سلام ياربعٍ تعزون جاركم = وقصيركم في الدار ماينضام
دواسرٍ يشكي العدو من ضدكم = وافعولكم في السابقات إقدام
دواسر أدوا جارهم من جدارهم = أقول قولٍ ماعليه إكتام
ولعل غمرٍ قاصرٍ عن ربعه = تظفي عليه المحصنات هدام

تخطي علي وأستسمحك وآترجاك = ضعفي هواك وفطنتك ماتخونك
المشكل أني كل ماجيت أبنساك = فكرت نفسي كيف ترتاح دونك
وما أظن لا هذا ولاذا ولاذاك = واللي سمعت بذكره يعوضونك
تدرأني أعشق فيك كامل سجاياك = زينك وشينك في قساك وليونك
وأني متيم في محاسن محياك = وتعرف علي وشلون سلطة عيونك
تآمر علي من موقها الموت هذاك = وأطاوع أمره قبل ترمش جفونك
رديت قلبي عنك لاشك هو جاك = وجيتك معه راضي بمقبل طعونك
أرجع وأقول أهواك وأهواك وأهواك = وبكيفك تعذب ولكن بهونك

من لا يقـدر خوتـك لا تخاويـه=خله ترا فرقـاه تسـوى وجـوده
واقطع على نفسك وعد ماتماشيه=ولا خير فى من لا يوفى وعـوده
ومن باعنى بعته ولانى بشاريـه=ولانى بسأل فيـه نقصـه وزوده
لاشفت لك رجال له عـدة وجيـه=ادفن علـى عـده وصـدر وروده
ترا الرجال افعال والعلـم توجيـه=والبيـت مايبنـى بليـا عمـوده
عليك بالى سمعتـه كنهـا جنيـه=وراث قولة نعم مـن راس عـوده
ولا هو على الميله تسابق خطاويه=وبدقة التفصيـل يعـرف حـدوده

المشاركة الأصلية كتبت بواسطة فهد مبارك الودعاني (المشاركة 348138) أخوي المهلب لأهنت على الطرح القيم بس يأخوي وين أسجل خروجي من المنتدى وكلاً زعلان وبينه من قصايدهـ اللي : زعلان ولأ يدور خويه ولآ خانته الرفقه ولأ ...... إلخ سجلو خروجكم بضحكـ بشيئ يسلي علشان يجي الواحد له نفس بالخروج وهو مستانس :d5: :15: <<=== وش رأييكم فيني ذكي( الأ رح أرقد اصرفلكـ أنت وذكائكـ الخارق) :23: لـكـم كـل الأحـتـرام و الـتـقـديـر.

أمس الضحى في تالي الليل ونيت = ونة مريضٍ مابه إلا العوافي .

إذا لم تكن لك في الأمور عزيمةٌ = فأعلم أن ماعندك ماعند جدتي

على طاري صباح الورد, وإسمك, والحـلا والـذوق=ذكرتك يـا أجمـل أحلامـي , بقافـي واستهليتـه
على درب القصيد أسوق , قلبي والخطـاوي شـوق=وإذا مالت بـي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام عـذوق=ويقطف بالغلا فيني , غـرامـ(ن) خنـت وأخفيتـه
أحبك كثر ما يشعل , غرامك فـي حشـاي حـروق=وشبٌه زود لو يحرق , ضلوعي مـت مـا اطفيتـه
أحبك دمعتـ(ن) طاحت , على خد الصباح اشـروق=يموت النور لـو طاحـت , علـى كفـي وضميتـه
أحبك , إيه أحب إسمك .وأمـوت بجيـدك المنتـوق=و تخيل كثـر مـا أكـره صـدودك , قمـت حبيتـه
تموت من البطا غيمه , طعنها مـن جفـاك بـروق=وغشى روض الحشا وسمي , جفافك وإنت ما ارويته
رحلت , وما بقى منك سواك إنت , و عنـا مفهـوق=عنـا ذاك الربيـع اللـي , غشانـي مـا تمنيـتـه
تعال , إجرح على كيفك , تربـع واستحـل عـروق=تدلـل والبسـاط أحمـد , وأنـا لرضـاك مديـتـه
قم إسهج لآخر ضلوعـي, تغلغـل داخلـي برفـوق=حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غـدا لـه ذوق=ومن اللي كتـب باسمـك قصيـده وانكسـر بيتـه
وربي , من كتبت إسمـك وبروزتـه بقلبـي فـوق=وأنـا مـا دار فـي بالـي , قصيـد مـا تحاليتـه
دخيل الدمعتين اللي, غـدت منهـا الخـدود شقـوق=ترفق سامحك ربي , علـى قلـب(ن) لـك أهديتـه
إذا لك حق في قلبي , فأنا لي فـي غـلاك حقـوق=و حقوق الشوق محفوظـة , وحـدي مـا تعديتـه

والله يامن صد عني ونا أشوف = اني عنه لاصد لوكان غالي
واشيل حبه من ضميري على الكوف= وارميه مع طفة طويل وعالي
ولانيب في طرد المقفين مكلوف= لو كان تفرش لرض عندي زوالي
ولانيب من شنصه مع الناس معيوف= القاء وهو يلقى رفيق بدالي
لاصار عندي مابذر لو معروف= وشلون اصافي واحد ماصفالي