|
هرج القفا يا كاسبين المواجيب!!!
البارحة مانمت ليلي تعاجيب=عفت المنام إن كان غيري هنابه تكدرت لي صافيات المشاريب=وقلبي شكا جرح(ن) جديد صطابه كانت جروح القلب تعيي التطابيب=واليوم زاد الجرح ظلم القرابة هرج القفا يا كاسبين المواجيب=عيب(ن) على اللي في اللقاء يعتزابه يا ربعنا ياهل الوفا منقع الطيب=مهوب حق السيف يجرح انصابه يا شينها لاجات بين الاصاحيب=ولا العدو ما قد حسبنا حسابه من ماضي الازمان نرقى لصاعيب=ومنزالنا بالعز عالي هضابه نحرص على الطالات ما نقرب العيب=وميقافنا في الحرب كلن حكابه وما ننتظر في حاضر الوقت تجريب=ناخذ من الماضين فعل(ن) امشابه فينا الولد يمدح إلين أبيض الشيب=يظهر بوجهه لاتقافا شبابه ولامن تغربنا حداد المخاليب=ما نرتضي بالهون واللي سعابه وخوينا ما يلحقونه عذاريب=يفخر بخوتنا ويمدح جنابه ويفرح بنا اللي حاديته الكواليب=نفك قيده ويتهنى شرابه وما نلتفت لاهل الحكي والشواذيب=نرقا سنود وضدنا في عذابه يابنت ياللي فارقه فالرعابيب=يابنت منهو في اللقا يندعا به اللي على ظهور النضا كنه الذيب=يحوف عدوانه بيوم الحرابه كبي ردي الجد ضخم التلابيب=اللي حصيله في المراجل ترابه اللي يجنب درب الاجواد تجنيب=ويبني على دروب الرخامة اطنابه وعليك باللي ذكرهم فيه تطريب=ربع(ن) على كسب المعالي تشابه إللي إيلا دارت عسير الدواليب=ما منهم إللي في القسا صك بابه قلته وانا أونس في فوادي لواهيب=من هاجس(ن) بين بقلبي صوابه وختامها... ياحيف ياهل المواجيب=هرج القفا نقص(ن) على من حكابه |
ارحب يا نايف بن مسرع
حيه وحي ماجاب ابطيت وجبت السعد صح لسانك وبيض الله وجهك وننتظر جديدك |
|
نايف بن مسرع
الله يصح السانك مدد قصيده في قمت الروعه وافيه جمل الله حالك والك من محبك جزيل الشكر |
ياسلام
أبيات تكتب بماء الذهب وموضوع حساس يعاني منه الكثير في شعرك عذوبة يندر مثيلها بيض الله وجيه الإخوان اللي أصروا عليك تنشر القصيدة:) فيه سؤال يابومسرع : تقول / اللي على ظهور القنا كنه الذيب يحوف عدوانه بيوم الحرابه ..... القنا ماهيب الرماح وألا أنا غلطان؟؟!! يقول شلعان: ماجيتنا يوم القنا يقرع القنا والحكم حكم السيف ياقطاه واليوم في الإسلام طال لسانك ثورن ملا بطنه وزاد وذاه تقبل تحياتي وآسف على الإطالة |
الله يبقيك يالواضح
أخوي (الواضح):
والمرحب باقي طال عمرك ، والله لايهينك على مشاعرك ، وأبشر بكل ما تطلبه ، فأنت وشرواك ممن يشجعون الشاعر على التواصل. ولك خالص المحبة |
أحرجتنا بسحرك يا دغش!!!
|
مناحي الرجباني (شكراً):
لك مني أخوي مناحي كل الشكر على جميل مرورك وتعليقك ، وممتن لإطرائك وحسن ظنك ، وأما بالنسبة لسؤالك فأعتقد أن المفردة قد تحتمل أكثر من معنى وهذا شيء وارد وشائع في اللغة العربية بشكل عام ،،،، وعلى كل حال أشكرك على سؤالك ، وهذا من الأشياء اللي تثري المنتدى ، وهو بدون شك ظاهرة إيجابية... تقبل ود أخوك ( نايف بن مسرع ) والسلاااام |
من ماضي الازمان نرقى لصاعيـب ومنزالنـا بالعـز عالـي هضابـه نحرص على الطالات ما نقرب العيب وميقافنا في الحـرب كلـن حكابـه وما ننتظر في حاضر الوقت تجريب ناخذ من الماضين فعل(ن) امشابـه أمنياتي لك بالتوفيق ودمت شامخاً كما عهدناك |
لاهنت يابومسرع وأشكرك كل الشكر على ماتزودنا به هنا من الإبداع في الشعر بشتى فنونه وتقبل الاعجاب |
هرج القفا يـا كاسبيـن المواجيـب = عيب(ن) على اللي في اللقاء يعتزابه يا ربعنا ياهل الوفا منقـع الطيـب = مهوب حق السيف يجـرح انصابـه يا شينها لاجـات بيـن الاصاحيـب = ولا العدو ما قـد حسبنـا حسابـه الشاعر المبدع نايف بن مسرع صح الله لسانك مدد ماهوب عدد .. كتبت فابدعت ,, تناولت احدى ظواهر المجتمع ,, باسلوبٍ سلس و قافٍ رائع .. مشكور جزيل الشكر على طرح القصيده ,, و الشكر موصول للاخوان الذين اصروا عليك لطرح القصيده ... صح الله لسانك .. و لك عاطر التحايا من اخوك فراج ... |
لله درك يالشامخ ....
يا شينها لاجـات بيـن الاصاحيـب....ولا العدو ما قـد حسبنـا حسابـه من ماضي الازمان نرقى لصاعيـب......ومنزالنـا بالعـز عالـي هضابـه نحرص على الطالات ما نقرب العيب.....وميقافنا في الحـرب كلـن حكابـه وما ننتظر في حاضر الوقت تجريب......ناخذ من الماضين فعل(ن) امشابـه فينا الولد يمدح إلين أبيض الشيـب......يظهـر بوجهـه لاتقافـا شبـابـه ولامـن تغربنـا حـداد المخاليـب.......ما نرتضي بالهون واللـي سعابـه وخوينـا مـا يلحقونـه عذاريـب.......يفخـر بخوتنـا ويمـدح جنـابـه ويفرح بنا اللي حاديتـه الكواليـب.......نفـك قيـده ويتهـنـى شـرابـه وما نلتفت لاهل الحكي والشواذيـب.....نرقا سنـود وضدنـا فـي عذابـه نايف بن مسرع أو الشامخ وقصيدة شامخة وصح لسانك وبيّض الله وجهك ، ومثل ما قال المثل من طول الغيبات جاب الغنايم ، طال انتظارنا والمنتظر مل صبره ، لكن تيسرت ومثل ما قال المثل مابطى بالسيل إلا كبره . عز الله إنها قصيدة وافية وأنا من الناس اللي يطالبونك بالمزيد من ما لديك من مثل هذه الدرر ، فالحمد لله ما على هذا المنتدى وخاصة قسم ا لشعر خوف وأنت وأمثالك من الشعراء موجود. لك مني كل الود والتقدير ، وإلى الأمام |
صح لسانك يالمبدع الكبير
نايف بن مسرررع لله درررك كلام مسطر بماء الذهب جعلك على القوووه ولا هنت ياخال |
أبو مبارك المسعري..
أخوي (أبو مبارك المسعري) ومن قال يسلم ، والله لايهنيك وياجعل شيبان جابوك ما يجون النار ، وشرف لي إنك وشرواك من المتابعين لمشاركاتنا المتواضعة. ولاعدمتك،،، |
فراج بن مشنان و أبو عبدالمحسن المسعري..
الغالين ( فراج بن مشنان ) و ( أبو عبدالمحسن المسعري ):: سلمتوا جميعاً والله لايهينكم ويبيض وجيهكم على تعليقاتكم الطيبة ، وجعلكم ذخر .. |
لاهنت يا بن رشود وأنا عاجز عن الشكر..
الشاعر المتألق ، والعاشق الرقيق ( منذر ابن رشود ) وييييييييييييييييييييييييييييينك يارجل ، قلنا عسى ما تأثرت بطعنة وليف ، ياخوي ترانا نتنشد عنك وعن أخبارك ،،، وعلى كل حال الله لا يهينك على جميل مرورك ، وحسن عباراتك ، وشرفتنا بمرورك.. ودمت سالماً ، يابن رشود ،،، |
الشاعرالكبير نايف بن مسرع
((الشامخ)) لله درك من شاعر كبير قصيده شامخه بشموخ الشامخ لاتحرمنا مما لديك |
مرورك شرف يا مسعري...
الشاعر الرائع ( المسعري ) صدقني الشرف الكبير هو مرورك وتعليقك ، أنا شاكر لك جميل مشاعرك ، ولكم مني جزيل التحايا والتقدير،،،،،، |
أبدعت فيما سطرت يا نايف
الشاعر المتميز [ نايف بن مسرع ] أقف إعجاباً بما تكتبه ، وقد ظهرت الروح المتميزة في قصائدك في هذه الأبيات ،،،،،،،،،،،،،،، إبداااااااااااااااااااااااع وأتمنى ألا تبخل على المنتدى بالمزيد من خواتها..... ولك تحية التغلبي |
تشرفت بمرورك يا تغلبي
الأخ المبدع أبو زايد التغلبي ،،، صدقني أنه الشرف الكبير لي بمرور شرواك وتعليقه وتسجيل إعجابه على هذه المتواضعة.. تقبل ودي وشكري وألف تحية,,, |
الاخ العزيز / نايف بن مسرع
لقد اعدت قراءةالقصيده فوق ستة مرات وكل بيت يحمل بين طيات الكثير من المعاني ولكل بيت وزن خاص . اقول صح لسانك مدد ما هو عدد الله لا يهينك يا ذيب تحيات / اخوك ناصر بن عبد الله الشرمان اليامي |
أرحب يا يامي...
أخوي (ناصر الشرمان ) مرحبا ومسهلا ، وشكر اً لذوقك وأدبك وجميل تعليقك ،، أنا السعيد والفخور بكل ما كتبت وشهادة من شرواك أعتبرها وسام على صدري ،،، وتقبل جزيل شكر وتقدير أخوك (نايف) |
شكرا شكرا شكرا يابن هديهد والمعذرة على الخطأ غير المقصود
الأخ العزيز والزميل الغالي ( ابن هديهد ) .... ألف شكر لمرورك وتعليقك وعسى الله يعينا ونكون عند حسن ظنك وظن الرياجيل اللي شرواك.... ملاحظة// أعتذر أخوي الغالي عن التأخر في التفاعل مع تعليقك وردك على هذه المشاركة المتواضعة لأني والله فعلاً ما أدري وش اللي صار بالضبط ولكن بعد تصفحي المتأخر للمنتدى لفت نظري عدم وجود اسمك مع من قمت بالرد عليهم وشكرهم على جميل شعورهم ............ ومرة أخرى لك من أخوك (نايف) شديد العذر ، والسلام،،، |
يا ربعنا ياهل الوفا منقـع الطيـب*****مهوب حق السيف يجـرح انصابـه
يا شينها لاجـات بيـن الاصاحيـب*****ولا العدو ما قـد حسبنـا حسابـه صح لسانك اخوي بن مسرع على القصيدة الجزله ولاعدمناك |
الشاعر نايف بن مسرع
أرررحب يالقرم قصيده تعالج موضوع يشتكي منه أغلب الناس ولكن على ماقال راعي المثل الجبل مايهزه ريح والرجل مادام يملك الثقه في نفسه فلاعليه من هروج الناس والناس بيتكلمون ولاهو بمسكتهم إلأ الموت وأنت وافي ومن ربعٍ وافين أخوك في الله العرابي |
السلام عليكم ورحمة الله وبركاته
أخي الغالي المبدع الشاعر نايف بن مسرع لك من اسمك أوفر الحظ والنصيب ذيبٍ عوى في عـاليات المـــراقيب ** حيّ الحجاج وحي صوتٍ عوابه يا ذيب جــدانك هل العـــز والطيب ** ومن لا بتن ياذيب يانعـــــم لابة كسابة الناموس عند المـــواجـيب ** كسارة العدوان يوم الحـــــرابة هرج القفا عادة هل الكذب والريب ** والله ذكر تشبيههم في كتابه لا بد من يومٍ تجــــاب الكــــــتاتيب ** والعبد يلقى في القيامة حسابه محبك تأبط خيرا .. |
أخي الشاعر الفحل ( نايف بن مسرع )
احسنت وبيض الله وجمك وصح لسانك على ذي القصيده الجزله والأبيات الطيبه وهذا يخوي الكلام في القفا من عادات الحريم وأنصاف الرجال والرخوم وله الرجال يتكلم قدام الرجاجيل ولا يهاب شي أما الجبان النذل فهو الذي يكلم بظهور الرجاجيل والعيب كل العيب لا صار إبن عمك وله قريبك وله خوي تطيه ظهرك وأنت آمن على كل حال جعلك ذخر ولا عدمناك والله يبارك فيك |
الأخ ( الودعاني ) :: لاهنت على مرورك وحميل تعليقك ، والشرف الكبير لي بطلتك الغالية |
الغالي ( العرابي ) :: لك مني جزيل الشكر والتقدير على حسن تعليقك الذي تشرفت بقراءته |
لي الشرف بمرورك.
أخوي الغالي والشاعر المبدع( تأبط خيراً ) ، لقد توشحت حلل الفخر بمرورك وأدب تعليقك وروعة أبياتك ، ولا أقول لك إلا بيض الله وجهك ، وجعلنا خير مما يظن بنا. ولكن أستاذنا الغالي لي طلب عندك ، وأتوقع إنه يشاطرني نفس الطلب كثير من الأخوة في المنتدى وهو ( أنت شاعر مبدع بالفصحى وبالعامية ) فلماذا لا تكتب باسمك بدل من ( تأبط خيراً ) ،،،، أتمنى أن نراك توقع قصائدك ومشاركاتك المتميزة بالاسم الحقيقي لشاعرها ،،،، ولا ترانا بنشتكيك لإدارة المنتدى .. |
الأخ الفاضل ( بليهي الودعاني ) :: شكرا ً لإطرائك وحسن تعليقك ،، تشرفت بمرورك ولك مني أخلص التحايا،، ودمت بخير |
|
فهد الغريري... شكراً لك
أخوي ( فهد الغريري ) أنا ممتن لك كثيراً بحلاوة اسلوبك وجميل تعليقك ، ولي الشرف الكبير بمرورك وأتمنى أن يكون ما نقدم يليق بذائقة الجميع ،،، ولاهنت |
ماشاء الله تبارك الله ولا فض فوك على هذه الابيات
وصح لسانك يا الغالي ونتطلع الى جديدك. |
مرحبا يا بن خليف
الأخ ( ابن خليف ) مرحبا ومسهلا بك ، ولك جزيل الشكر على حُسن تعليقك ، وممتن لمروروك وتعليقك....... ولك أجمل التحايا |
الاخ الغالي نايف بن مسرع لله درك
وصح السانك وعلى الاخرى عانك وقصيدة وافية الحكم من شاعر متميز وتسلم يمناك على مكاتيبها. ولك مني فائق الاحترام والتقدير والله الموفق اخوك/ابن محمد الودعاني |
الأخ الكريم ( ابن محمد الودعاني ) صح بدنك ، وممتن لمرورك وإطرائك ، ولاهنت. |
نايف بن مسرع صح الله لسانك يالقرم الشاعر وبيّض الله وجهك على القصيده الجزلا ولا هنت ولا تحرمنا من جديدك من القصايد |
صح لسانك اخوي الشاعر نايف بن مسرع
قصيدة قمة في المعنى والجزاله لاتحرمنا من جديدك يالغالي |
الغالين ( سعد بن صهيب ) و ( يحيى الودعاني ) شكرا ً لمروركما ، ولجميل تعليقكما ، ولكم مني أجمل التحايا. |
الساعة الآن 10:45 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
