مادام الشعر تصويت وارسال بالجوال=ودف القهر بالشعر ياراعي العليا
ترى الشعر عندي رايته والقوافي رجال=أيا فزعتي ناديه ياراعي العليا
ترى الشعر من عصر النبي لأخر الأجيال=لجانه رجاله هيه ياراعي العليا
ترى كل علم له مراجع رسوم جبال=عكاظ لها جوال ياراعي العليا؟
طلع شاعر المليون قصده لجمع المال=فرحنا ترحنا حط ياراعي العليا
ترانا مغن الشعر والناس لعب عيال =ترانا حماة الدين ياراعي العليا
ترانا هل المسحوب والشقر يالأبطال=مكامن بحور الشعر ياراعي العليا
ترانا الهجيني والزهيري يادان ومال=ترانا حجاز الشعر ياراعي العليا
ترى المدح ماهو عيب والناس قيل وقال=ترى العيب جلب العيب ياراعي العليا
ترى من بغى عزه عدوه عليه ظلال =يحسب العدو يغليه ياراعي العليا
حياتك ماهيب رغيف وزيادة بالمال=أيا ناقص الأيمان ياراعي العليا
تسل السيوف المصديه بالحسد تختال=تعدى حدود المدح ياراعي العليا
ترانا ذرى للناس والقاف صدق الحال=ذرى اسلام حط الجام ياراعي العليا
ترى الدوله اللي حكمها من كتاب عال=هي الفال للدجال ياراعي العليا
ترى الناس ياجساس والرابح العقال=تحط الكلام احسام ياراعي العليا
عطيتك قوافي دوسري ن جدود وخال=لنا الفخر سيف الدهر ياراعي العليا

عطيتك قوافي دوسري ن جـدود وخـال ,,, لنا الفخر سيف الدهـر ياراعـي العليـا

المشاركة الأصلية كتبت بواسطة الشـيخه (المشاركة 437001) الله عليك الله اطلقت العنان لقلمك المبدع ليبحر بنا الي حدايق روائعك لتوشحنا بهذه القصيدة الرائعه.. صح لسانك ملايين ..... اخجل من وقوفي وانا امام هذه الشامخه لا استطيع سوى قول : سجل اعجابي واندهاشي لاجل هذا الابداع لك مني صادق التقدير والاحترام

المشاركة الأصلية كتبت بواسطة شافي القويسي المخاريم (المشاركة 437017) صح لسانك يا ابو محمد عزالله قصيده وافيه من شاعر وافي تحيااااااااااااتي

المشاركة الأصلية كتبت بواسطة أبونواف الدوسري (المشاركة 437022) بارك الله فيك وصح السانك.. أخي الشاعر نادر الناهشي.. وفقك الله..

المشاركة الأصلية كتبت بواسطة الحبيبي10 (المشاركة 437028) بيض الله وجهك وصح الله السانك الله يعطيك العافيه على هذه القصيده الجزله لاهنت تحياااااااااااااااااااااااااااتي

المشاركة الأصلية كتبت بواسطة الجراح (المشاركة 437117) عطيتك قوافي دوسري ن جـدود وخـال ,,, لنا الفخر سيف الدهـر ياراعـي العليـا الله الله كفو كفو وربي كفو صح لسانك على هذه الجزله الشاافيه تحياااتي

المشاركة الأصلية كتبت بواسطة محمد مناحي الودعاني (المشاركة 437132) ترى الشعر عندي رايته والقوافي رجـال.......أيـا فزعتـي ناديـه ياراعـي العلـيـا الواحد يا اخوي: محمد الناهشي اول ما يقرى هذا البيت يدري انك شاعر مبدع وجزل والبيض الله وجهك على القصيده وصح لسانك تقبل تحياااااااااااااتي

المشاركة الأصلية كتبت بواسطة خيالية (المشاركة 437140) ترانا مغن الشعر والنـاس لعـب عيـال ترانـا حمـاة الديـن ياراعـي العلـيـا ترانا هل المسحـوب والشقـر يالأبطـال مكامن بحـور الشعـر ياراعـي العليـا ترانا الهجيني والزهيـري يـادان ومـال ترانـا حجـاز الشعـر ياراعـي العليـا ترى المدح ماهو عيب والناس قيل وقـال ترى العيب جلب العيب ياراعـي العليـا ترى من بغى عزه عـدوه عليـه ظـلال يحسـب العـدو يغليـه ياراعـي العليـا حياتك ماهيب رغيـف وزيـادة بالمـال أيـا ناقـص الأيمـان ياراعـي العليـا صــــح لسانك ،، لاهنت كفيت ووفيت تقــــــديري وفائق احــــترامي ..

المشاركة الأصلية كتبت بواسطة محمد الولامين (المشاركة 437201) الشاعر نادر الناهشي صح لسانك مليون يالذيب كتبت فأبدعت بيض الله وجهك على ماقدمت

المشاركة الأصلية كتبت بواسطة king (المشاركة 437247) الله الله الله ياراعي الرايه البيضا وراعي الجماله والجزاله هكذا انا اؤمن بان الشعر رسااله تعبر عن واقع وانت شرحت حال بعض المسترزقين ومن يتنكروون لموطنهم الاصلي طمعاً بماده او شرهة امير ويرضون لانفسهم الخضوع ولايجدون مجال للبروز الا هاماات الكبار او كما قلت الجبال الراسيه التي لايضيرها رياح الحقد ورياح التنكر للاصل تبقى رايتك بيضا وراعي الجزله وكما قال الزلامي على مااعتقد اي والله احبه حب مخلص ومشتاق واحب حتى صورته بالمجله اللي اذا جفت ويبسن الارياق. انته وانا ومعزبك تحت ظله اعذرني للاطاله ولكن قلت شي ودي اقووله ياالنادر تقبلني كما اناا

المشاركة الأصلية كتبت بواسطة غلا نجد (المشاركة 437297) وش تبي من واحد مضيع هويته وهو محسوب من الملتزمين عافانا الله صح اللسانك على القصيده الرائعه وسلم لنا فكرك واحساسك بيض الله وجهك شاعر جزل ومتمكن دمت كما انت في ظل الرحمن وكرمه

المشاركة الأصلية كتبت بواسطة راشد المسعري (المشاركة 438084) نادر الناهشي أرحب يانادر وصح لسانك وبيض الله وجهك شاعر قدير ودائماً جزل وما تجيب إلا الجزل تقبل ودي وتقديري ،،،