هاظني ذيبً على عالـي النايـف قنـب=نقض جروح قديمه وقمت اعوي عـواه
شاعراً قوله جزيل وقافـه مـن ذهـب=ولاكتب بيتً استفد منـه رجـال قـراه
انت شاعر يا ابن سابر وبك حكمه ودب=قلت بيت لج في ظامـري قـوة صـداه
السلف كنه العطا فـي لوازيـم الوجـب=والرفيق بساعة الضيـق حـي الله نبـاه
عاش رجل لانصيتـه يرحبـك طـرب=يضحك احجاجه ويقضي لزوم اللي نصاه
عادته كسب المراجل وجده قـد كسـب=العلـوم الطيبـه والرجـل يظهـر نبـاه
الشجاع اليا عطـا للخسايـر ماحسـب=والردي لا من عطاء يلحق المنه عطـاه
ودي بحبلي وفاسي وبيع أمـن الحطـب=ولا طلب بخيل أيتمنـن ويلحقنـي غثـاه
والله ان بعض الرجاجيل فالشـده حـدب=لا بغيته فـي لـزومً تعـذر مـا قضـاه
فالرخاء كل يقـول انـه رجـال شنـب=ولا نصيته فالقساء ما سواله غزل شـاه
ذا ومثلـه مايـزوج لامـنـه خـطـب=مايزوج لو مالـه كمـا اجبـال السـراه
جعل يمنى ما تمـد المراجـل للعطـب=وجعل رجل يجحد الطيب نسمع في عزاه
والغني لا يامن الفقـر قـول قـد كتـب=وقل لبيت الفقـر لايأمـن تعـود الغنـاه