هية ال مره علي الدواسر ومقتل عقيدهم ((الادرم))
 

غاروا ال مره بقيادة شيخهم عويضه من ال ضلعان من ال جابر الملقب ((بالادرم)) على ابل لآل حسن الدواسر وخذوها واهلها في البلاد وجاهم الصايح ولحقوهم آل حسن بقيادة أميرهم شبيب بن بازع و لحقوا البل آخر الليل.
فقال بعضهم :
خلنا لين يطلع الصبح علينا نشوف العدو من الصديق ، قال واحد من العمار من السواحله يالاد حسن يعيال ابوي خلوني ادل فلانه علي بنتها يسمع ناقته تحن مضيعه بنتها فقالوا : لا جاء الصبح دل فلانه على بنتها فقال العماري هو صاحب المثل المشهور ((يلاد حسن يعيال ابوي بينط غزال الصيف ماجا الصبح))
.


فقال اميرهم شبيب ابن بازع انزعوا ملابسكم ومن وجدتوا عليه ثوب فاذبحوه .

وحولوا على آل مره وصارت معركة للصبح انتهت بمقتل شيخهم عويضة الادرم وكثير من قومه ورد الابل غصب ٍعلى العداه.


وقيلت فيها كثير من القصائد لم نحفظ سوا قصيدة المقيبلي الدوسري يقول :
القصيده اطول من ذلك
((كل الشكر والتقدير لخوي الرمح علي الروايه ))

لاهنت ياتركي ويانعم بصلايب جدي ولاهانوا ال مره



تحياتي لك--

ونعم بعيال ابوك

ونعم بعيال ابوك.
وبيض الله وجهك اخوي تركي

كفووووووووووو والله بالفرجان ومهيب غريبه منهم وبيض الله وجهك يااخوي تركي انت والرمح

بيض الله وجهك يا تركي على ذكر العلوم الطيبة

والشكر موصول لاخونا الرمح


تحياتي لكم

بيض الله وجهك اخوي تركي على هذه القصة ونعم بالفرجان كلهم بدون قصور في قبيلة آل مره العزيزة

تقبل تحياتي،،

لا هنت يا القرم على إيراد كل ما يرفع الراس

والفرجان كفو , وعلومهم معروفة أول وتالي

لك خالص تحياتي

بيض الله وجهك ياتركي

تقبل تحياتـــــــــــــــــــــــــــــــــــــــــــي

ابــــــــــــــــــــــــــــــــــــــــــــــــ ــــــــــــــــــــــو
زيــــــــــــــــــــــــــــــــــــــــــــــــ ــــــــــــــــــــــــــــــد
الغييـــــــــــــــــــــــــــــــــــــــــــــ ــــــــــــــــــــــــــــــثي

نواف الرجباني والنعم بحالك وماعليكم زود ويسعدني مرورك

الشكري ابوعبدالله ويمناك يالقرم وجهك ابيض ويسعدني مرورك

بوهادي بيض الله وجهك دائما تتحفنا بالقصص والقصيد المثبت


لاعدمناك يالقرم

رد: هية ال مره علي الدواسر ومقتل عقيدهم ((الادرم))
 

رد: هية ال مره علي الدواسر ومقتل عقيدهم ((الادرم))
 

رد: هية ال مره علي الدواسر ومقتل عقيدهم ((الادرم))
 

اخوي أبن فنيس ..

بيض الله وجهــكـ على السالفه ..

ولايهونون آل مرّه ..

وزود ٍ على القــصــه ..

سالت واحد ٍ من الشيبان عن السالفـه ..

وزودني بــ بعض الشغلات اللي انت ماذكرتها في السالفه ..

يقول ..

يوم راحو الدواســر يردون ابلهم .. أهجدو آل مرّه في الليل ..

وجاو عن قليب لــ آل مرّه ..

وكان في القليب هذي .. راعي لــ آل مرّه ..

ويوم عرف أن الدواســر جايين يردون ابلهم ..

قام يصيح عليهم وهو في وسط القليب ..

ويقول ..

ترى عقيد آل مرّه الأدرم .. ==> بمعنى ( اللي مافيه شعر )

لانه يوم عرف ان الدواسر جايين حلّق شعره كله .. لين صار ادرم ؟؟

لانه كان معروف انه حاط ( ذروّ ه )

ومشكورين

رد: هية ال مره علي الدواسر ومقتل عقيدهم ((الادرم))
 

اخوي تركي بيض الله وجهك على الموضوع

ونعم بالفرجان ولا يهونون آل مره

تحياتي :

سعود الدوسري

رد: هية ال مره علي الدواسر ومقتل عقيدهم ((الادرم))
 

اي والله يا عيال ابوي

وافيه علومكم


بو هادي جعل يمناك ما يجيها العطب

وعلومك طيبه لا خلينا منك

وبيض الله وجه اخونا الرمح


الله يعطيكم العافيه على العلوم الكايده

رد: هية ال مره علي الدواسر ومقتل عقيدهم ((الادرم))
 

وان زارنـا حفـاً ذبحنـا مقـديـه
وعاداتنـا نذبـح شيـوخ القبـايـل

رد: هية ال مره علي الدواسر ومقتل عقيدهم ((الادرم))
 

((يلاد حسن يعيال ابوي بينط غزال الصيف ماجا الصبح))

لاهنت ياتركي وتسلم والمثل هذا اسمعه من مبطي وانت وضحتلي قصته

كفووو وعواايدهم الاااد حسن جعلهم المعزة

رد: هية ال مره علي الدواسر ومقتل عقيدهم ((الادرم))
 

http://www.u11p.com/folder3/U11P_FyPSN32fEv.gif

ونعم والله في آل مره ماعليهم أقصور

لكن هذا تاريخ لا بد من ذكره.

رد: هية ال مره علي الدواسر ومقتل عقيدهم ((الادرم))
 

الحقيقة الروايات حول هذه الواقعة كثيرة واود ان اضيف اضافة بسيطة الاولى سبب تسميته بعويضة الادرم والثانية حول سالفة بينط غزال الصيف وهي ملاحظة ايضاحية لا اكثر واذا جاء جوابكم بالموافقة او استحسان الملاحظة ربطتها بغزوة يقال انها غزوة اخرى ولكنها والله اعلم هي نفس الغزوة من شارك فيها تناولها من زاويته واليكم القصة

انه عندما كان فريق من الدواسر في غزو لطلب الرزق قام احد قصراهم من الاجناب بابلاغ ال مرة بان الدواسر غازين وابلهم ماعندها احد اوانه واجههم واهم ايضا غزاه ودلهم على ان ابل الدواسر وان ماعندها احد وبالفعل اخذو البل وقفو بها وسلبو حتى مقتنيات البدو من بيوت شعر وغيرها لانه لايوجد احد من الرجال الذين يستطيعون الدفاع عنها فلا يوجد سوى نساء واطفال وشياب تقدم بهم السن وعند اخذهم للابل كان احد الشياب مع ابله امروه بان ينزل والا قتلوه فقال لهم ( ليس لي ولد ولاتلد اللي بتروح ابلي عنده بجي عنده راعي ) فاخذوه مع ابله في هذه الاثناء ومن سوء حظهم ان اهل البل عادو من الغزو ولم يجدو ابلهم وجدوا في طلب ابلهم ويتبعونها بدون مبات في نفس الوقت اللذي امن فيه ال مرة باخذهم الابل بعد ثلاثة ايام من الحدث وقد وصلو الى بعض عدودهم وقلبانهم التي تقع في حدودهم ويريدون ان تشرب الابل والخيل ويروون ثم يتوجهون الى اهاليهم وقبلها بليلة واثناء نوم عويضة اميرهم تحلم بان راسه مقطوعة وكان عليه ظفائر طويلة وعندما اصبح امر احد جماعته بقص شعر راسه يعني على الصفر وكان الشايب الدوسري يراهم وهم يقصون شعر راسه ويعرف ان الدواسر يعرفون عويضة عليه قرون وعند الرواء من القلبان رأى ال مرة ان ينزلون الشايب الدوسري حتي يميح يعني يعبي الدلي وبالتالي اذا خلصو يتركونه في القليب في هذه الاثناء وصل الدواسر وكان الرأي ان يصبحونهم ومنهم من كان يسمع صوت الحوير يحن يبي حليب امه وكان يتفرع مايقدر يمسك نفسه يبي يروح يبهل على الحوير وجماعته يمسكونه ويقولون لاجاء الصبح ابهل عليها فصاح ياوالله اللي بينط غزال الصيف ماطلع الصبح واجمعو الرجاجيل عمارهم وغارو على ال مرة ولاخذا الشايب اللي في القليب الا الارشية تخابط عليه ماعاد به دلي وقام يصيح تكفون يالابتي ترا عويضة الادرم ترا عويضة الادرم لان الدواسر كما ذكرت سابقا يعرفون عويضة عليه قرون ويصيح عشان يعلمهم والا ماكان اسمه الادرم قبلها وعقب ما انكسرو ال مرة ولا نجا منهم احد الا الصايح اللي انحاش يعلم جماعته بما صار وعقب ما اظهرو الشايب راح يقلب الماتان يدور على عويضة الى ان وجده واشار الى جماعته عنه وانه قتل وهذا سبب تسميته الادرم

اسف على الاطالة ولكن التوضيح واجب واعرف ان لديكم اكثر من هذا ولكن لدي القليل ومن الواجب الايضاح لانه هناك الكثير من يجهل تاريخ قبيلته مع انه يرغب في معرفة الكثير

فايز الدووووووووسري

رد: هية ال مره علي الدواسر ومقتل عقيدهم ((الادرم))
 

لاهنت يا فايز علي الدوسري

على الايضاح ونعم بآل عمار وآل حسن كلهم

رد: هية ال مره علي الدواسر ومقتل عقيدهم ((الادرم))
 

رد: هية ال مره علي الدواسر ومقتل عقيدهم ((الادرم))
 

رد: هية ال مره علي الدواسر ومقتل عقيدهم ((الادرم))
 

بيض الله وجهك ويذكرالرواة ان الهية كانت على ابل آل حسن وكانت ترد على حمام ما معها الا رعيانهاوكان وقت قيظ وال حسن في القيظ يقيظون في النخيل او انهم كانو في مغزىويوم اخذت الابل وجت الهويملية لعويضة وطلبته ابلهاقال لها كلمة شينة وردها وراحت لعقيد اخر وطلبته واجب لها فيوم رد ابلها قالت له ما جزا الاحسان الا الاحسان وقومي وعطيه قرب مدفونه في الرمل وقالت خذها والبدها ماء وقالت ترى ال حسن اهل طلب دامهم يشوفون جرتها بيطلبونها ودلته على درب غير الدرب اللي راح معه عويضة ثم ان عويضة شاف في الحلم مثل ما ذكرت عسى عمرك طوويل وقالوا له درم راسك يعني احلقه مثل ما قال اخوي الغالي ويوم جا النذير لال حسن وامييرهم ابن بازع وراحوا يطلبون ابلهم واليهم انتم يآل مرة منزلين واحد من رعيان الابل يزعب لهم الماء من قليب او حسي يوم سمعو النذير فهدوا الرشا فوقع على اللي في الاسفل فدرا وقام يصيح (( ترى عويضة الادرم يآل حسن )) وصارت مثل معروف وهذي اضافة وليست تعديل وبيض الله وجهك ومن حضر وان كان احد عنده اضافة او قصيدة فيعلمنا بها تفيدنا وتفيد الحاضرين وسلامتكم

رد: هية ال مره علي الدواسر ومقتل عقيدهم ((الادرم))
 

لا هنت على الموضوع اخوي تركي ال فنيس على السالفه وقصيدتها ويتاهلون ال حسن

رد: هية ال مره علي الدواسر ومقتل عقيدهم ((الادرم))
 

بيض الله وجهك يا تركي .. أنا أشهد إنك قرم وعلومك دايم تنومس .... .

رد: هية ال مره علي الدواسر ومقتل عقيدهم ((الادرم))
 

لاهنت طل عمرك بس شبيب بن بازع منهو منه من ال حسن ارجو الرد

رد: هية ال مره علي الدواسر ومقتل عقيدهم ((الادرم))
 

استاذن اخي تركي بن فنيس واجيب عنه بالنيابه

أن شبيب بن بازع هو من الفرجان

أخوكـ / ابو زيد

رد: هية ال مره علي الدواسر ومقتل عقيدهم ((الادرم))
 

بعدي والله ياصلب جدي

خلوهم وياهم


والله ما عاد يعودونها فزعه

رد: هية ال مره علي الدواسر ومقتل عقيدهم ((الادرم))
 

يجب على الراوي التاكد من القصه لان الشاعر من المقابله الصخابره والذي قتل عويضه هو راشد بن قابيه من المقابله والله اعلم وكل انسان يصح ويغلط ولكم جزيل الشكر