سلام يالمرتع اللي به تمشينا= لو كان شهب السنين تلوح من دونه
ياما حكينا وياما به تسلينا = وياما خذينا علوم الزين بركونه
وياما وياما تعنينا ومرينا = وياما غشنا ضلام الليل بسكونه
وياما ضحكنا وحاتينا وفزينا= وياما بذرنا الفرح والحب وجنونه
ذكرى جميله ولوهي مرة اسنينا= باقي غلاها ورى الاضلاع مدفونه
مرت مرور الغمام وفترت ايدينا = وحرايب الحزن فينا كثرت اطعونه
كله على شان من حبه يداوينا = نجلا(ن) تهزع بغي الحب وفنونه
متناسقه كامله خجله بها دينا = برعه وحلوه ومملوحه ومزيونه
احبها والغلاء من عند والينا = لو كان قلبي عليها باح مكنونه
حبا عفيف وحمام الورق يبكينا = ونجاذب الورق بالعبرات ولحونه
وان كان باقي على خبري وتطرينا = فانا حياتي ومملك فدوة عيونه
ليته يحن ويحس ويلتفت فينا= كان الخفوق الحزين تهون شطونه
العام اسوق القدم يمه ويغلينا = واليوم شهب السنين تلوح من دونه
واليوم لو كان مرينا وعدينا = سلمت له والسلام يسد مضمونه
ماهوجفا بس جرح العام يكفينا= وهمومنا قبلها الاحلام مسجونه
لاصار شحت على الذكرى ليالينا= تبقاء لنا ضحكة الايام مرهونه

مرت مرور الغمام وفترت ايدينـا=وحرايب الحزن فينا كثرت اطعونه

المشاركة الأصلية كتبت بواسطة محمد بن سالم بن فهيد (المشاركة 473808) وان كان باقي على خبري وتطرينا = فانا حياتي ومملك فدوة عيونه ليته يحن ويحس ويلتفت فينا= كان الخفوق الحزين تهون شطونه العام اسوق القدم يمه ويغلينا = واليوم شهب السنين تلوح من دونه واليوم لو كان مرينا وعدينا = سلمت له والسلام يسد مضمونه

المشاركة الأصلية كتبت بواسطة ناصر الفصام (المشاركة 473812) صح لسانك يا ابوسالم مرت مرور الغمام وفترت ايدينـا=وحرايب الحزن فينا كثرت اطعونه ان شاء الله ماتشوف الحزن ياابوسالم ان شاء الله ايامك كلها سعادهـ ولاهنت وبيض الله وجهك على القصيده الجزله

المشاركة الأصلية كتبت بواسطة حزم الظـآإآمـيے (المشاركة 473816) صح الله لسانك واعتلى شانك تحياتي

المشاركة الأصلية كتبت بواسطة خيالية (المشاركة 473847) صـــــــح لســاااانك شــاااعر .....

المشاركة الأصلية كتبت بواسطة راشد المسعري (المشاركة 473849) ارحب يايو سالم تراحيب المطر صح لسانك وسلم فكرك يالغالي قصيدة عذبة وجزلة في نفس الوقت ولاغرابة الإبداع له اهل وانت من اهله يابو سالم تقبل ودي وتقديري ،،،،

المشاركة الأصلية كتبت بواسطة ابو زابن المسعري (المشاركة 473859) صح الساتك وبيض الله وجهك على هذه القصيده الجزله ولاهنت على اتحافنا بها

المشاركة الأصلية كتبت بواسطة نادر الناهشي (المشاركة 473904) ابوسالم صح لسانك ماشاء الله لك اسلوبك ونمطك الفريد الذي يميز بصمة..محمد سالم فهيد

المشاركة الأصلية كتبت بواسطة برنسيسه الريــــاض (المشاركة 473908) لافـــــــــــــــــــــض فـــــــــــــــــــــــــــــوك قصيــــــــــــــــــــــــــده رائعـــــــــــــــــــــــــــــه

المشاركة الأصلية كتبت بواسطة أبوراكان الغييثي (المشاركة 473919) تقبل أول مرور لي في متصفحك والذي وقفت كثيراً امامه وأنا أكرر قرأتي لقصيدتُكَ الجميلة لما فيها من عذوبه وجزاله وشفافية وأبداع . صــح السانك وأعتلا شأنك. تقبل تقديري وإحترامي

المشاركة الأصلية كتبت بواسطة خلاّد الزايدي (المشاركة 474004) ياسلام ياأبوسالم على الشعر الجزل والعفيف وعلى الطرق الكايف بس البيت الأخير وين شطره الثاني ؟! ماأشوفه !!