لا اله الا الله المبتدأ في كل حال=الاله الواحد الخالق الحق الجليل
مبتدانا به ومنهاجنا نهج العدال=ونتمثل بالوفاء والشرف والله الوكيل
ونتشرف بالوفاء كل ما جاء له مجال=والشرف مرقا المعالي ومجداً ما يزيل
مرحبا يا أهل المواجيب والقدر الجلال=مرحبا والله يحي أهل الفعل الجميل
التحيه واجباً للرجال من الرجال=في مثل ذا الليل يا مبركك واجملك ليل
مرحباً باسم الدواسر كريمين السبال=مرحباً بسم الدواسرأهل الجد الآصيل
مرحباً بسم الدواسر حميدين الخصال=آتشرف بالنيابه واعبر بالجزيل
والمثايل بالتراحيب منهاجها استهال=من جناب العود الأزرق قبلها يستهيل
في حلال الكار والنار والكياف الدلال=كار ميكار الكرم كيف بن وكيف هيل
من بعدها فال حيلن صوانيها ثقال=واجبن تستاهلونه ومد الله فضيل
اجتمعنا في معزه وطيب وزين فال=والوفاء مضمون والعلم بالسلم الدليل
سلمنا يلمن عزيز وعوايدنا جزال=منهج الهادي وسنة ابراهيم الخليل
يا النشاما مبتدأ العلم نصه لا يزال=ودي أعبروا ذكر بعلمن له ذبيل
مسلمين وموْمنين ولنا مجد العلال=باتحاد الصف من منطق هذا القبيل
صفنا لله واحد ولا فينا اختلال=نعتمد بالله على الله ولافينا ذليل
نمتثل في سنة المصطفى حق أمتثال=من فروض ومن نوافل عمل صدقن وقيل
نهتدي بعز ما قيل واصدق ما يقال=حق قران من الله على الهادي نزيل
نرفع الآعلام فعلا قمم شم ابجبال=راية التوحيد عليا على طول الطويل
ديننا واحد ولا في ضمايرنا انحلال=الهدا يامر اخطانا على السبت الدليل
من سلفنا ياخلفنا ورثت أغلى مثال=شعب واحد صف واحد شتاته مستحيل
بالتفاهم والهمم والهدا والابتهال=و,بنقياداً للقياده ابعدلاً ما يميل
في بلد مكه وطيبه على عدل وعدال=اسمها تاجاً على روْوسنا ماله مثيل
راينا الشورى من الشرع عهداً مايزال=كل جهداً نبذله فيه ينتجله حصيل
نكتمل براي الاعصم والله الكمال=نهجنا شرع الهدا في الكثير وفي القليل
نصلح النيه ونقطع شراذيم الضلال=والبلاد نطهره عن أهل الكفر الصليل
في بلدنا ما للارهاب وأعوانه منال=نفني الارهاب بالنار والسيف الصقيل
في بلدنا من حجازك لشرقك للشمال=لاجنوبي نجد الاْمجاد والخير الفضيل
كلبونا دون حدك جنود للقتال=من نواك بشر نسقيه سم حنضليل
يابلدنا في قيادة أهل العوجا تنال=الرخا و الاْمن في حكم عدلن ما يعيل
حكم حكامن على العدل مافيهم خمال =ونقتدي باخوان نوره منجين الدخيل
حكمهم عدل وشرف ما نبي غيره بدال=في رحاب أطهر ثرى مانبي غيره بديل
جوها جنه وماءها قراهيدن زلال=وأرضها ينتج خصبها بساتين ونخيل
يالله المعبود ياذا الكرم ياذا الجلال=نطلبك واقبل دعانا ومطلبنا نبيل
عز حكام الوطن وأحمهم عن كل ضال=و ابقهم واعدل بهم كل وزن وكل ميل
وابق أبو فيصل ملكنا على عز وجلال=و انصره باخوان نوره وبالشعب الاْصيل
والسلام ختام واعداد ماهل الخيال=ختمها اصلي على الهادي الدليل

صح لسان الشاعر عبيد بن عيسى المسعري

وصح لسانك يابن هديهد وجعل يمناك ما يجيها العطب

على اختيارك وبارك الله فيك


اخوك


ابو عبد الله الشكري

المشاركة الأصلية كتبت بواسطة دغش البطي الأخ والشاعر ابن هديهد مرحباً مليار ×مليار بالرجال الأخيار لاجديد إلأ الأبداع ياابو ناصر كما عهدناك متميز في النقل والكتابات الجميله سلمت يمينك يالقرم على النقل الرائع وصح الله لسان الشاعر عبيد بن عيسى الدوس والحقيقه لقد تشرفت بسماعها من عبيد شخصياً واليوم أقرأها هنا قصيدة جزله وإبداع بلاحدود دمت بهذا التوهج والتفرد والأبداع محبك ومغليك : دغش بن بطي

الغالي ابو ناصر

صح الله السانك وعتلا شانك على هذى النقل الرائع

وعز الله عرفة تختار جعلك تحيى وتسلم

وصح الله السان الشاعر عبيد بن عيسى المسعري

وجعل من ارثك في الجنه يابوناصر

ونتظر جديدك يالغالي..

اخوك / فهد الغريري,,