أنا براق شعري قمت أخيلة = رزيمة فكري وقافي مسيلة
تحدر ماطره من نو جاشي = وموضوع القصيدة في هميلة
سلام الله عليكم يالدواسر = من أصغركم ليا كبار القبيلة
سلامٍ صادقٍ من قلب صادق = ولا غير الشعر عنده وسيلة
تغنى في فعول أولاد زايد = على كل الطروق المستحيلة
لهم تاريخ مختوم بجزالة = ولزوم أسوق قافي بالجزيلة
أهل طيب وكرم جود وحمية = وأهل وقفات مايوجد مثيلة
طوال شبورها سقم الأعادي=كواسر لاعدوا فوق الأصيلة
لهم طبع الشجاعة والبتاعة =وتشهد لمعة سيوفٍ صقيلة
عراقة طيب وجدود ومبادي= ولامالوا على دروب الرذيلة
عليم الله ماقلته مجامل =ولادورت من قولي حصيلة
وأنا من قوم له مجد وفعايل= تعلى صيتهم فوق الطويلة
طنايا لابتي شمر جدودي =هل الطولات شعري ينحنيلة
أقدركم مثل تقدير ربعي =ولاقد تاه من عقلة دليلة
كتبت اليوم ماكنة ضميري =وتبقى في نظر عيني قليلة
ولكم مني سلامي وإعتذاري=إذا قصرت أو بالقاف ميلة

انا جمهور شعرى جا بخيله = وجماهير الشعر ماهى بخيله
تعرف الجزل من معنا الركاكه = وتعرف الفرض من غير النفيله
هلا يامرحبا كبر الجبالي = وكثر ماصب فحقوق المخيله
هلا يامرحبا ترحيب وافي = بعده البن معه الزنجبيله
هلا يالشمرى يابو الفعايل = ياراعى الطيب ياراعى الفضيله
مادام الطيب فى شمر معرب = تجى ياطراد وارده وكيله
هلابك عندنا ياطير شلوى = عميلٍ مابخس عملة عميله
نقدر من يقدرنا ونتعب = على فعلٍ ليا جانا يخيله
عن ربوعي الدواسر جيت نايب = رسول الطيب مثلك ينعنيله
على شمر قبيلتك الكريمه = نكن الود مااحدٍ يشيله
ربوعك مجدها فى نجد ضاهر = عوايدها على الجمله جليله
قبيلتك الزحازيح الاكارم = هل الطولات وسلومٍ جميله
لطم عايل وذبح الحيل فيكم =قبيله واشهد ان ماهى ذليله
هل الناموس واهل سيفٍ ومنسف = واهل تاريخ من يقدر يزيله
سكنتو نجد واستوطن حماكم=ونعمٍ فالفصايل والفصيله
تواريخٍ تلحقها دلايل =كما البستان وغصونه ضليله