|
اللي اليا من شافني له تعنيت قام يتبلج حي ذاك الحجاجي
اخواني الاعزاء كما واعدتكم بالاهداء وانتم خير من يهدى له فانني اتقدم الى مقامكم بهذه القصيده عسى ان تنال اعجابكم ,,,,
ومناسبة هذه القصيده كنا في احد مجالس الطيبين شرواكم والتي حرصنا ان لايقال فيها الا الكلام الطيب واذا باحد الاشخاص معنا بالصدفه جار لصاحب المحل وكان هو في اثناء هذه الجلسه يتكلم في اعراض الناس ويحاول انه يكون مميز ٍفي كلامه ولم يترك لاحد فرصه بالكلام الحاصل انه عندما سمرنا وجينا نستاذن من صاحب المحل قال لنا هذا الشخص بدري يالربع حنا ماسمعنا من سوالف ابو محسن شي مدري وراه اليله ساكت ولهذا كان ردي عليه اقول
ياللي بزعمك للمعرفه تسمويت= اعرف ترى مالي عليك احتجاجي لا تقول وشبك ساكت ٍما تحاكيت= انا ماسولف دام مالي خراجي ماهوب كبر ٍيومني عنك صديت= سوالفك عيت توافق مزاجي باعرض بعض الناس شفتك تجريت= معك ام خمس وتحتمي بالمحاجي تذكر علوم ٍما عليها تثابيت= كنك مظيع صيدته فالعجاجي وانا بعرف الطيبين استدليت= اشرب قراح الماء واعيف الهماجي ماشفت ماحصلت ماقلت ماوحيت= والمشتبه مالي بخده مداجي وانا هواي مرافقة طيب الصيت= وراعي علوم الهون بعده علاجي اشفق لخاطي طيب ٍكل ماجيت= القى بشوفه للهجوس انفراجي اللي اليامن شافني له تعنيت= قام يتبلج حي ذاك الحجاجي وسلامتكم |
أخوي / أبو محسن صح الله لسانك مدد وعز الله أنك ماهفيت ولا خطيت في من تكلم في أعراض خلق الله والله يسلم ألسنتنا من أعراض الناس باعرض بعض الناس شفتك تجريت معك ام خمس وتحتمي بالمحاجـي ويجعلنا من وانا هواي مرافقة طيـب الصيـت وراعي علوم الهون بعده علاجـي |
الاخ الواضح
اشكرك على مابديته من مشاعر بيض الله وجهك وطالت حياتك على عز وطاعه
|
|
بيض الله وجهك ولاشلت يمينك على نضم هذه الرائعه
وهذه جزاء له ولامثاله وعسى أن تصله ويسمعها...ويعتبر ولاهنت يالغالي ياللي بزعمك للمعرفـه تسمويـت اعرف ترى مالي عليك احتجاجـي لا تقول وشبك ساكت ٍما تحاكيـت انا ماسولـف دام مالـي خراجـي ماهوب كبر ٍيومني عنـك صديـت سوالفـك عيـت توافـق مزاجـي باعرض بعض الناس شفتك تجريت معك ام خمس وتحتمي بالمحاجـي تذكر علـوم ٍمـا عليهـا تثابيـت كنـك مظيـع صيدتـه فالعجاجـي وانا بعـرف الطيبيـن استدليـت اشرب قراح الماء واعيف الهماجي ماشفت ماحصلت ماقلت ماوحيـت والمشتبـه مالـي بخـده مداجـي وانا هواي مرافقة طيـب الصيـت وراعي علوم الهون بعده علاجـي اشفق لخاطي طيـب ٍكـل ماجيـت القى بشوفه للهجـوس انفراجـي اللي اليامـن شافنـي لـه تعنيـت قـام يتبلـج حـي ذاك الحجاجـي اخوك// رجوم الشياطين |
الشاعر والمبدع ولاديب ابو محسن " محمد الخضراني
صح السانك قصيده جزله ورائعه من شاعر جزل |
صح الله لسانك يا بومحسن بعض الناس لجلس في مجلس خذى في الحديث و استرسل فيه دون باقي الحضور لانه يريد ان يلفت الأنظار اليه و لا يدع مجالا لأحد في مناقشته يعني هو كلامه صحيح والباقيين غلط و ماعنده استعداد انه يسمع من احد ويرى في هذا انه تميز فهذا نسميه ثرثار ولا يسلم من لسانه احد سبحان الله ... كان هذا موضوع خطبة الجمعة اليوم في مسجدنا وهل يكب الناس على وجوههم في النار الا حصائد ألسنتهم أخوك في الله العرابي |
لاهنت يبو محسن والله كفو في ماقلت
|
أبومحسن صح لسانك قصيدة ذات هدف سامي ومعنى جزل وقافية متميزة وسلاسة عذبة ومن شاعر كبير له وزنه في الساحة ونفتخر بوجوده بيننا أبومحسن : لم يحالفني الحظ إلا في سماع الربع ساعة الأخير من لقائك في إذاعة الرياض فهل بالإمكان الحصول على تسجيل صوتي لذلك اللقاء وعرضه في المنتدى؟؟ كذلك ديوانك المطبوع بحثت عنه في عدد من مكتبات الرياض ولم أعثر عليه لنفاده من الأسواق فماهي المكتبات التي تتوقع أنه لازال معروضاً لديها؟؟ هذا و تقبل مني خالص الشكر والتقدير أخوك برق الجنوب |
الاخ فهد الغريري
اكبر شرف لي هو الاشاده من شرواك طالت حياتك على عز وطاعه اتقدم لك بوافر الشكر على كلامك الطيب اخوك محمد
|
الاخ رجوم الشياطين
اشكرك كل الشكر على الكلام الطيب الغير مستغرب منك طالت حياتك وبيض الله وجهك اخوك محمد
|
الاخ تركي الودعاني
اطلعت على مابديته من مشاعر وهذا ليس مستغرب على الطيبين شرواك اتقدم لك بوافر الشكر اخوك محمد
|
|
الشاعر الكبير محمد الخضراني قصيده توصف شاعرها .. قصيده تدل على عزة النفس ,, و الترفّع من الردى .. فبارك الله فيك ,, و وفقك لخير ما يحب و يرضى ,,, و نزهّك و رفعك عن الردى و النقص
وانا هواي مرافقة طيـب الصيـت = وراعي علوم الهون بعده علاجـي اشفق لخاطي طيـب ٍكـل ماجيـت = القى بشوفه للهجـوس انفراجـي اللي اليامـن شافنـي لـه تعنيـت = قـام يتبلـج حـي ذاك الحجاجـي رائـــــــــــــــــــــــــــــــــــــــــــــــ ــــــــــــــــــــعه من غير قصور في باقي القصيده فصح الله لسانك مدد ,, بلا عدد ... و تقبل مني اصدق الود ,, و اعذب التحايا .... اخوك فراج بن مشنان ... |
ابو محسن وافي ومن ربعن وافين ولاهوب مستغرب منكم الطيب والله يطول في عمرك ويجزاك بالخير
|
الاخ العرابي
اطلعت على مابديت من مشاعر وبدوري اشكرك كل الشكر طالت حياتك على عز وطاعه كما انني اجدها فرصها ان اخبرك بانني احد المعجبين بالاطروحات الادبيه التي تقدمها لنا من خلال تواجدك بهذا المنتدى تقبل مني اجمل التحايا اخوك محمد
|
الاخ مسعود المقيبلي
ماعليك زود طالت حياتك بالعز والطاعه من طيبكم نطيب يالطيبين
|
الاخ برق الجنوب
اشكرك كل الشكر على مشاعرك تجاهي طالت حياتك بالعز والطاعه اما بالنسبة لطلبك فهو على العين والراس كل ما تطلب حاصل انشاء الله اذا كنت قريب منا سير علينا الله يحييك واذا كنت بعيد نرسله لك في مكان
اما بالنسبه للديوان فنا بالطبع خصصت اغلب النسخ منه للاهداء للطيبين شرواك وما بقى منه فانه حسب علمي نفذ من المكتبات سوى نسخ قليله توجد لدى مكتبة النسيم المركزيه ومكتبة الحكمي بالرياض اظافة الى ما بقى لدى مكتبة الفاو في وادي الدواسر هذا وتقبل مني اجمل تحيه اخوك محمد |
الاخ دغش البطي
عوتني يابو محمد على الكلام الطيب وهو ليس غريب عليك ولكن افخر بما تقول واحاول ان اكسب رظاك ورظاء الطيبين شرواك لك مني صادق الود والتقدير وبيض الله وجهك ,, اخوك محمد
|
السلام عليكم ورحمة الله وبركاته ابو محسن كتبت فأبدعت وهذه ولله الحمد عادتك الابداع صح الله لسانك ويعطيك الف عافيه وفي انتظار جديدك يالغالي |
الاخ فراج بن مشنان
اطلعت على تعقيبك بيض الله وجهك وهذا من حسن الحظ ان احظى بتقدير واعجاب الطيبين شرواك لك مني صادق الود والتقدير اخوك محمد
|
الاخ عبدالله الصخيبري
استريت بما ابديت في تعقيبك بيض الله وجهك حيث ان الوفاء غير مستغرب منك تقبل اجمل التحايا من اخوك محمد
|
أبو محسن:
قصيدة رائعة ليست بغريبة عليك وصح لسانك على هذه الدرر الثمينة ومنتظرين منك أكثر في الأيام القادمه ولاعدمنا إبداعاتك |
الاخ سعد المقابله
ماقصرت على التعقيب وافي من وافين تقبل مني اجمل التحايا اخوك محمد
|
الاخ مسفر الكبيري
اطلعت على تعقيبك بيض الله وجهك ومن حسن حظ هذا المنتدى ان يحظى بتواجدك فيه ظمن جميع الاعظاء الموقرين تقبل من اجمل التحايا اخوك محمد
|
كفوو يابو محسن وهذا ماعهدناه من الطيبين شروواك
صح لساانك بليووون ولاهنت يالقرم.. |
الاخ الودعاني
اطلعت على تعقيبك بيض الله وجهك وهذه شهاده نفتخر بها خص الى صارت من اهل الطيب والمعرفه شرواك تقبل مني اجمل التحايا والتقدير اخوك محمد
|
الساعة الآن 01:32 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
