::: مـنتدى قبيلـة الـدواسـر الـرسمي ::: - ما يوجع الرجال ويحس باله

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - ما يوجع الرجال ويحس باله (http://alduwaser.org/vb/showthread.php?t=30438)

ما يوجع الرجال ويحس باله

ااخواني اعضاء المنتدى الكرام يسعدني التواصل معكم مجدداً بهذه القصيده امل ان تحوز على اعجابكم جميعاً

ما يوجع الرجال ويحس باله=ويبحث خفا نفسه ويندم بما صار
يكون لامنه فعل له جماله=في عاقب يمين ٍ من الناس بوار
جا يشتكي لي من غرابيل حاله=متشتتٍ فكره بدعواه محتار
ووقفت له ميقاف طيب وشكاله=عن لازمه ما قمت ادور للاعذار
وردته الماء لين طالت حباله=وتيسرت دنياه من عقب الاعسار
ويوم اغتنى رداه ساقه بداله=نسى الجميل وقابل الطيب بنكار
فان قيل منهو قلت مالي وماله=خله عساها تنقطع منه الاذكار
غلطه وطافت واعتبرها جهاله=من يصنع المعروف في طافي النار
لكن انا حبيت اوجه رساله=لكل رجل طيبٍ عندي انذار
من كان يشقى بالجميل ومجاله=لا يبذره يكون فالناس الاخيار

وسلامة الجميع

رد: ما يوجع الرجال ويحس باله

من كان يشقى بالجميـل ومجالـه=لا يبذره يكـون فالنـاس الاخيـار

هالله هالله

عز الله قصيدة جزله

و هذا ما نراه في هذي الايام

نسوي المعروف والجميل في شخص ولامن واجهناه كنه ما يعرفنا حتى السلام ما هوب يسلم

هذي حال الدنيا

صح لسانك يابن محسن

آخر بيت يسوا له قصيده

و لاهيب مستغربه منك القصايد الجزله

تحياااااااااااااااتي

رد: ما يوجع الرجال ويحس باله

صح لسانك يابو محسن ولاهوب غريب عليك الجزالة ولا العلم الغانم

قصيدة جزلة وتعالج موضوع مهم

تقبل ودي وتقديري ،،

رد: ما يوجع الرجال ويحس باله

محمد بن محسن ابدعت في هذاه الابيات الجميله

ولا تقطعنا يالذيب

تحياتي

ولد ودعان

رد: ما يوجع الرجال ويحس باله

صح اللسانك واعتلا شانك ورفع الله مقدارك

ابيات جزله من راس جزل

اخوكـ / ابو زيــــد

رد: ما يوجع الرجال ويحس باله

من كان يشقى بالجميـل ومجالـه=لا يبذره يكون فالنـاس الاخيـار

صح الله لسانك ياذيبان ولكن لاتحسف وانا اخوك مايتحسف الا من فعل العلم الردي تكرم انت ومن يسمع ويقرا كلامي

رد: ما يوجع الرجال ويحس باله

صح اللســـــــــا نك

وبيض الله وجهك على هذه القصيده الرائعه

ت ح ي ا ت ي

رد: ما يوجع الرجال ويحس باله

صح اللســـــــــا نك

وبيض الله وجهك على هذه القصيده الرائعه

رد: ما يوجع الرجال ويحس باله

الشاعر العزيز والاخ الكريم ابو محسن

" محمد بن محسن بن حشفل"

الله يصح السانك ويعلي شانك ويزودك من زوايد فضله

وافي جعلك تحيى في قصيدك التي تمتلي من العبر والحكم

لله درك على مارسمت لنا في هذه اللوحة نيره

وعسى الله يزين احول المسلمين

وتقبل مني فائق التقدير والاحترام

اخوك /فهد الغريري,,,

رد: ما يوجع الرجال ويحس باله


	بسم الله الرحمن الرحيم جا يشتكي لي من غرابيـل حالـه=متشتـتٍ فكـره بدعـواه محتـار ووقفت له ميقاف طيـب وشكالـه=عن لازمه ما قمت ادور للاعـذار قولٍ وفعل يابو محسن عسى عودٍ جابك فالجنة الشاهد الله إن هذي طبايع الطيبين يقول الشاعر سعد بن جدلان:- والا ليامنـه رمعـنـي روامـيـع=وضاقت علي كل الفجوج الوساعي جيته ويسر لي عسير المواضيـع=وخلا خفايا خاطري لـه وساعـي معرفته ماهـي معرفـة طماميـع=ماتنتج إلا الغطرسـه والضياعـي لكن المصيبة عندما يضيع مابذل من الجهد أو الوقت أو المال بل المصيبة الكبرى عندما يأتيك الضرر من ذلك الشخص الذي حويته بجهدك أو مالك أو وقتك. هناك رواية لأعلم عن مدى صحتها و هي أن قوماً خرجوا إلى الصيد ، و بينما هم في عرض الصحراء إذ خرجت عليهم ضبع ، فطاردوها فهربت منهم حتى دخلت إلى خباء أعرابي فخرج إليهم الأعرابي وقال: ما شأنكم؟ فقالوا: صيدنا وطريدتنا ، فقال: كلا والذي نفسي بيده لا تصلون اليها ما ثبت سيفي بيدي ، ومن أخلاق العرب أنهم إذا استجار بهم أحد لا يخذلونه ، فرجع الصيادون وتركوه فقام الأعرابي الى شاة عنده فحلبها و قربه إلى الضبع و قرب إليها إناء ماء فأقبلت تشرب مرة من هذا ومرة من ذاك حتى ارتوت واستراحت وعادت لها الحياة و نامت فبينما الأعرابي نائم في جوف الليل إذ وثبت عليه فبقرت بطنه وشربت دمه واكلت لحمه ثم تركته فجاء ابن عم له يزوره في الصباح و إذ به مجندل وقد بُقر بطنه و أُكِل قلبه فالتفت إلى موضع الضبع فلم يرها فقال: هي والله التي أجارها بالأمس ، فأخذ قوسه وكنانته وتبعها فلم يزل يبحث عنها حتى أدركها فقتلها ثم بكى على ابن عمه عند جثتها وانشأ يقول: ومن يصنع المعروف في غير أهله = يلاقي ما لاقى مجير أم عامر (أم عامر كنية للضبع) وردته الماء ليـن طالـت حبالـه=وتيسرت دنياه من عقب الاعسـار ويوم اغتنـى رداه ساقـه بدالـه=نسى الجميل وقابل الطيب بنكـار صح السانك يابو محـــــسن عاداتك ما تنتج الإ سمين ذكرتني هذه الأبيات بأبيات للشاعر الكبير / سعد بن جدلان:- من نفعة اللي ما طلبنـي منافيـع=جميلة(ن)في غير اهلهـا ضياعـي في اسواقها ماعاد لشري ولا ابيـع=لخطيت من رفقة طويـل الذراعـي أو كما قال زهير بن أبي سلمى:- ومن يصنع المعروف في غير أهله= يكن حمده ذما عليه ويندم أو ماقاله أبو الطيب - : إذا أنت أكرمت الكريم ملكته=وإن أنت أكرمت اللئيم تمردا أو ماقاله الشريف الرضي : إن الأفاعي وإن لانت ملامسها=عند التقلب في أنيابها العطب *بل إن أصدق الكلام كلام الله عز وجــــل "هل جزاء الإحسان إلا الإحسان"* من كان يشقى بالجميل ومجاله= لا يبذره يكون فالناس الأخيار شكراً أبا محسن على هالجزاله المعلم مايكفي بتعليم الدروس= كود دورات الليالي وبعض دروسها و أختم ردي بإن الناس ليسوا بسواء اللي على الرفقه يسوقـه دوافيـع=هـذاك تشـرى رفقتـه ماتباعـي امايشجعني على الطيـب تشجيـع=والا يعلمنـي حميـد المسـاعـي


	تقبل تحياتي وتقديري وإحترامي لشخصك أخـــــــــوك / إبن شـــــــامـــــــــان

رد: ما يوجع الرجال ويحس باله

فان قيل منهو قلت مالـي ومالـه=خله عساها تنقطـع منـه الاذكـار
غلطه وطافت واعتبرهـا جهالـه=من يصنع المعروف في طافي النار

صح لسانك وبيض الله وجهك علي القصيده الطيبه

رد: ما يوجع الرجال ويحس باله

صح اللسانك وبيض الله وجهك

رد: ما يوجع الرجال ويحس باله

محمد بن محسن بيض الله وجهك على فعل الطيب والقصيدة جزله يابو محسن وكلامك درر وحكم

رد: ما يوجع الرجال ويحس باله

من كان يشقى بالجميل ومجاله
لا يبذره يكون فالناس الاخيار

الله واكبر

ابو محسن

استاذ من اساتذة الشعر

صح لسانك

سجل اعجابي

أخوك

رد: ما يوجع الرجال ويحس باله

الاخوان الذين قاموا بالتعقيب اشكركم على ما قدمتوا من مشاعر فياضه تجاه هذه القصيده الله يبيض وجيهكم جميعاً

رد: ما يوجع الرجال ويحس باله

غلطه وطافت واعتبرهـا جهالـه=من يصنع المعروف في طافي النار
لكن انـا حبيـت اوجـه رسالـه=لكل رجل طيـبٍ عنـدي انـذار

الله الله عليك يابومحسن
صح لسانك واعتلى شانك ياكحيلان عز الله انك جبتها
شاعر ومبدع وقرم وش بقيت للناس
تقبل مني الاعجاب وفائق الاحترام والتقدير

رد: ما يوجع الرجال ويحس باله

ويوم اغتنـى رداه ساقـه بدالـه
نسى الجميل وقابل الطيب بنكـار

فان قيل منهو قلت مالـي ومالـه
خله عساها تنقطع منـه الاذكـار

غلطه وطافت واعتبرهـا جهالـه
من يصنع المعروف في طافي النار

الشاعر الكبير / محمد بن محسن بن حشفل الخضراني
صح الله لسانك وبيض الله وجهك وافي وجزل ياشاعر الجزاله والحكمه
شهادتي فيك مجروحه وعزالله انك جبت الزبده وماقل دل

أخوك/محمد بن سالم

رد: ما يوجع الرجال ويحس باله

صح اللســـــــــا نك

وبيض الله وجهك على هذه القصيده الرائعه

رد: ما يوجع الرجال ويحس باله

غـلـطه وطـافت واعـتـبرهـا جـهـالـه
ومن يصنع المعروف في طافي النار

صح الله لسانك يابن محسن ولاهان منطوووقك
وعزالله قصيدة" فيها من الجزالة اوفاها..
وابعد الله عنا من يقهر الرجال ومن يبدي الشر
لمن احسن اليه,,,
وكفيت ووفيت اخوي محمد..إجلّ همك.. وانا اخوك
سعدت بالمرور المتواضع تقبله لاهنت..

رد: ما يوجع الرجال ويحس باله

صح لسانك يابو محسن وش اذكر وش اخلي كل بيت يكفي عن قصيدة وكل بيت حكمة يجب ان توضع بعين الاعتبار كفيت ووفيت

رد: ما يوجع الرجال ويحس باله

صح السانك اخوي محمد وبيض الله وجهك على القصيده الجزله

تقبل تقديري واحترامي

رد: ما يوجع الرجال ويحس باله

فان قيل منهو قلت مالي وماله=خله عساها تنقطع منه الاذكار

غلطه وطافت واعتبرها جهاله=من يصنع المعروف في طافي النار

لكن انا حبيت اوجه رساله=لكل رجل طيبٍ عندي انذار

من كان يشقى بالجميل ومجاله=لا يبذره يكون فالناس الاخيار

أخوي / محمد بن محسن
شاعر جزل وقصيدتك جزله
والقصيده إذا كانت نتيجة تجربه يكون لها أثر في القارئ
صح لسانك ياشاعر

رد: ما يوجع الرجال ويحس باله

صح السانك

مبدع وعملاق شعري

كل التقدير

رد: ما يوجع الرجال ويحس باله

**

اي والله ماينفع المعروف في طافي النار
الاخ القدير محمد بن محسن / ابدعت ابدعت بهالنص الثري
نتمنى نرى جديك بين صفحات منتدى قبيلتك
فالك التوفيق دوم