|
اكتب اسم شاعر واللي بعدك يكتب قصيده له
السلام عليكم ورحمة الله وبركاته اسعد الله اوقاتكم بكل خير المطلوب ان تكتب اسم شاعر واللي بعدك يكتب قصيده لهذا الشاعر ويكتب اسم شاعر اخر ليقوم اللي بعد بذكر قصيده للهذا الشاعر ويكتب اسم شاعر اخر وهكذا وانا ابداء بها الشاعر المطلوووب:- الامير الشاعر خالد الفيصل " " " " |
رد: اكتب اسم شاعر واللي بعدك يكتب قصيده له
فكره رائعه لتناقل القصائد المتميّزة يافيصل !!
احسنت ياشيخ في كتابة هذا الموضوع !! ونأمل من الاعضاء المشاركه هنا !! وهذي قصيدة للشاعر الامير خالد الفيصل :
تقول تنساني على البعد وقول=ماهيب لي ياصافي الود عادة حاشى لهيب الوجد يبرد على طول=مثل الجمر وقاد حدر الرمادة لوغبت عن عيني بك القلب مشغول=ياواحد قلبي له الحب قادة لك منزل بالقلب ماهوب منقول=لا والذي زينك على الناس زادة أرسل مع النجمات با الشوق مرسول=حتى غدت نجمات شوقي قلادة عود يعود المر لا جيت معسول=والقلب يلقى ياحبيبي مرادة والشاعر المطلوب ( عبدالعزيز ابن الشيخ البدراني ). ولكم جزيل الشكر :) |
رد: اكتب اسم شاعر واللي بعدك يكتب قصيده له
مااعرف الشاعر للاسف
طيب الشاعر سالم جخير |
رد: اكتب اسم شاعر واللي بعدك يكتب قصيده له
للشاعر سالم بن جخير
الليله اللـي بدايتهـا قصيـد وطـرب=تكاشـف ابروقهـا لاحنّـت ارعودهـا هيهات هيهات واللي مايطـول العنـب=يشره على شجر ِته لو طال عنقودهـا والجادل اللي تفاخر بالحسب والنسـب=وشلون ماتفتخـر لاعـدّت اجدودهـا كنت احسِب الدم ياصل دونها للركـب=إليـن ساقتنـي الاقـدار لحـدودهـا امهايطيـه ولاتهتـم فطلـق شـنـب=لسترسلت فالحكـي ياحـي مارودهـا من صوتها العذب تطعني بليّـا سبـب=وانـا ا تحمّـل خناجرهـا وبارودهـا الا على طاري الطعنات لبّـى الهـدب=لبيه لبيـه لامـن سلهمـت سودهـا قالت عشا قلت مستعجل وقالت شبـب=هي فاهمتني وانـا فاهـم لمقصودهـا دخلت في ربعـةٍ فيهـا ادلال ومشـب=وصبّت من الدله اللـي فايـعٍ عودهـا (لبى العرب) ياحليب الذود لبى العـرب=من يوم قالت تعـال وبهّلـت ذودهـا انا اشهد انها على ماقيل عـز الطلـب=واحترت مابيـن حِقتهـا ومفرودهـا لاجيت اوصّف وش اوصّف ويا للعجب=الليل فجعودهـا والصبـح فخدودهـا والله ماكن فيهـا اعظـام ولا عَصَـب=عزاه لامـن تثنّـت وانثنـى عودهـا وانا انتحاري على الفطره واحب النشب=والبنت من جودها حصّلـت ماجودهـا لمحـت فعيونهـا كـلام كلّـه عتـب=سئلتها ليـش لكـن كـان مردودهـا قالت سلمنا ولكِنهـا سلامـة عطـب=والله يستـر مـن العالـم ومنقودهـا ليله وعدت ولادري كيف طاح الحطـب=ان باحت اسدودها ماباحـت اسدودهـا والله لو قيل عدها واخذ وزنـك ذهـب=والله ماعـودهـا والله مـاعـودهـا
|
رد: اكتب اسم شاعر واللي بعدك يكتب قصيده له
الله أقوى غدا شوفك سراب كيف أبا أروي حنيني .. بالظما يا ممنى حياتي .. بالسحاب وين غيث المحبه .. ما هما اجدبت بالحشا أرض العذاب واشتكت من تجافيك السما كيف ترضى عليّ .. طول الغياب وانت حبك جرى مجرى الدما يا حبيبي ذوى قلبي وذاب من عذابــه وبيح ما كما وعل عينٍ .. رضت فيك العتاب تشتكي بعد نوره مـ العمَ اللي بعدي ضيدان ابن قضعان |
رد: اكتب اسم شاعر واللي بعدك يكتب قصيده له
|
رد: اكتب اسم شاعر واللي بعدك يكتب قصيده له
( اصعب سؤال ) اللي جوابه للأسف مثله ( سؤال ) !! ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكـرك ذيـك الليـال ؟ ) كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محـال !! لكنها صارت كذا ! واللي (( اهـم )) انـي دريـت : ان الحيـاه فبعـد احبـابـك اذا جــف الـوصـال اتعيشها لو تقتنع انك خـلااص اصبحـت ( ميـت !!) يا صاحبـي لـو كـل شـي يمـر بالخاطـر يقـال مـا كانـت العبـره تولجنـي اليامنـك طـريـت ؟! شفني قدرت احبس دموعي بس ( دمع القاف ) سـال ويا كبرها ساكت ولكـن داخـل اوراقـي بكيـت !! عمر الحكي ما كـان دافـي لاابتـدى بقولـة تعـال لجل اتجاهـل رجفـة حروفـي اليامنـي حكيـت .. الحـال فـي بعـدك قسـم بالله مـا اسميـه حــال انوي على الضحكه واحس كلي خطا لانـي نويـت ؟! اتصور انك مـن رحلـت اشوفـك لجسمـي ظـلال لا شفته امشي ببتعد واثـره معـي مهمـا مشيـت !! مـدام يعنـي فـي بحـرك لفرحتـي مليـون جـال وش فيه موجك ما ركد ؟ قربت اموووت وما رسيت .. يرضيك ما عـادت معـي تفـرق اذا جالـك مجـال لاني اقتنعت انك نهايه وانـي ببطـي مـا بديـت !! صرت ( اعقد حجاجي ) اذا جابوك باطراف الجـدال وانا قبل لاقالوا اسمـك كنـي : ميـت ثـم حييـت!؟ تعبـت اعيـش الـدور وافتـح للمعاذيـر الخـيـال واتخيل انـي جيـت فـي بالـك وبانـك استحيـت!! وتردلي كلك (( وله )) وتقول : ( كن البعد طـال ؟ ) ومن الفرح ما عاتبك واقول : ( ياخـي مابغيـت !! ) حتى وانـا تخيـل حشمتـك ! لـن قلبـي لا يـزال يكرر اسمـك داخـل اعماقـي بنبضـه لا سهيـت.. قلي شسوي فيـك ؟ وانـت بداخلـي اصـدق مثـال للحب واحساس القصيد ان عانـق الليـل وسريـت.. ربـي يصبرنـي علـى الفرقـا مـدام الحـظ مـال وانت بيجيلك يوم تعرف ليـه فـي بعـدك شكيـت !! واذا بـلاك الله وعذبـك اشتياقـك (( بـس تعـال )) واقرى القصايد في غيابـك كلبوهـا بيـت ... بيـت بتدرى ان ( اصعب سؤال ) اللي يجي رده ( سـؤال ) لا قلتلي ( وش ذكرك ؟ ) ثم قلتلك ( متى نسيـت ؟ ) الشاعر ناصر الفراعنه |
رد: اكتب اسم شاعر واللي بعدك يكتب قصيده له
--------------------------------------------------------------------------------
بسمك اللهم منزل سورة الاحقاف والاعراف منزل(ن) (قاف)(كاف,ها,يا,عين,صاد)"=..."عالم سر العباد ومهلك فرعون ذو الاوتاد عاد هل ارم ذات العمادومن بنوا صخرا بواد جيت لا حي ولاني ميت بين اقبلت بين اقفيت احط البيت تلو البيت واشد القياد"=..."جيت للحفل اعدي شهلول هملول بردي قامت يدي تصفق يدي طبعي لجيت ابغى القصيد جيت من ظلما قبر بالحفل ما جاني خبر لعيون امير من ملوك اهل الوبر واهل المدر"=.."ما زهمني غير بدر الشمري في الخامسة عصرا وجيت اجري جري بامر العزيز المقتدر جيت خيروجيت شر سر ضر وحلو مر وبين كر وبين فر انفذ الايعاز الى اليمين در"=..."في مثل لمح البصر جيت العصر في حفل ابن خالد حفيد القائد الوالد ولا نعم الحفيد فيصل فيصل سمي السيف راع الكيف ريف الضيف برد صيف هيف هيف ليس زيف"=.."من هل المجد الأبي العود منهم والصبي مرملة سود العبي نزالة القفر المخيف فوق قين وفوق خف وكل كف فوق كف الصف تلو الصف لين اشتف من شف شفيف"=..."يوم تصرخ نارها هل من مزيدمسلسلينه بالحديد احمر وريد وكل شيطان مريد في سباق اليوم شفت الخيل خضب ليل راس وذيل قوم وقوم ما بين النيازك والنجوم"=.."يا رمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم كن تتابع حمرها مع شقرها جيش من الرومان قابل من غزاة الترك قوم"=.."وشفت منها اشقر تقل مشروب خولاني اشقر صخرة في راس عنقر بل وذو عزم شديد ضوح سيالته فوقه مثل نار الموبذان او دير راهب ولعوا به شمعدان ويش اقول"...="والله يا لولا الرسن فوقه يحوفه يا نهار ارخى كتوفه ما تشوفه من عيونك عين طول ما تقول الا شعاع الشمس في وقت الاصيل او سندس في جوف ليل مرصع جوهر ولول"=.."اسمه المرسول كنه بموية التبر مغسول اليا صهل كنه يقول:انا هنا الغوج الوحيد يقفي قفاية جبان ويقبل قبالة شجاع وكن ساقه في سياقه من مساقه صولجان"=.."لا عقاب ولا حمامة لا قطاة ولا نعامة مثل ابو زيد سلامة لاانتهض وسط المكان لا تنشر ما تقول الا رسول جا يبشر كن سرجه فوق مرجه حول درجه طيلسان"=.."جرته يوم اتتبع لا مثلث لا مربع كالخديوي متربع فوقه الجوكي مهيد لا تعصب ثم تنصب ما تقول الا مقصب تاج كسرى ما تغصب عرض طول وطول عرض"...="فزته فزة قريص مونس بالساق لسعة في سباق النخبة التسعة يرى ان الفوز فرض كن تفتاله تفتل روس رهبان تبتل ركزته حافر وحافر زلزلت في كل ارض"..="تقل لا طوف حصان يقول له :هاه!اقتنعت اوكيه ثاني مرة اعرف قيمتك علم وكيد الله اكبر والله اكبر تصغر القالة وتكبر يكسر العايب ويجبر يا بدر علم بدر"="الله اكبر والله اكبريقبل العايل ويدبر يبتلى المسلم ويصبر كل فوق له حدر شاعر ضابط مظلي مهندس ملي بملي اعبد المولى واصلي ولا طلبت الجن در"="جت بي امي في رماده وارضعتني في حماده يا نمير بن(ا)عباده جدي الشاعر لبيد من وانا حي نسوني وفي عباتي كفنوني هل اذا مت اذكروني لا ورب العاديات"...="لا ورب العاديات الضبح رب النازعات الغرق رب الناشطات النشط رب السابقات والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيات"...="مير اشغلني الزمان وضرب أنس عند جان وعشرة راحت ثمان وصرف عباد عبيد شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)"....="من خلق ما شال هم الا ثنين ابا وأم الموت عنهم بعد (كم)ورضاهم اقصى مطلبي ولا هالدنيا متاع فرحتين ثم وداع القبر باع في ذراع ولا جهله الا غبي"...="نفخ صور ثم نشور من قبور ثم سعادة او دبور المسعد اللي ذالك اليوم(ا) سعيد |
رد: اكتب اسم شاعر واللي بعدك يكتب قصيده له
محمد بن الذيب
|
رد: اكتب اسم شاعر واللي بعدك يكتب قصيده له
ياهل الدوحه نصيحة كان رحتوا للكويت =جنبوا عن سوق شرق حسبنا الله وعلاه فيه بنت الهاص طاغية على بنت السبيت =وان لقاها شيبة الديمن تعثر في عصاه من هنوف حبها قفى عليَ وما دريت =حطني في وجهة المدفع ولقاني قفاه اتصل بارك الله فيك لا منك فضيت =والجهاز اللي تنادي لي معه عطني نداه ذا كلامك يوم اسمِّعك القصايد بيت بيت =في الصميم وكل بيت ازين من اللي وراه الله اكبر يوم وكدت لي الوعد وضويت جيت =من تولن وبديتتك على وادي المياه
|
رد: اكتب اسم شاعر واللي بعدك يكتب قصيده له
كفو هي مالها إلا واحد ٍ مثلك شديد الباس =الى ضاقت على الحر الكريم وخانت ظروفه كفو من اول إحدود الامل لأخر حدود الياس = ولابه باس دام أنك هناك .. ولك بها شوفه أبو نواف أبو كل النوايف رافعات الراس =ولد عبد العزيز اللي حياته كانت حتوفه طلال وقبل احدّر حاجتي يرقى لها قرناس = كثر عرفه بجهلي شفت أنا جهله بمعروفه جلس مثل الرضا في قلب من صلى العشا بنعاس =وقف مثل العفوهو فيه مثله ساعة وقوفه عزيز في الحياة ليا صمد ماكن فيه احساس = ذليل ٍ فالصلاة اليا سجد ماقام من خوفه ! وش إكتب يالقلم يالمحبره يالليل يالقرطاس =تعّزبت المعاني والمعاني كانت ضيوووفه كفو ماهي (كفو) اللي صارت لحي الله من الناس =كفو للي كفو لو كملوها صارت كفوفه المطلوب الشاعر مرشد البذال |
رد: اكتب اسم شاعر واللي بعدك يكتب قصيده له
يالله يارب الضعوف المساكيــن
اللي لك المخلوق يحسن صلاتـه تستر على غوشن صغارن مكفين أكبرهم العارف دليله عصاتــه لا يا عيالي كلبوكم حبيبيــــن عندي وعند الناس كلن وذاتــه عندي غلاكم يدفن الزين والشيـن وعند العرب كلن تشاف اخملاتـه يا عبيد أنا خابرك ورعن لهالحيـن داوي بغبات الجهل وظلماتـــه لاشك علمي لك محبه وتفطيــن تسمع الوالد وثبت وصاتــــه وصاة مخلوقن يعرف القوانــين مافاة عمره بالجهل والهياتـــه يا عبيد انا أوصيك مني بثنتــين ثنتين هن سؤ البشر وحسناتـــه أوصيك لاتبحث سدود المغيبــين ولاتجهر اللي غارقن بغفلاتـــه ترى النميمه تمحق الرزق والديـن والمنزل العالي تهدم اطبقاتـــه لاتحسبن أهل الظليمه بخيتـــين كلن يوافق ما عمل في وفاتـــه وانذرك عن حق الضعيف المسيكين اللي على حقه يهل اعبراتــــه ترى الضعيف الليا غدى الليل ليلين يدعي وعند الله توافق ادعاتـــه الظلم فان الظلم يفنى السلاطيــن ياويل راعي الظلم من مقبلاتــه وانذرك عن ربعة رخو من هياسين اللي سوالفهم بوده وهاتــــــه ويا عبيد الأقشر لوصفا لك نهاريـن نهار ثالث جاك يرفع عصاتـــه والله عندي ربعة الناس الأقصيــن ولا صديقا يبلشك في حياتـــــه ترى الرجال ابهم فهود وحياويــن جاك الكلام اللي صحيحا ثباتـــه ان كان ما تدري ترى الناس درايـن الرجل مدحه بالمجالس طراتــــه رجلن تعلق به رجالــــن مسمين عز الرفيق ولابته والحماتـــــه ورجلن تشوفه جسم وعيون ويديــن ولولا الشعر ما تفرقه من خواتـــه كم واحد بالبيت يضرب بسيفيـــن وأن جاء حزم كلاب قبع عبادتـــه والحلم عن الغيض ينجي الشياطــين يكفيك شر إبليس هو و دحراتـــه الشاعر/لبنان الدوسري |
رد: اكتب اسم شاعر واللي بعدك يكتب قصيده له
"لبنان" عيبٍ مانظمته وتلقيه = اجرمت يا "لبنان" في نظمك القاف كصايدك صعبٍ علينا نغنية = حتى تصير القاف في نطقها كاف "لجنة"خبيرة من عجبنا نزكية= كل واحدٍ منّا يشرشح ولا خاف كيفي ونفذ كل شيٍ وسويه= ورفعة عقالي كل شخصٍ لها شاف ماهمني ماقيل في ذمتي هيه = حنّا اتفقنا نجعل الشعر ينعاف يالجنة المليون ذالنقد صفيه= نقدٍ بلا معنى ترى منطقه جاف "يافاقدة" ذا النقد تكفين خليه=ماظن فاقد يصبح اليوم صرّاف "الذيب" خلاكم وهذي حراويه= انا اشهد انه"ذيب"للمهزلة عاف "لبنان"واجب كل شاعر ايحيه=انصاف يبغي منكم اليوم انصاف "لبنان" شاعر وافياتٍ معانيه= حتى ولو صابه من اللجنة اجحاف
|
رد: اكتب اسم شاعر واللي بعدك يكتب قصيده له
قصيدة هنا العراق الشاعر : الأمير عبد الرحمن بن مساعد هُنَا العراقْ .. في كل ركنٍ .. حُرةٌّ تُسْبَى .. وطفلٌ مُقعَدٌ .. ودمٌ يُراق ْ.. هُنَا العراقْ .. في كل بيتٍ .. والدٌ يبكي .. وأمٌّ تشتكي .. ضَيْمَ الفراقْ .. هُنَا العراقْ .. هُنَا الأرضُ التّي .. أعداءُها اغْتَصَبوا .. وقبلَهُمُ الرفاقْ .. هُنَا الخيرُ العميمُ .. المستديم ُ .. هُنَا الشعبُ الفقيرُ .. المستجيرُ .. هُنَا الحضارةُ .. والمنارةُ .. والمهارةُ .. والتطرُّفُ في الولاءِ .. وفي النفاقْ .. هُنَا الطغاةُ على مَدى الأيام سادوا .. هُنَا الغزاة على مَدى التاريخ بادوا .. اليوم عادوا .. عانِقوهم .. بشِّـروهم .. هاهنا سيُقتَلون .. ويُخْنقون .. من العِناق .. هُنَا العراقْ .. هُنَا الأمطارُ .. والأنهارُ .. والأشعارُ .. هُنَا الأفكارُ .. والأذكارُ .. والأقمارُ هُنَا الكرامةُ .. والدناءة ُ .. والمودةُ .. والتنافرُ ..والشقاقْ .. هُنَا العراق .. هُنَا الغناءْ .. هُنَا البكاءْ .. وكربلاءْ .. هُنَا الأحباب ْ .. هُنَا زريابْ .. هُنَا السيّابْ .. هُنَا الحجَّاج .. هُنَا هارون .. ماأدراكَ ما هارون .. ! هُنَا المأمون .. هُنَا النوّاسُ .. من غيٍّ أَفَاقْ .. هُنَا العراقْ .. هُنَا البعث ُ .. هُنَا العَبثُ .. هُنَا الأصنامْ .. هُنَا الأزلامْ .. هُنَا صـدّامْ .. هُنَا الأقدامْ .. تدوسُ تِمثَال الزّعيمِ .. بِلا اتفّــاقْ .. هُنَا العراقْ .. هُنَا بداياتُ الحضاراتِ الأبيّة .. هُنَا نهاياتُ الشعاراتِ الغبيّة .. هُنَا الثرواتُ تنسى الأغلبيّة .. هُنَا الضَّحِكَاتُ من شرَّ البليّة .. هُنَا الجيوشُ لأيِّ معركةٍ تُسَـاق .. هُنَا جثمانُ أمتََّنا المجيدة .. هُنَا دُفِنت مآثُرنا التليدة .. هُنَا أمجادُ أمريكا الجديدة .. هُنَا صار الخليجُ على الحديدة .. ! هُنَا ذابَت بلادٌ .. ذات يومٍ .. إسمها كـان العـــراقْ المطلوب الشاعر محمد عبدالله العوني |
رد: اكتب اسم شاعر واللي بعدك يكتب قصيده له
قصيدة الخلوج الشهيره للعوني
خلوج تجذ القلب باتلى عوالها =تكسر بعبرات ٍ تحطم سلالها تهيض مفجوع الضمير بحسها =الى طوحت حسه تزايد هجالها له قلت أنا يا ناق كفى عن البكا=لا تبحثين النفس عما جرى لها لا تفجعين البال بالله هودّى =ولى خلوج ٍخبث البين بالها تبكين فرقا بكرة ٍشدة العرب =ضاعت يمين البوش والا شمالها تجيك يا ناق الخطا أو تجينها =وان كان ضاعت لك بديل بدالها لكن أنا اليوم ما تنعد مصاوبى =ولا علتي تبرا ولا ينشكى لها فلو البكا يا ناق عنى يحلها =بكيت بيض أيامها مع ليالها ولو البكا يا ناق يرجع لغايب =بكيت لين العين ييبس ثمالها وابكى على الا ثنين ما ذعذع الهوا =مدى الدهر لين النفس تلحق زوالها وابكى على ما صاب نفسى وما جرى =وابكى على فتخان الايدي زلالها وابكى على دار ربينا بربعها =معلوم خشم الرعن من شمالها ومن شرق طعسين الأرخم تحدها =بين اللوى والسر ما اطيب سهالها دار بنجد جنة كان قبل ذا =ومن صكته غبر الليلى عنا لها وصفه من الخفرات بيضا عفيفه =يفوق كل البيض باهر جما لها حسودها يغضى الى مر حولها =من خوف عيال تربوا بجالها حى امنا واحلو مطعوم درها =غدتنا وربتنا وحنا عيالها بزور بنا ما مثلها يكرم الضنا =وصول بنا لكن نسينا وصالها تلقى علينا الجوخ والشال فوقنا=وهي عاريه تبكى ولا احد بكى لها ولا أحد جزع من صيحته يوم سبلت =ولا أحد نشد من بعد ذواش جرى لها قلت آه واويلاه يا خيبة الرجا =كيف أمنا تهضم وحنا قبالها يا طارش من فوق سراقة الوطا =هميم الى سارت ذعرها ظلا لها حايل ثمان اسنين ما مس خلفها =ولا بركت للشيل جملة حمالها الى بدالي لازم قلت شدها =واضبط عن الفزات مقضب حبالها ولا نعتنى بالخرج ماذي بحزته =شل قربة ٍ واجعل زهابك عدالها فالى شلت خذلى بالرسن قدر ساعه= أبلغك في دق المسايل جلا لها والى ختمته بالسلام فحثها =من دار ابو جابر سقى الغيث جالها اوصيك يا مرسال بالسير والسرى =واحذرك نوم الليل عينك ينالها الى سرتها عشر وخمس مغرب =مرواحك الشام منها منا لها والى جيت سوق العصر ياتيك غلمه =تخثع بزينات البريسم انعالها يقولون لك ياصاح عطنا علومك =بلدان نجد ٍعقبنا وش جرى لها؟؟ قل كل بلدان القصيم وغيرها =عن الخوف زاموا دون جاله رجالها مير داركم من عقبكم تندب الثرى =تبكى على الماضين واعزتا لها ترى مركب الاخطار هو مصعد العلى =ولا يدرك المقصود غير احتمالها وترى بالسيوف المال والعز والبقا =والجنه الخضرا بخضرة ظلالها قومو براى الله واقضوا ديونكم =أنتم هل القالات ما أنتم رذالها مدام ابو جابر على العز والبقا =عنا ثقيلات الحمول ارتكى لها الى احترك سبع القبايل تحركت =والى رسى ترسي رواسي جبالها قوموا برايه ثم راي ابو ثامر =ابو كلمة يافي بها حين قالها عرق الصخا بحر الندى مرهق العدا =لااشتبت الهيجا تعرفه رجالها هيج سباع الحرب بالبر والبحر =والشمس تشكي منه عجه ينالها ومصقلات الهند تدعي له البقا =لولاه كان اصدت بغمده سلالها نشا مولع بالحرب والضرب ماشكا =والخيل والعيرات تشكي هزالها من كثر مامسه على السير والسرى =من كثر ماخاضت مهامه سهالها قوي باس مايلين الى مضى =الى ضكته صعب الحمول ارتكى لها شال الحمول الثقيله يوم جدعت =عفى زمول جدعتها وشالها هذا وتم القيل والله به الرجا =وصلوا على المختار مااهمل خيالها الشاعر / دغش بن بطي رحمه الله |
رد: اكتب اسم شاعر واللي بعدك يكتب قصيده له
الله يرحمك يادغش والله يغفرلك وجميع المسلمين
ياهجوس الشعر قومي هذا وقت اللـزوم المعاني فـي ظميـري تفـوح إدلالهـا يوم جاء للشعر بابٍ فلا نيـب محـروم شاعرٍ وأكتب مـن إخيارهـا وإجزالهـا مرحباَ ترحيبةٍ تكتسـي زيـن الهـدوم عد ماهل المطر مـن صـدوق إخيالهـا بالرجال أهل الشرف والعوايد والسلـوم الرجـال اللـي فخرنـا يزيـد إقبالهـا شاركونا في فرحنـا ونسوونـا الهمـوم ليلـةٍ شعشـع فرحهـا وهـل إهلالهـا ليلةٍ بالعـز والخيـر وإبليـس مخـدوم ليلـةٍ ينقـال فيهـا حسيـن أمثالـهـا والشعر ينقاد لاقيل فـي مـدح القـروم الرجال أهـل الوفـاء بالوفـاء يثنالهـا مثل من قام وتكفَل عسـى حظـه يقـوم ساق مالـه مـن يميـنٍ دمـار لمالهـا مقصده خدمة قبيلة عسى عمـره يـدوم ولأجل يجمـع كـل شيبانهـا وعيالهـا ذاك إبن وادي فـداه الردييـن الرخـوم بو سعد هو منبع الجـود مـع شلاَلهـا العديم اللي على الطيب والعليـا عـزوم الكريم اللـي صفـات المراجـل نالهـا من رجالٍ تلطم الشره وتزيـل الهمـوم لابـةٍ تزهـى النعـم والنعـم تهيالهـا مديَـة جيرانهـا مـن جـدارٍ ومهـدوم لآد بن ودعان راس الشـرف وعقالهـا وعاشوْ اللي ثبتوْ في فضاء النت العلوم وإزرعوْ شجرة وفاء نستظـل إظلالهـا يستحقون الثناء كـل ليـل وكـل يـوم مع بياضٍ يعتلـي فـي طويـل إجبالهـا أسسوْ صرحٍ يضـم الدواسـر بالعمـوم مصدرٍ موثـوق للـي جهـل بأفعالهـا والفعايل بالشواهد كما وصـف النجـوم ساطعاتٍ بالسمـاء مـن بغـى ماطالهـا والدواسر لابةٍ تشبـه البحـر الطمـوم شامخييـنٍ بالوفـاء والوفـاء يزهالهـا والدواسر لابةٍ كنهـا السيـف الحسـوم لاتخالـط شيـن الأيـام هـي وإليالهـا والدواسر لابةٍ لاحصـل يـومٍ عسـوم تكسب الطـولات فـي دقهـا وإجلالهـا والدواسر لابةٍ تفـرق بزيـن السلـوم في القصير وفي الخوي والعلا ترقالهـا وإن زبنهم مجرمٍ يشتكي ضيـم وهمـوم إهتنـت عينـه عقـب حالـةٍ يرثالهـا قلتها وأنا من اللـي يحـدون الخصـوم لابةٍ تزهـى المدايـح بطيـب أفعالهـا عزوتي سقم الحرايب عطيبين السهـوم عزوةٍ في غياثِ جعـل السعـد يبرالهـا من هل الطولات والمدح في اليوم الزحوم للصديق أصحاب وأمَا العـداء سلاَلهـا كان ثار الهيج والحـرب دخانـه كتـوم إعتلينـا فـوق قـبٍ نفـك إحبالـهـا قايد السربة شجاعٍ على الأعداء دحـوم ماأنثنى من غارته لـو تزيـد إشعالهـا ذاك إبن نصار شيخٍ له الطولـة تشـوم أخوْ فرجـة كـان كبـرت لنـا حلاَلهـا وإن وردنا الماء شربنا وخلق الله تحوم فـي نهـارٍ كـل شيبانـنـا جهَالـهـا وفي ذرانا ترتع الوُضح والشقحا الردوم نرخص الأرواح مـن دونهـا وإفدالهـا وقسمنا بالطيب وافي من خيار القسـوم والمعالـي والفخـر دايمـاً نسعالـهـا والقبايل تفعـل الطيـب وتسـد اللـزوم مانغـط إفعولهـا لاإنـذكـر مجالـهـا وعاشت بلادٍ لنا في عن بـرد وسمـوم مملكـة عـز وفخـر عالـيٍ منزالهـا ديرةٍ يكثر بها الخيـر والشـر معـدوم كلها من فضل ربـي وفضـل إرجالهـا في ذرى من له مقام ومعـزَه ومحشـوم خـادم البيتيـن قايـد مسيـر أبطالهـا أبو متعب صاحب العطف والقلب الرحوم وكل ماثقلت علينـا الحمـول إشتالهـا الزعيم الصيرمي العديـم إبـن العـدوم الشجاع اللي صفـات الشهامـه نالهـا وعاش أبو خالد زعيم الدفاع مع الهجوم والـيٍ عهـد الملـك والأمانـه شالهـا ياراع الكف الصخي ياراع الرآي الجزوم ياملاذ اللي شكت من عسيـر أحوالهـا والنهايه بأطلب اللي له المسلـم يصـوم يحفـظ الإسـلام والمملكـة ورجالـهـا وياهجوسي ساعفيني هذا وقت اللـزوم المعاني فـي ظميـري تفـوح إدلالهـا الشاعر / فيصل بن جزاء |
رد: اكتب اسم شاعر واللي بعدك يكتب قصيده له
طويت الحزن لاجل انسى غيابك والليال طوال=ولكن كل مااشوفك احس الشوق يدعيني تخيلت اني ابقوى على بعدك وصار امحال=تصدق لانويت انساك دمع العين يعصيني انا لك كلي وكلك على بعضك ابيك اوصال=استوطن حبك بقلبي وتغلغل في شراييني انا لي قلب هايم فيك ولايسمع حكي العذال=ويبقى المخلص الوافي ولوطالت بي سنيني وانا لي قلب لو مالت نخيل(ن) بالحساء ما مال=يظل ثابت على حبك وشامخ لو تجافيني احبك ايه انا احبك واغني لك بها موال=على نغمات همس الليل احبك يانظر عيني نثرت الورد في دربك وصار الورد بك يختال=ياباقة ورد فواحه ياعطر(ن) حيل يغريني انا اغنى البشر في الحب ولكني فقير المال=الا ياويش ابي بالمال ورصيد الحب يكفيني مجاديف الالم واليم ومركب حبنا والجال=وليل وغيم وامطار(ن) ولطم امواج تغويني انا وانتي حكاية عشق يجددها حديث اجيال=بطولة حب قصتها مابينك ومابيني
|
رد: اكتب اسم شاعر واللي بعدك يكتب قصيده له
يقول من عدا على راس عالي=رجم طويل يدهله كل قرناس في راس مرجوم عسير المنالي=تلعب به الارياح مع كل نسناس في مهمة قفر من الناس خالي=يشتاق له من حس بالقلب هوجاس قعدت في راسه وحيد لحالي=براس الطويل ملابقه تقل حراس متذكر في مرقبي وش غدالي=وضعقت بالكفين ياس على ياس اخذت اعد ايامها والليالي=دنيا تقلب ما عرفنا لها قياس كم فرقت ما بين غالي وغالي=لوشفت منها ربح ترجع للافلاس ياما هفا به من رجال مدالي=ماكنهم ركبوا على قب الأفراس ولا قلطوهن للكمين الموالي=ولا صار فوق ظهورهن قطف الانفاس ولا رددوا صم الرمك للتوالي=كل يبي من زايد الفعل نوماس من بينهم سمر القنا والسلالي=مثل البروق برايح ليله ادماس يقطعك دنيا ما لها اول وتالي=لو اضحكت للغبن تقرع بالاجراس المستريح اللي من العقل خالي=ما هو بلجات الهواجيس عطاس ماهوب مثلي مشكلاته جلال=ازريت اسجلهن بحبر وقرطاس حملي ثقيل وشايلة باحتمالي=واصبر على مر الليالي والليالي والاتعاس وارسي كما ترسي رواس الجبالي=ولا يشتكي ضلع عليه القدم داس يابجاد شب النار وادن الدلالي=واحمس لنا يابجاد ما يقعد الراس ودقه بنجر ياظريف العيالي=يجذب لنا ربع على اكوار جلاس وزله الى منه رقد كل سالي=وخله يفوح وقنن الهيل بقياس وصبه ومده ياكريم السبالي=يبعد همومي يوم اشمه بالانفاس فنجال يغدي ما تصور ببالي=وروابع تضرب بها اخماس واسداس لاخاب ظني بالرفيق الموالي=مالي مشاريه على نايد الناس لعل قصر ما يجيله ظلالي=ينهد من عال مبانيه للساس لاصار ما هو مدهل للرجالي=وملجا لمن هو يشكي الضيم والباس بحسناك يامنشي حقوق الخيالي=ياخالق اجناس ويامغني اجناس تجعل مقره دارس العهد بالي=صحصاح دوِّ دارس مابه اوناس البوم في تالي هدامه يلالي=جزاك ياقصر الخنا وكر الادناس متى تربع دارنا والمغالي=وتخضر فياض عقب ما هيب يباس نشوف فيها الديدحان متوالي=مثل الرعاف بخصر مدقوق الالعاس ونثير على البيدا سوات الزوالي=يشرق حماره شرقة الصبغ بالكاس وتكبر دفوف معبسات الشمارلي=ويبني عليهن الشحم مثل الاطعاس المطلوب سمو الأمير الشاعر خالد الفيصل |
رد: اكتب اسم شاعر واللي بعدك يكتب قصيده له
قالوا علامك قلت ما بي خلاف =ما بي بلا يا كود فرقى المحبين الحب لو يجحد عليله يشاف =يدري به اللي عارف لوعة البين شئ يشاف وشئ بالجوف خاف =عشر تبين وخافي منه تسعين
|
رد: اكتب اسم شاعر واللي بعدك يكتب قصيده له
يا كثر مـا رافقـت خـلان واحبـاب=ويا كثـر مـا فـي شدتـي هملونـي على كثر ما أعدهـم ستـر وحجـاب=على كثـر مـا احتجتهـم واتركونـي من صارت الخوه ثمن حفنـة تـراب=نفس الوجيه اللي نصوني... نسونـي من غير ذكر فروق، وعروق، وأنساب=كانـوا ثلاثـة ...والثلاثـة جفونـي علمتهم وشلـون الأهـداف تنصـاب=ولما سواعدهـم قـوت... صوبونـي عشاني أصغرهم عمر صاروا أحـزاب=عشانـي اصدقهـم قصيـد اظلمونـي اللي نجاح اسمي زرع فيهـم أنيـاب=حتى النصيحة مـا بغـوا ينصحونـي دام العطايـا عندهـم ديـن وأتعـاب=والله لو أطلـب ذنبهـم مـا عطونـي طالب نصيحة، كنـي طالـب أرقـاب=وهي نصيحة؟!كيـف لـو زوجونـي؟ كنت أكتب لنفسـي مشاريـه وعتـاب=ولا ادري إن اللي قروني... قرونـي تضاربت من دونـي عقـول وألبـاب=واجد بغوا غيري... وواجـد بغونـي أقفل هدب... تسهر على شعري أهداب=كني حبسـت إرقادهـم فـي جفونـي لو شفتهم واحد... يشوفوني اسـراب=مـن ويـن مالـدوا نظرهـم لقونـي أثري وجودي بينهم محرق أعصـاب=ومزعل بعضهم من بعض لو طرونـي يا كبري بعينـي وأنـا تونـي شـاب=واهـم كتـاب الشـعـر حاربـونـي حتى ولو يهوي على نجمـي شهـاب=يكفينـي إن إسمـي كبيـر بعيونـي كد قال ابوي: ان هبتهم قول: ما هاب=لو يقدرونـك قـول: مـا تقدرونـي مادام قبـري محتضـن راس مرقـاب=علـى كثـر مـا تقـدرون ادفنونـي لو ماني بذيب إنهشت عظمـي ذيـاب=لو ما عرفت اثبـت وجـودي لغونـي لو ما سكنت وجيههـم مـت بغيـاب=لو ما قدرت أمحـي ورقهـم محونـي أصبحت الأصعب لأنهم كانوا اصعـاب=جننتـهـم مـثـل مــا جننـونـي ماجيت أبدبل كبدهـم شعـر وخطـاب=ليـن أدبلـوا كبـد الـذي خلفونـي يا ويل وجهـي كـن للدمـع مخـلاب=ما جف ماه ولا استحى مـن طعونـي كل ما طرالـي منظرمريـب وأرتـاب=كان الوحيـد اللـي يحـرك شجونـي قبلة صلاة،وذكر، وخشـوع، وكتـاب=وأمي علـى سجـادة النـور دونـي تدعي لي الله يفتـح بوجهـي أبـواب=تتوسلـه بالشـده يـكـون عـونـي من كثـر مـا خفاقهـا بالدعـاء ذاب=صارت تحس إن زمـلاي اكرهونـي بشرتها: يمه معـي ربـع وأصحـاب=مانـي لحالـي واجـد اللـي يبونـي من يوم ما حاز قلمـي كـل الالقـاب=قلطتهـم فـي دفتـري واحفظـونـي الله وهبنيهـم بنـي عـم وأجـنـاب=من يوم جيت اعجبتهـم واعجبونـي واعجابهم فيني ما هو بأيـه اعجـاب=باسلوبي، بشرحي، بطرحـي، بلونـي لوقلت عن نفسي( بشر)..صرت كذاب=لو قلت : ( دمي من ذهب) صدقونـي لو بكيفهم كان ازرعوا دربي أعشـاب=لوبيـدهـم يتشبـهـون اشبهـونـي من كثر ما صاروا من طبوعي اقـراب=حتـى بلبسـة شمغـهـم قلـدونـي واجد دعوني واغلقوا دونـي البـاب=واكثار ناس أبكـي لهـم مـا بكونـي لوطالـوا لهدمـي مناسيـب وأطنـاب=كان وغلاتك مـن زمـان اهدمونـي مدام حطـوا فينـي عيـوب وسبـاب=جنبـت عنهـم مـثـل ماجنبـونـي أصلا لـو أن بخوتـي شـي ينعـاب=ذبحـت نفسـي قـبـل لايذبحـونـي أنا يدي لـو ماكسـت متنـي ثيـاب=نذر ٍ على لقطع يـدي مـن متونـي موعيب أجي مدعو ولا أشوف ترحاب=العيب لـو إنـي رجعـت إن دعونـي مادمت اجي ولا يحسبون لى حسـاب=حرمـت اروح اذا يبونـي يجـونـي المطلوب الشاعر سليمان بن شريم |
رد: اكتب اسم شاعر واللي بعدك يكتب قصيده له
وهذه مشاركتي :
قصيدة غزليه لشاعرنا الكبير ابن شريم اللتي راقة لي كثيرا في إحساسها العذب وموضوعها المتسلسل هي: يا لجــتي لــجة حــمام عـلى بــير *** فرق لهن غنوى وفـرق يــطيري أولجــتي لجــة محــال النــواعير *** غاد لهن فـوق المـحاور حــضيري أولــجتي لجــة ثـــلاث عـلى ضــير *** مـتفاختات بين ورد و صــديري قالوا:علامك؟قلت: مانيب في خـير *** قالوا:مـقل؟وقـلت خــيري كــثيري قالو:مخيف؟وقلت: ربـعي مـناعـير *** انـطح بهم وجـه العــدو المــغيري قـالو:مـحب ؟وقلت: ســيد الغـنادير *** سجـلي وعـندي له محــل كــبيري قالو:جــهلت وقلت: حــلم وتــفسير *** راضي بقسمي مثل ماصاب غيري قــالو:هــبيل وقــلت: دنـوا شـناكير *** إن كـــان خــلي راضــي بتعــزيري قـالو:تــموت وقــلت:دنـوا حفــافير *** واللـي صـديق لـي يباري مــسيري قــالو:تــشهد وقلت:ياناعش الطير*** هــــون مــماتي لأيكـون اتــعسيري الشاعر المطلوب عبدالله بن سبيل |
رد: اكتب اسم شاعر واللي بعدك يكتب قصيده له
لا تسمـع في هـرج نقـال ولا قـال=خلـه يقـل الحكـي بينـه وبينــك وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه مقعـدك مع ناسٍ لهـم عنك منـزال=لا هـم بـراجينـك ولا خـايفينـك معهـم خبـرك وكايلينـك بمكيـال=على العسر واليسـر هـم عارفينـك في مجلـسٍ مـالك مقـامٍ وتفضـال=أخيـر مـا تفعـل مقامـك بحينـك المطلوب الشاعر محمد العبدالله القاضي |
رد: اكتب اسم شاعر واللي بعدك يكتب قصيده له
لاهنت ع الموضوع المسلي اخوي
والشاعر المطلوبـ ((((( حمدان المري )))) |
رد: اكتب اسم شاعر واللي بعدك يكتب قصيده له
الاخت لين هذي قصيدة محمد العبدالله القاضي في القهوه
يامل قلب كل ما التـــم الأشفـــــاق = من عام الأول به دواكيك وخفـــوق يجاهد جنود في سواهيج الأطراق = ويكشف له أسرار كتمها بصنــــدوق إلا عن له تذكار الأحباب واشتــاق = باله وطاف بخاطره طاري الشــــوق قربت له من صافي البــن مـا لاق =بالكف ناقيهــا من العــذف منســــوق أحمس ثلاث يانديمــي على ســاق = ريحه على جمر الغضا يفضح السوق حـذراك والنيــه وبـالك والأحــراق = واصحا تصير بحمسة البــن مطفــوق لا أصفـر لونــه ثم بشت بالأعـراق = صفرا كما الياقوت يطرب له المـــوق وعطت بريـح فاخـر فاضح فــــاق = ريحه كما العنبر بالأنفــاس منشـــوق دقه بنجـر يسمعــه كــل مشتـــــاق = راع الهوى يطــرب إلا دق بخفـــــوق ولقم بـدلة مـــولع كنـــــها ســـــاق = مصبــوبة مربوبـــة تقـــل غرنــــــوق خله تفـوح وراعي الكيــف يشتــاق = إلا طفــح لــه جوهـــر صح لــــه ذوق أصغر قموره كالزمـرد بالأشعــاق =وكبـــار هالطافـح كما صافي المـــــوق وزله على وضحا بها خمسة ارناق = هيل ومسمــار بالأسبـــاب مسحــــــوق مع زعفران والشمطري إلا انسـاق = والعنبــر الغالي على الطــاق مطبــــوق فالا اجــتمـع هــذا وهــذا بتـــيفـــاق =صبه كفيت العـوق عن كـــل مخلـــــوق بفنجال صين زاهـي عند الأرمـــاق =يغضي بكر سيه كما إغضــاي غرنـــوق إلا انطلق من ثعبتـة تقـل شبـــــراق = رنق تصـور بالحمامـــه على الطـــــوق شكل على الفـنجــال لونـــه إلا راق =دم الغـــزال إلا انـمــزع منـــه معلــــوق ذوقه إلا منـه تســلســل بالأريــــاق =عليـــه من مـــاء صـــافي الورد مذلـــوق راعيه كنه شــارب ريــق ريـــــاق =كاس الطرب وســــرور من ذاق له ذوق يحتاج من بيض العذرى إلا فــــاق = غرو يمــــز شفــاه والعنـــق مفهـــــــوق عبث يعيل بحبتــــه ما بعد مـــــاق = وهو يضاهي زاهـــي البــــدر بشعـــــوق في وجنتيه إلا غنج ضوح بــــراق = عجــــل رفيفـــه بالطهــــا مزنه طبـــــوق سحر كتب من حبر عينيه بـأوراق = خديـــــــه صادين ونــــونــين من فــــــوق كن العرق بخدودها حص الأرناق = نثـــر على صفحـــــات بلــورة الشـــــــوق إلا تبسم شع وإشــــراق بالآفــــاق = نوره يفـــوق البـــــدر سحـــــر منطـــــــوق بالعنق كن المسك والورس بـــراق =ما مشخـــص في صــدري الشـــــاخ مدفوق أبو دليق كن باطـــــرافه حـــــلاق =حدر البريم وهــــافي الـــــوسط مســــــروق يمشي برفق خايف مدمج الســــاق = ويفصم حجول ضامهـــــا الثقــــل من فـــوق أظن لو يمشي شقاق بالاســــــواق = من المـــــلا مايمطــــخ الخمــــس مخلـــــوق إلا حصل لك ساعة وأنت مشتــاق = فاقطف زهر مالاق والعمــــــــر ملحـــــــوق فايلا حضر ماقلت عندي فالارزاق = في يـــد كريــــــم كافــــل كـــــل مخلــــــوق هذا وصلـــوا عدد مانض بــــــراق= على النبـــــي الهاشمـــــي خيـــر مخلــــــوق |
رد: اكتب اسم شاعر واللي بعدك يكتب قصيده له
الاخت ماعلي قصور هذي قصيدة الشاعر حمدان المري
لوما الشعر يكتب عشانك جفيته = يادانه ماهي ب إياة دانه ماقد طلب مني رفيق وعصيته = ولوما عطيته عندي أنها إهانه يافلسفت شعري وياعذب بيته = يا قمه أحساسي وقمة حنانه ياأغلى من اللي بعت واللي شريته = من فازبك بيصير قايد زمانه قد شفت بعيونك عذاب وخذيته = بس أعتبرته شي مثل الامانه أخاف أعلم به وأخونه فديته = بس أنا بحياتي ماعرفت الخيانه تدرين شلي في غرامك جنيته = أنك خذيتي في عروقي مكانه كتبت لعيونك قصيد ومحيته = وصرتي براويز القصيد وكيانه أما بكاني الوقت والابكيته = وشلون وأنتي في قساه وليانه مثلك لويطلبني عيوني عطيته = لوكان مابيني وبينك ميانه لن الشعر لوينكتب ماقريته =الشعردانه وأنتي عيون دانه الشاعر المطلوب " خالد عبدالرحمن " مخاوي الليل " |
رد: اكتب اسم شاعر واللي بعدك يكتب قصيده له
لـوعـتي فـيك لـوعه مـالها مـن مـثيل=جـدد الـوقت جـرحي بـين يـوم ولـيله اه يــاحـظ جــدلـي لـــو بــشـي قـلـيـل=مـاخـبرتك كـريـم مـيـر مـافـيك حـيـله حـملي الـلي اشـيله فـوق مـتني ثقيل=كـل مـاجيت احـطه عـارضتني جميله لـيـتـها عـــن هــوانـا تـنـتحي لـلـبديل=كـود حـالك حـبيبي يـمي يطلق سبيله من غلاك افتخر بك واعمل المستحيل=لــو اعـاند حـياتي خـل يـعشق خـليله مـاعـرفـت الـمـذله لا ولا انــت ذلـيـل=عـزت الـنفس فـينا يـاحبيبي حـصيله سـالت دمـوع عـينك وانا دمعي يسيل=حـزني الـلي غـلبني والـليالي طـويله وقـتـي الـلي طـلبته مـن واثـره بـخيل=شــح وقـتـي ودبــر مـاعـطاني قـلـيله
|
رد: اكتب اسم شاعر واللي بعدك يكتب قصيده له
الاخت نجديه هذي قصيده الشيخ الشاعر محمد بن راشد ال مكتوم
اشقر على أشقر مثل ما الحر لاشقر=يـجمع مـعاني الزين كامل iiمعانيه مـتميز بـالوصف مـخبر iiومنظر=اجمل وصوف الحسن متجمعه iiفيه افـرح بـشوفه لـى جماله مصور=والـقى مـنى عمري إذا اما iiألاقيه وإذا اشـوفه كـن جـسمي iiمخدر=ويـدق قـلبي كـل ما مر iiطاريه يـا عـود مـياس بـحسنه iiتخطر=هـزه هـوانا ثـم تـثنى من iiالتيه ان قـلت هانت زاد في قلبي iiاكثر=صـاح الصويب ولا سمع من يلبيه الله واكـبر كـيف الـعيون iiتسحر=وكـيف الهداب اتصوب اللي توديه لـو هـو جرحني في الوداد وتعذر=صـويب سـهم مـالقا من iiيداويه الشاعر المطلوب " سعد بن جدلان " |
رد: اكتب اسم شاعر واللي بعدك يكتب قصيده له
ابشر به يا بو سعد بن جدلان من فحول الشعراء وهذه ابياته الشهيره
( ون بن جدلان ) يقول : ون أبن جدلان مـن لايـعٍ لاعـه كن في كبـدي دوافيـر صناعـي ألعب المنكـوس وأحـب روباعـه مملٍ في الوقت والوقـت خداعـي مادريت أن ضحكة الوقت خداعـه شفت مدخالي ولاشفت مطلاعـي لابغيت أسج والا انبصـط ساعـه دق قلبي من وراء حدب الأضلاعي كم من بين الضلوع آلـة طباعـة تشتغل لانمـت وأقـوم مرتاعـي هـم قلبـي مايفـرق تجمَـاعـه غير جر الصوت والناس هجاعـي فاقدٍ لي سلعـةٍ وأكبـر أبضاعـه سلعةٍ تشـراء ولاهيـب تنباعـي رفقة الطيـب ليـا غيـر أطباعـه أشهد أنها كيـةٍ توجـع أوجاعـي راكب إلي صممه صاحب أصناعـه جمس بيك أب من حديثات الأنواعي الغريب الي جديـدٍ مـن أنواعـه حوض رفرف مايبي شد وشراعـي لا أنس البنزيـن عجـلٍ تفرقاعـه مخطرٍ من سرعتـه يقلـع أقلاعـي لاتحرك شفت في القـاع مشلاعـه والتواير تظهر المـاء مـن القاعـي ينعش القلب الحزيـن أبتهملاعـه لامشـا قـام يتهملـع تهملاعـي لاوطى الأرض العتش كن تهزَاعـه بنت شيخٍ طامحٍ من ولـد راعـي في رجاء الغايـب تحَـرا لمرجاعـه تنقد العشـاق وتطـق الأصباعـي نفسها من جملـة النـاس منصاعـه ماتبي إلا واحـدٍ ذكـره أيشاعـي ينحر اللي يأخذ الطيـب بذراعـه الصديق الصافي الصامـل الواعـي الوفاء والطيـب ساسـه ومنباعـه يوم بعض الطيب تقليد وصناعـي لاوصلتوا فأخبروني عـن أوضاعـه وأخبروا راعي السمارا عن أوضاعي أنشدو ويـش السبايـب بمهزاعـه لاعلي ناقـص ولا أبيـه فزَاعـي ودَنـا نرضيـه ونحـاول أقناعـه كان بن مهمل بعد يسمع الداعـي كان يبغـا حـق للحـق قطَاعـه نقعـة والحـق ماعنـه مجـزاعـي وكان مبغضٍ في الرياجيـل بتَاعـه لايجـي ناقـد ويلحقنـي أرياعـي لصَديق نخلَـي النفـس خضَاعـه مانوريـه الجـفـا والتمطَـاعـي الصداقة عندنـا ذخـر وطماعـه صحبةٍ ماهيـب صحبـة تمتاعـي حد جدتهـا علـى البـرق لماعـه وإن خذت يومين مفعولها ضاعـي فإن تليمنا علـى العـز والطاعـه وأن تفرقنا فجـوج الله أوساعـي ما أطرد المقفي ليا صفـط أشراعـه مخبـل اللـي للمقفيـن تبَـاعـي من يحط أذنه علـى كـل سماعـه جـاه فرقـاً مابعدهـا تجمَاعـي والزباد أختام هرجـي ومطلاعـه يدفعه من ريحة المسـك ذعذاعـي الشاعر المطلوب / عبدالله بن شايق القحطاني |
رد: اكتب اسم شاعر واللي بعدك يكتب قصيده له
الاخ ابو زيد الغييثي هذي قصيدة الشاعر عبدالله بن شايق
ألاجــواد واجــد والمـراجـل لـهـا كـســاب=لكـن واعـد العـشـرة لـيـا صــرت جمـالـي يطـيـر الـشـرار وكــل نــارٍ لـهـا شـبـاب=ومـن ولـع النيـران يصـبـر عـلـى الصـالـي تـجـارب حيـاتـي معـجـزة وادروب أصـعـاب=ولقـيـت الـرجـال انــواع والــوان وشكـالـي صديـق الشدايـد مـا خـذا منـك عـلـم وجــاب=وسيـع الـصـدر يضـحـك ولا هــو بزعـالـي صـديـق الـشـدايـد لا يـنـافـق ولا يـغـتـاب=يـدلـه غـريـب الــدار ويـزيــن الـجـالـي وصديـق الـرخـى عـقـاب ومصـادقـه عـقـاب=شـجـاع الحـكـي والـمـدح بالقـيـل والـقـالـي وصديق الرخـى مـا غيـر صـورة ولبـس ثيـاب=يــا ليـتـه يبـرقـع مـالـه شـمـاغ وعقـالـي وعـنـدي نصيـحـه جــد ماقلـتـهـا لـعــاب=أقــول الصحـيـح ونـايـم القـلـب يصحـالـي تـرا خـوة أهــل الطـيـب يالطيبـيـن أطـبـاب=يـطـيـب السـقـيـم وخـــوة الاش سـلالــي تغانـم شبابـك يـا بيـض الوجـه دامــك شــاب=تـرى البـدر لـو يطلـع قـمـر عــود أهـلالـي فـلا تهجـر المسـجـد وخـلـك ورى المـحـراب=تـرى روضـة المسـجـد لـهـا مـنـزلٍ عـالـي ولا تتـرك الـلـي يزهـمـك خـايـفٍ مـرتـاب=تـرى الـذل مـا نـجـى الثـعـل بــا لتحيـالـي ولا لنـدى غيـر الـفـدى لــو تــروح أرقــاب=ومـن ضـاع شـوره يـا خـذ الـشـور ويمـالـي ومـن بـا شــرك بالـعـذر لاتلحـقـه بعـتـاب=ولا تشـوف نفـسـك شـيـخ والـنـاس عمـالـي ولا تهيـن نفسـك لـو تجـي بيـن ضـرس ونـاب=وهيبـتـك لا تنـقـص ولــو ربــع مثـقـالـي وبـنـت الــردي لا يعجـبـك زينـهـا الـجـذاب=تـراهـا كـمـا المخـيـال خـيــل وتخـيـالـي ولـو شفـت حمـر خـدودهـا وثـمـان أعــذاب=لا بـدك تمـنـى لـيـت مــا جـالـك أعيـالـي ولـدهـا لا يـاشـاف النـقـى والمـلاقـى هــاب=ذلـيـلٍ بخـيـلٍ فـيــه خـفـخـاف وجـفـالـي أخـذ بنـت قـرمٍ طـيـبٍ ساسـهـا مــا عــاب=تنومـسـك بـنـت الشـبـل ويجيـلـك أشـبـالـي أعيـال الذيـاب تصيـر مـثـل الـذيـاب أذيــاب=وعـيـال الثعـالـب مثلـهـا زهــر الاذيـالــي وفـرخ الصقـر مثلـه وفـرخ الـغـراب غــراب=وبــوم الـخـراب ايقـابـل الـعـش ويـلالــي الـي صـار راسـك فـوق يـا طيـب الا نـسـاب=فــلا ينحـنـي لـقــدام رجـلـيـن ونـعـالـي لكـن الله اللـي يكـتـب الــرزق يــا خـطـاب=هـو اللـي يـفـك الـبـاب ويـقـص الا قفـالـي ولا يهـمـل الا واحـــدٍِ عـايــفٍ الاشـبــاب=ولا ضيـع أحـقـوق البـشـر غـيـر الا همـالـي وتـرى للقصايـد كيـف والكـيـف لــه شــراب=وانـا مـا مشـرب الا كـيـف راســي بفنجـالـي ولا طــاوع الجـاهـل ولا جـامـل الـنـصـاب=أقــدم يـمـيـن الـحــق واحـــط مـعـذالـي ولا نيـب و الله طيبـن لــه مــع مــن طــاب=ومـن طـاب لـي برخـص لـه الحـال والمـالـي أكـذب وانــا خـابـر واجـامـل وانــا كــذاب=سنـيـن مـضـت هــي صــدق والا يـورالـي تلخبـط جـهـاز الـمـخ وانـهـارت الاعـصـاب=وفــورت دمــي وارتـفـع ضغـطـه العـالـي لكن في رجـى اللـي مـن رجـى رحمتـه ماخـاب=هــو الـواحـد العـالـي وهـــو ربنـاالـوالـي وهـو الخالـق الـرازق وهـو المعطـي الـوهـاب=لــه المـلـك كـلـه والكـمـايـل والاكـمـالـي رئــوفٍ رئـيـفٍ رحمـتـه تنـقـذ المنـصـاب=يغـيـث الـديـار الممحـلـه عـقـب المـحـالـي شديـد العقـاب ويعـتـق المـذنـب الـلـي تــاب=عـسـى مــا يوخـذنـا بـسـيـات الاعـمـالـي كـمـا قـالـه الله فصـبـروا يـأولـي الالـبـاب=تـرى الصبـر زيــن وكلـمـة الـحـق تنقـالـي واصلـي واسلـم عــد مــا تنـبـت الاعـشـاب=ومــا لاح بــراقٍ ســرى يشـعـل أشـعـالـي علـى المصطفـى اللـي وحـد الديـن والاحــزاب=شفـيـع أمـتـه يــوم الـهـوايـل والاهـوالــي الشاعر المطلوب " الشاعره" عابرة سبيل " رحمها الله " |
رد: اكتب اسم شاعر واللي بعدك يكتب قصيده له
لاهنت على ايراد هذه الابيات وهي التي كنت اقصدها وهذه ابيات عابره سبيل " الوصيه " :
ترى الذبايح واهلها ماتسليني =أنا ادري ان المرض لا يمكن اعلاجه ادري تبي راحتي لا يابعد عيني =حرام ماقصرت ايدك في حاجه خذها وصايه وأمانه لا تبكيني = لوكان لي خاطر ماودي ازعاجه ابيك في يدك تشهدني وتسقيني =امانتك لا يجي جسمي بثلاجه لف الكفن في يدك وخل رجليني =ماغيرك احد كشف حسناه واحراجه ابيك بالخير تذكرني وتطريني = يجيرني خالقك من نار و هاجه سامح علي ماجرا بينك ومابيني =أيام تمشي عدل وأيام منعاجه أعيالي همي وانا اللى فيً يكفيني =علمهم الدين تفسيره ومنهاجه مطلوب الشاعر / بديوي الوقداني |
رد: اكتب اسم شاعر واللي بعدك يكتب قصيده له
يقول الشاعر : ــ
رب السماوات يامحصي كواكبها .........................يامجري السفن في لجات الاهوالي ضاقت بنا الارض واشتبت شبايبها ......................... والغيث محبوس يامعبود ياوالي يالله من مزنة هبت هبايبها ........................ رعادها بات إله في البحر زلزالي ريح العوالي من المنشا تجاذبها ..........................جذب الدلى من جبا مطوية الجالي ديمومه سبلت وارخت ذوايبها ..........................وانهل منها غزير الوبل همالي تسقي دياراً شديد الوقت حاربها ...........................ماعاد فيها لبعض الناس منزالي ياجاهل اسمع تماثيلاً مرتبها ........................فيها معاني جميع القيل والقالي مثل المحابيب زادت في قوالبها ............................في صرفها زايده عن قرش واريالي يارب توبه وروحي لا تعذبها ........................ يوم القيامه إذا ماضاقت اعمالي وازكى صلاةٍ على المختار نوهبها ........................ شفيعنا يوم حشرٍ فيه الاهوالى اطلب الشاعر(بدر بن شامان الشيب) |
رد: اكتب اسم شاعر واللي بعدك يكتب قصيده له
السلام عليكم ورحمة الله وبركاته مرثية الشاعر / بدر بن شامان الشيب في والده (رحمه الله)
الشاعر "لبنان الدوسري" |
رد: اكتب اسم شاعر واللي بعدك يكتب قصيده له
اوكي بعد التفحيط والفرفره :18: لقيتها
:d6: سلام يام العريقه هل الطيب واهل الكرم واهل اليدين النقيه واهل السيوف الحانيات المعاطيب اللي تورد لا أحتمت كل هيًه وسلام يالوافي زبون المواجيب عبدالله عبيان وافي الحميه حر شهر من فوق روس المراقيب وصى على الجزله وحفظ الوصيه مبروك يالنادر عطيب المضاريب من دوسريا عزوته زايديه وطبع الدواسر والليالي تجاريب عزومهم عند المواقف قويه والناس دايم تخطي احيان وتصيب والطيب يلقى عند رب البريه واللي يهوم الطيب لايقرب العيب العيب ميزه للوجيه الرديه والاعذار قالوا لاتودي ولا تجيب ويقطع خويا ما يقدر خويه وصلو عدد ما تبدي الشمس وتغيب على الرسول اعداد وبل الرفيه المطلوب الشاعر خالد بن مدعث (ابي لو تكرمت قصيدة الغربه بليز ):d8: |
رد: اكتب اسم شاعر واللي بعدك يكتب قصيده له
ياهبايب كان مرواحـك علـى نجـد العذيـه=ودي علوم الغريب وهاتـي علـوم الرفاقـه عدي الطايف وخمي البيد شرق من الحويـه=لاتحيري عند غيري مالـك بغيـري علاقـه واخذي اجري ياهبايب واحفظي مني وصيـه=لويقولـون الوصايـا ماتضـوي راس ناقـه لاوصلتـي نجـد ردي عنـي لنجـد التحيـه=من ضمير لاحقه من لوعـة الفرقـاء لحاقـه علميه ان كان طـال البعـد لايزعـل عليـه=والله اني فـي حياتـي ماشكيـت الا فراقـه العرب قالـوا تـرى مـا للخـوي الا خويـه=وانت يانجد المسمى ماخـذ روحـي عشاقـه من غلاك ان هب من صوبك ذعاذيـع نديـه=قمت افتح في ضلوعي طاقة في جنـب طاقـه العروق اللي تنسم من هـواك اتصيـر حيـه=من بعدكم كنهن يبرن علـى مـوس الحلاقـه مع هبوبك ريحة اهل العـز ورجـال الحميـه=ربعن لعينا ثـراك المـوت يردونـه شفاقـه محتمينك بالهنادي مـن العصـور الجاهليـه=رملك احمر لون دم مرهـف الحديـن راقـه غيـر هـذا يدهلـك يانجـد وضـاح الثنيـه=جادلاخـلا العيـون المبصـره فيهـا حماقـه من ولعنا مانبي عن ديرتـه روحـه وجيـه=قمت احس بسحر بابـل فالمعاليـق اندفاقـه ماتشكى من سموم القيض عود وسـط فيـه=كيف يضمى وازرق الماء يزعج الساقي زراقه لاوقف صاحب فخامه وان مشت بنت العبيـه=وان تثنـت خيزرانـه لينـه غـض دقاقـه ناهدينه فوق صدره روحت خصـره ضحيـه=واشتكى الساق الردايف واشتكت لقدام ساقـه والجسد ريحة فياض وسمهـا سيـل برديـه=والزباد من عرقهـا ماخـذا ريحـه سراقـه ماعلينـا فـي هواهـا لا مـلام ولا خطيـه=العسل لوذنب اذوقـه ذنبـه بحلـوة مذاقـه مير روحي ياهبايب وانحـري نجـد العذيـه=هاذي علوم الغريب وباقـي علـوم الرفاقـه المطلوب الشاعر فواز السهلي |
رد: اكتب اسم شاعر واللي بعدك يكتب قصيده له
أول قـولـنــا نـثـنــي عــلـــى الله = أن ينجيـنـا مــن أشــرار الـخـطـاري
ويـوصـلـنـا اديــــار نـمـشـيـهـا = ويوصـلـنـا مـواكـيــر الــحــراري ســـلام عـــدد مــــزن تــــرزم = ومـانـاضـت ابــروقــه بـالـعــذاري ســـلام عـــدد مـاهــل وامــطــر = ومــا بـعـد المـطـر بالـخـد جـــاري ســلام عــدد مــا أنـبـت واخـضــر = ومـــا يـرعــاه مـــال بالـخـضـاري ســـلام عـــدد مــاكــان يــبــذر = ومــا يــذار ومــا يـكــراه كـــاري ســـلام عـلــى المـجـلـس جـمـيـع = مجـلـس حـاكــم فـيــه الـصـطـاري ســـلام عـلــى شـيــخ الـشـيــوخ = ريــف الضـيـف بـايــام الـعـسـاري ســـلام وقــــوك يــــا طــــلال = لـطــام الـمـعـادي مـــا يــــداري طـــلال كــمــا بــــدر تـظـهــر = بلـيـل النـصـف كــن ليـلـه نـهـاري طـــلال كــمــا نــجــم تــحــدر = الــى صــك الصـفـا حـطـه كـسـاري طـــلال كـمــا حـظــف قـريـصــه = مــا يبـريـه كــوي ولا قــراي قــاري طـــلال عـلــى الـحـربـي عـــذاب = يـاخــذ الـمــال وايـتــام الـــذراري وقـالــوا مـــات عـبــدالله ومـاتــوا = كــل مـــن بـــه جـــن خـمــاري وشــب الـحـرب مــن عقـبـه طــلال = ســاس الـجـود مــا خـذهـا عــواري ارخــا السـيـف لـيـن الـكـل دنـــق = وخـــلا الـطـيـر تـبــع للـحـبـاري مــــن الــحــره وادي الـمــجــره = مــا يـرعـى بـهـا قـــوم تـحــاري أحــــد انــهــزم واقــفـــا وراح = واحـــد يـدخـلـه ديـــن الـبـخـاري سـنـاعـيـس ومـقـدمـهـم طــــلال = سـيــف الـهـنـد بـتــار الـعـتـاري سنـاعـيـس الــــى وردوا صــيــام = يسـقـون الـعــدو كـــاس الـمــراري سنـاعـيـس الـــى كـثــر الـطـريـح = احـــد مـيــت واحــــد يــثــاري سناعـيـس ومـــا مـعـهـم قـصـيـر = كــود ارماحـهـم هـــي والـهــواري سنـاعـيـس اهــــل طــــاس ودرع = وامــن الـجـوخ خالـطـهـا حـمــاري سناعـيـس اهـــل جـيــش وخـيــل = سناعـيـس اهــل عـكــف الـشـبـاري سنـاعـيـس الـــى بـــار العـمـيـل = الــى ســرى بـهـم قـالـوا عـثــاري سناعـيـس الـــى صـــاح الـصـيـاح = وركـبـوا مــن عـلـى قــب الامـهـاري وكــم مــن حـلـة تـمـسـي بـخـيـر = مــا جـاهـا مــن المـحـذور طـــاري فـلـمـا اصـبـحـت جـاهــم طــــلال = وسـيـف الـعـز يمـشـي لــه يـبـاري اسير الشوق |
رد: اكتب اسم شاعر واللي بعدك يكتب قصيده له
افـتـقـدنا الصـــــدق في هـــــذا الـزمـــان=مابقـــى للحــــــــب معـــنـى للأســـــــف الوفـــي عـقـــب الـوفـــــا جـافــا وخــان=والردي أخـــــطا وكـابــــر مااعـتـــــرف الجـمــــال اللي ظـــمى يرجـــى حـنــــان=إرتـــــوى وراح وتغـيــــــر وانحــــــرف مايـبـي لي يــــــوم أبحـــكي ترجـمـــــان=اكـتـشــف إنـي متـوهـــــــم بالصــــــدف الكــــذب والغـــــش والـتـقـصـيـر بــــان=بين زيــف العــاطـــفـة وحـــب التــــرف كـــان ياماكــان كــــان ياماكـــان كــــان=الغــــــــرام اللي عـرفـنـــــاه اخـتـلـــــف ومـــن يـبـي لـه حـــب لازم لـه ضـمــان=يفــــرق المعــــدن عـن أشـكـال الخــزف مـن يصـــــدق إن صـلــب العـــــــود لان=لان لكــــــن جـفــنـــــه ابـــــــــد ماذرف الـتـبـاهي صـــــار واضــــــح للعـيـــــان=وكـل شـــخـصٍ يـتـبـاهـى كـــم عـــــرف آه ياقـلــــــب مـــن الأحـــــــزان هـــــان=والعـــــذاب اللي يشــــوفـه مـانـوصــف شــال يامـا شــال مــن طـعــم السـنـــان=وكـم عـلى لحـــن مــن الفـــرقـا عـــزف لـيـتـنـا نـرجــــع إلـى هــــاك الـزمــــان=نـعـشـق مــن القـلــب ونحـــب ونعـــف المطلوب الشاعر عبدالله بن ربيعة |
رد: اكتب اسم شاعر واللي بعدك يكتب قصيده له
الاخت لين هذه قصيدة الشاعر عبدالله بن ربيعه
خذماتراه وخـل عنـك التفاكيـر=ياقلـب يااللـي كـل ماجـاه داره لابـد للعسـر المنـوخ مياسيـر=ولابـد ماتقفـي النـذاره بشـاره العبد ماله عن حتـوف المقاديـر=واللي كتب لو هو بصنـدوق زاره ماقل دل وحاجتـي ياهـل العيـر=طرس تودونـه لحامـي جـواره من ديرة العـوام روحـوا مسايـر=تلفـون ينبـوع النـدا والنـعـاره ربع يسرك وردهـم والمصاديـر=صبيان يامـا شتتـوا كـل غـاره صار الجزا لى من عشيرالمعاييـر=لته يشارهنـي مشـاري مشـاره ان كان حنـا ياخوالـك عطاطيـر=فحمود تبطـل شيمتـه واعتبـاره جـدك أخـذ هنديـة بالدنانـيـر=بيضـا وتكـرم داخليـه طهـاره ليتك تقر بخطبتك بنـت صنهيـر=أنشد بني عتبه تـرا العجـل داره مرباه في دسبول والجـد بنجيـر=اشقر ولطامـة خـدوده خسـاره حنا هل الباس الشديـد المناعيـر=وحنا الى خرب المذاهب عمـاره ناهيك من صنعا الى ماورا الديـر=أنشدك من كل البـوادي جـواره أنشدك من خيله بفارس مشاهيـر=وانشدك من أضرم على العجم ناره وان قيل ثور مقري السبع والطير=أسهر عيون أهل المـدن بانظـاره ومن طوع المامور بالسيف والمير=عن اينه شرعـه وسيفـه يسـاره هذاك ابن عمي وخـل الجماهيـر=ياخو عمر ويش جابنا للعطـاره الراية البيضا لاهـل نيـة الخيـر=مادامت العينيـن ترعـى سمـاره بيت السلف بيت الخلف والمظاهير=بيت عمار المنتفـق مـن عمـاره بيت لهم ورد الرياسـه بتصديـر=حلوين علقـم للـذي بـه مـراره بيت لهم شيمه علامه عـن الغيـر=مالجلجـت عينـه بجـدار جـاره بيت الرعايا والهنايـا المقاصيـر=بيت سلاطين العرب من حـراره الشاعر المطلوب " الشاعر " راشد الخلاوي " |
رد: اكتب اسم شاعر واللي بعدك يكتب قصيده له
يقول الخلاوي والخلاوي راشد=بالقيل اغالي مثل غالي الجلايب من مبلغ الصبيان عني نصيحه=من حاضر منهم ومن كان غايب من لا يحوش المرجله فى شبابه=ماعاد يدركها الى صار شايب ومن خاب فى أول صباه من الثنا=فهو لازم فى تالي العمر خايب كما مورد ظاميه والقيظ قد صفا=على بارق الثريا هبيل النشايب ومن لا ورد عد تطامى جمامه=عليه الادلا والدروب الديادب لكن مراديم الضيا فوق جاله=على معطن الما مكعبات المحالب ساروا إلى ملك الربيعي محمد=وهو خير من تافد عليه للركايب من أول جنح اليل ما علقت به=شريق الضحى عند المخاض الكواعب خفاجيه واسرارها عامريه=وجا طيب الانساب من كل جانب عن الشين أبعد من سهيل عن الثرى=وللجود أقرب من جبين لحاجب ونفس إلى حدثتها أريحيه=شيطانها عند المروات غايب أبو كلمة وإن قالها ما تغيرت=كنك على ما قال بالخمس قاضب أجي له ويعطيني عطايا كثيره=وليس لمن لايعطي الله راغب سخا بالعضيبا جروة حضرميه=أطارف بنا نيها من الدم خاضب ترى ثوب راعيها شلوح وحبلها=كثير العقد من كثر ماهي تجاذب إلى روح القناص بثنتين روحت=بخمس تخاميس عداد لحاسب لكن قرون الصيد من حول بيته=هشيم الغضا داناه للنار حاطب وياليت منيع فارس الخيل باللقا=على جازع البطحا يمين المشاعب يشوف ذي مع ذي وهاذيك عند ذي=كما الودع داني بينهن نظم كاعب ومن البجح بي والعصا قد خضبتها=وقد رحت ظني من شقاهن تاعب وبقيت كني حاوي لي مدينه=عليها الدول فوق الدروب المها يب جلوس على بيبانها حافظينها=من الترك حشد يفتلون الشوارب وصلوا على خير البرايا محمد=عد المطر واعداد ذاري الهبايب المطلوب الشاعر عبدالله الفرج |
رد: اكتب اسم شاعر واللي بعدك يكتب قصيده له
له هذه القصيده
الشاعر المطلوب مرشد البذال |
رد: اكتب اسم شاعر واللي بعدك يكتب قصيده له
بديت بذكر من صلى له العبد الاديب وصام=اليا مني ذكرت الله بدرب هداه مثاني اسيلك واشكرك واثني عليك الشكر ياعلام=اعرف انك تدوم وخابر اني عبدك الفاني عسى الله يطرح الشدة ويرفع رائة الإسلام=يثبتهم على الله ويخزي كل شيطاني الا يادارنا لاترهبين ولا عليك ازحام=تعلى في شرف من حط لك بالعز عنواني يهيش الحاكم اللي في ثجيلات النوايب قام=ابو سالم محرر ديرته من بين الاوطاني ربيع الشعب والديرة وهو للمعتدين أكعام=يخرب حسبة الطامع ويكرم شارب العاني وحنا شعبه الغالي ولللازم نجي خدام=الى منه بدا اللازم لنا بالحرب ميداني بلدنا مانطيع بها جميع سياسة الظلام=الا ياما نهينا دونها من كل فسقاني بلدنا ما ملكناها بمعروف من الازلام=ملكناها بحد السيف والغضبان غضباني نصادق من يصادقنا وجنا للضديد خزام=نرد الضد ونجازي هل الحسنة بالحساني ما دام ان الصباح النا على طول المدى حكام=عجب ياللي تبي منا مطاليب وحقاني وصل الله على الهادي وللي يسمعون اختام=سموحة يامفسرة الكلام بكل ديواني المطلوب الشاعر راكان بن حثلين |
الساعة الآن 04:21 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
