني
الجعيدي الدوسري ابو زيد التغلبي الله لايهينكم على المرور وجعل اعماركم طويله ابو زيد كلامك صحيح بس التراك يطلق عليهم اسم الروم قديما ثم اطلق عليهم العثمانين وهم معروفين بهذي الاسماء ولكم تحياتي اخوكم المرتكي |
المرتكي
الله يدرك على ذكر ذا الوقعه وكفو والله بمسامير الأشده ونتمتى منك المزيد من العلوم الي ترفع الراس ولك تحياتي |
الحرجي الله لايهينك على المرور وجعل من جابك في الجنه ولك تحياتي اخوك المرتكي |
المرتكي جعل يمناك ما يجها العطب على هذي السالفه لصبيان الحراجين
وعز الله يحروبها لا الحراجي مسامير الاشده |
ابوعبد العزيز
يعطيك العافيه ومشكور على المرور وجعل من جابك في الجنه ولك تحياتي اخوك المرتكي |
رد: وقعة الحراجين مع الروم
كفووووووووووووووووووووو بالحراجين وبيض الله وجهك يالمرتكي
حتى الروم ماسلمو |
رد: وقعة الحراجين مع الروم
كفووووو بالحراجين ويفعلونها والله يعطيك العافيه على طرح القصه الرائعه
|
الساعة الآن 10:41 AM
 |
Powered by vBulletin® Copyright ©2000 - 2025, Jelsoft Enterprises Ltd.
---