|
يا نــواف الرجباني ... على الظالم نقول الله اكبر
سلام الله عليكم جميعا,, و الله يسعد اوقاتكم جميعا برضاه و طاعته ..
كان لي موعد مفتوح مع اخوي (نواف الرجباني) بعد ما اعتذرت عن تكملة اخر محاوره بيني و بينه ... و اليوم نعود و ان شاء الله يكون العودُ احمدُ ... و ان شاء الله يكون اخوي نواف قريّب .. استلم يا نواف طال عمرك ... على الموعد رجعنا و اجتمعنا بموالٍ و طاروقٍ و معنى ترانا منك ما اضني شبعنا على الظالم نقول الله اكبر ..
اقرب اقرب يا عميلي حان وقت اللزوم = لازمك في حملةٍ مالها الا جمالها نواف يا وش حصل للمنتدى و القروم = و المـلعبه طافيه ضـوها و رجالهـا |
الله الله يافراج ابن يامشنان
ووينك يانواف ا لرجباني نبيها ذا الليله ملعبه وزهلوا الصفوف |
يا مرحبا يالواضح ترحيبٍ واضح ..
كفو و الله يا راعي الصف .. بس الظاهر ما لنا نصيب مع نواف ذا الليل ,, ما هو بحولنا . و لكن يجيبه الله ان شاء الله .. تحياتي لك يالواضح ,, و الله لا يهينك على كل حال .. |
[
|
بيض الله وجهك يابومشنان علي الطاروق الرائع وينك يانواف الرجباني الله يجيبك سالم
|
الله الله
صح الله لسانك يا ابن مشنان وفي انتظار اخونا نواف الرجباني |
فراج بن مشنان
الله الله على الطاروق الجميل
اقرب اقرب يا عميلي حان وقت اللزوم=لازمك في حملـةٍ مالهـا الا جمالهـا نواف يا وش حصل للمنتدى و القروم=و الملعبه طافيه ضوهـا و رجالهـا شكلها بتولع من البدايه وينك يانواف الرجباني إزهلو الصفوف وواصلو وأمتعونا نحن في الانتظار الليل الليل الليل |
مرحبابك يابومشنان ومن طول الغيبات جاب الغنايم
وهذي الساعه المباركه اللي نقابلك فيها يالذيب والله لايهين من شاركنا استلم اااااااااااااا هلا يامرحبا لو ماتسلّم تراها فاتتك وانته معلم لكنك بعد هذي بالتعلم على الظالم نقول الله واكبر
نواف حاضر قريّب كل ليله ويوم=والحمله انبرّك اكحيلان يشتالها الملعبه كايده مثل القمر والنجوم=والضو مشبوبتن خلك على جالها |
عاشوا شعارنا
ترى الصفوف تدهر نادوا ابو مشنان |
صح لسانكم يا شعرانا
والله يعطيكم العافيه وحنا نفخر فيكم وننتظر باقي المحاوره اخوكم ابو عبد الله |
تركي الودعاني ..
العماني .. دغش البطي .. الواضح .. و الشكري .. بيض الله وجيهكم يا اهل الصفوف ... و شاكرين لكم تواجدكم المميز .. |
تبقى و الله يا نواف ... الله يبارك بعمرك ,, و الله انه يسعدني مقابلك طال عمرك من غير قصور في اخواني الباقين ...
و خللللللووووووها .. سلامي واصلك بأول و تالي و واصل للقروم و للرجالي و لا هو شرط يالنشمي يقالي على الظالم نقول الله اكبر ....
اكحيلان يا نواف ما بالحمله يقوم = و الحموله كايده لو نشدّ احبالها خابرك رجّال ظفِر و خابرٍ لك عزوم = مير مزنه راحت الله يطيّب فالها |
الله يحيكم يامن شاركنا
هلابك يابومشنان والله يسلمك استلم اااااااااااااااااااااااااااا الا ياشاعر الافلاج قلي تريد العلم والا للتسلي الايانجمة الاصباح طلي على الظالم نقول الله واكبر
الحمل لو زاد ولاّ قل مابه هموم=ومن كان له حيلة(ن)لاشك يحتالها حنا رجال الشكاله مانودّ الرخوم=والمزنه المستهله خيّل خيالها |
الشاعر بن مشنان والشاعر نواف الرجباني وفيتو وكفيتو الله الله خلوا الصفوف حاميه الله لايهينكم على المحاورة يالغالين ننتظر ابن مشنان مشكورين كل الشكر عساكم بالوجود |
يا مرحبا و الله يابو حاجونه ,, الساعة المباركه ...
اسعدنا و جودك و باقي الاخوان ,, و لا خلا و لا عدم .. |
نواااااف يا نواف ..
استلم طال عمرك و عمر القاري و السامع .. توقّع لا تطيرني للافلاج و لو هي فوق راسي جوهر و تاج علومك ضايعه يبغى لها علاج و على الظالم نقول الله اكبر ...
الرخوم و لو بدَلت في ريشها و الحوم = نميزها و نعرف رديات افعالها و انا حملي على الله ماني بكم بملزوم = لا صرت بالحيله تبهر لها دلالها |
يا مال طولت العمر يا ربعنا
الله لا يهينكم يابو شجاع وبو مشنان وصح الله لسانكم وطول الله في عماركم وانا معكم الله يعطيكم العافيه |
االله الله بيض الله وجيهكم وصح لسان الشاعرين والله لا يهينهم أبن مشنان والرجباني على ما قدموا لنا من قصائد ونرجوا منهم المزيد المزيد إنشاء الله أخوكم -${قليب الذيب}$- bandornet@hotmail.com |
قويه من البدايه
المزيد المزيد انا من صفوفكم يامال العافيه والقوه لبو مشنان ونواف واصلوا نفداكم .......... |
الشكري
قليب الذيب و ابن غرير ... الله يعافيكم و يقوّيكم ,, و الله انها ابرك الساعات و جودكم معنا .. و ترى اللعب ما يزين الا بصفوفكم .. تحيزموا و شدّوا حيلكم .. لا خلا و لا عدم .. |
الاخوان الشعار احييتونا الله يحييكم ويطول عماركم
لاهنتو الصفوف جاهزه وينكم اخوكم راعي مكحوله,,,,,, |
زانت علومكم ..
وزان معها اللعب والصفووووووف اخوكم في الله محمد الغريري |
الله لايهين من شاركنا وشرفنا
تراني عارف(ن)ساسك وعدّك وليامنك عكست الدرب اردّك مردّك دار ابوك ودار جدك على الظالم نقول الله واكبر
الحر وكره على مشرافها والرجوم=والاّ ام سالم تحب القاع عزّالها بعض العرب خادم وبعض الرجال مخدوم=قد قالها راعي الالغاز وامثالها |
يا مرحبا و الله بخواني ..
ابو ناصر و محمد ... شرفتونا لا خلا و لا عدم ... |
ابطيت علينا يا نواف .. عسى المانع خير ان شاء الله ..
استلللللم ... انا ساسي عريبٍ عمن و خال كلام الصدق ما هو حكي ينقال بنينا عز ما يطري على البال و على الظالم نقول الله اكبر ...
الحر يشرى و يباع و يجي له بعد سوم = و الحرار يذلها عقابها سلالها بعض العرب ودك انه ما يقوم من النوم = ما يفيد و لا يفاد و مالين حالها |
الشعراء المميزين مساكم الله بالخير صح الله السنتكم ياشعار المنتدى ابن مشنان وبو شجاع عساكم بالوجود وفيتو وكفيتو وحنا ماسكين الصف ونكان ودكم تغيرون الطاروق ترانا في الصف تقبلوا مني اصدق المحبة والتقدير |
يا مرحبا يابو حاجووونه ..
صح الله بدنك ,, و لا هنت على كل حال .. و ابشر يابو حاجووونه ,, و الغالي يطلب غالي .. و على ما قالوا ,, شي ماهوب يسرّ الصديق .. ما فيه خير .. و هذا طبعاً بعد اذن اخوي نواف .. و حنا في انتظاره . لا خلا و لا عدم و تقبل اصدق التحيه و التقدير .. |
ارحب يابوحاجووونه واسعدنا حضورك يالذيب
ابومشنان تبي تغير الطاروق اللي ودك وابرك الساعات وحنا في انتظار طاروقك ياذيبان تحياتي لك-- |
سلام الله عليكم ...
يا مرحبا يا نواف ,, و الساعة المباركه .. و الطواريق كلها معك تزين يا ذيبان ... و سامحوني على التأخير اللي كان بسبب ظروف قهريه .. و لكن ان شاء الله معوضين خير . هذا طاروق جديد و موال جديد و بدايه جديده .. و صفوفكم يا اهل الصفوف .. نجـدد العـهد و المـيثاق و الـخـوّه و ارجع و اسلم سلامي لاهل المروّه نواف يا جعلك الزين و على القـوّه و الناس بالناس و الارزاق عند الله
سلام رديّه لها برق و رعودٍ و امطرا = على مناعير الرجال و ليلنا يا مجمله و البارحه فكري مع الهاجوس يسري ما سرى = متغيرٍ و الوقت مال و ليلنا يا مجمله |
عاشوا الشّعار
ولا هنت أخوي أبو مشنان على هالطاروق الجميل الخفيف وزهلوا الصفوف بس جيبوا نواف |
ارحب يابومشنان وكل طواريقك زينه جعلك تسلم
وارحب يالواضح ولاهنت على مرورك استلم يافراج ااااااااااااااااااااا القاف مضبوط والموال مضبوطي مثل الجنيهات والاّ قيمة النوطي وانا احمد الله مستانس ومبسوطي والناس بالناس والارزاق عند الله
يامرحبابك يالمسلّم عدّ مالطاري طرا=والفال يقفاه العقال وليلنا يامجمله لاشك في ذكر الله اكبر كل علّه تنبرا=هذا جواب(ن)من سؤال وليلنا يامجمله |
اقتباس:
صح لسانك يابو شجاع زانت علومكم يا شعرانا والله لا يهينكم جعلنا ما نخلى منكم تحيات اخوكم ابو عبد الله |
الواضح و ابو عبدالله الشكري ..
يا مرحبا ترحيبة المطر .. و علومكم ما تشين .. و شكراً لتواصلكم معنا لا خلا و لا عدم ... |
يا هلا و غلا يابو شجاع ..
موالي بضبطه من شانك و باشله لاجل الوناسه حجاجك لازم تفله نسلى بها من مواري وقتنا العله و الناس بالناس و الارزاق عند الله
دام البقى و الله يظلّك في جنانٍ و شجرا = ظلال و ما عقبه ظلال و ليلنا يا مجمله لا شك ذكر الله يريّح كل قلبٍ يسهرا = اخيَر ما شيٍ يقال و ليلنا يا مجمله |
ارحب يابو عبدالله واسعدنا مرورك يالذيب
البقا يابومشنان استلم ااااااااااااااااااااااااااااااا دنياك هاذي بها زين وبها شيني خلّك على الدرب درب الغانم يميني حتى ايش لوقالوا انّا بعالم الفيني الناس بالناس والارزاق عند الله
سوق المعاني ياعميلي والمعاني تثمرا=انسوقها سوق الجمال وليلنا يامجمله الله يدبر كل خير السوق بيع ومشترى=ماكلّ من تمنّا نال وليلنا يامجمله |
صح السنتكم ياشعار المنتدي يالمبدعين بيض الله وجيهكم
|
يا مرحبا يا تركي ,, يشرفنا حضورك و تواصلك معنا ...
يا حيا الله نواف .... نواف ذا الوقت مقلوبه موازينه مرات يا حلوه و مرات يا شينه جات الهزايل عقب راحت مسامينه و الناس بالناس و الارزاق عند الله
في وقتنا شفنا العجب شيٍ يشيّب و اغبرا = العقربه تلبس جلال و ليلنا يا مجمله لا شك شرواكم سند و يحط على اليمنى اذخرا = نصبر و قد شلنا الثقال و ليلنا يا مجمله |
الشاعرين الكبيران ابو مشنان ابو شجاع جعل شيبان جابوكم في الجنه على القصيد الجزل يمال المعزه وصح الله السنتكم على الرديات الجزله. وترانا معكم في الصفوف لا تبطون علينا. اخــــــــــوكم / فهد الغريري,,, |
الشاعرين نواف الرجباني,,,,فراج بن مشنان
بيض الله وجيهكم ولا قصرتوا يالذيابه واصلوا وانا معكم |
لا هنتو يا ابو مشنان و ابو شجاع وصح لسانكم عز الله امتعتونا بالقصيد الجزل الى الأمام و مشكورين و الصفوف ازهلوها |
الساعة الآن 09:01 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
