::: مـنتدى قبيلـة الـدواسـر الـرسمي ::: - (( عـيــــال زايــــــــد )) مصافحتي الأولى لكم

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

(( عـيــــال زايــــــــد )) مصافحتي الأولى لكم

سم الله الرحمن الرحيم
أخواني أخواتي أعضاء منتدى قبيلة الدواسر الرسمي الإداره الواعيه يسعدني أن أكون بينكم من خلال هذا المنتدى الشامخ بشموخ أعضائه هذه القصيده في مناسبة زواج أحد زملائي من قبيلة الدواسر0

أمل أن ترتقي لذائقتكم الشعريه

قبل البدايه قلت يسعدلي مساكم والسلام=سلام سلم إسلام سلمته وناديت القصيد
ياقاف جمّل ماقفي عند الأجاويد الحشام=يومي تعنّيت ولفيت وجيت والأيام عيد
من العايدين أقولها من الفايزين بكل عام=في طاعة اللي ماعبدنا سواه المبدي المعيد
ومادام نحنو أمة ًقد فضـّلت بين الأنام=في ديننا الإسلام والمبعوث بالقول السديد
دين السماحه والتأخي والتكاتف والوئام=المسلم أخو المسلم ومعناه يبقاله عضيد
وكل القبايل له غلا عندي بما معنى الكلام=إنـّي أعزّأهل الوفاء والطيب وأصحابي تزيد
وليا دعاني عادل الأحمد وله عندي مقام=يأبن ثويني دعوتك أجيلها لوني بعيد
لأنك سلايل لابة ٍ تافي لياحل ّ اللزام=عيال زايد للصخاء والطيب وسقام الضديد
يستقبلونك بالمداخن مع هلا سلم ونضام=وصياني ٍ تزهابها الحلوه مع السمن الجديد
ومجالس ٍ تزهابها حلو البغاديد القدام=بن اليمن والهيل هندي وأبو شيبه له يزيد
وسوالف ٍ من حلوها تعيش وضع الإنسجام=وصفاوة قلوب ٍوحلو إسلوب منهم تستفيد
وصياني يقلط عليها الحيل والمعنى إستقام=شموخ بالأفعال مابيّنت والمولى شهيد
عفواً نسيت التهنـئـه واللي دعاني له سلام=بأقول لك كلمه ياعادل جعلك بوقتك سعيد
جعلك تهنـّا في حياتك كل أيامك تمام=عساك دايم ماتشوف من الزمن يوم ٍ نكيد
قلته وأنا من لابة ٍ تثبت لياحلّ إحتدام=أهل الشهامه والوفاءوالطيب وعزومه حديد
تشهد صهيل العاديات وتشهد حدودالحسام=بأن الطنايا لابتي مايجهله كود البليد
خوينا محشوم دايم مانحب الإنقسام=سلم ٍلأهلنا قبلنا محفوض من وقت ٍ تليد
أسمو لكسب إعجابكم قيام يأياتي قيام=مع إختلاف أذاوقـكم أحاول أتي بالمفيد
والشخص لامنـّه وقف ماجمـّله قافه يلام=وأنا وقفت وموقفي قدّي ولو وقتي عنيد
بديت قافي بالسلام أكيد أبنهيه بسلام=سلام من شخص ٍمحب وينتقي جزل القصيد