::: مـنتدى قبيلـة الـدواسـر الـرسمي ::: - لهجات الدواسـر .... ادخل وشارك لاهنت ...

صفحة 1 من 2

عرض 40 مشاركات من هذا الموضوع لكل صفحة

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

- - لهجات الدواسـر .... ادخل وشارك لاهنت ... (http://alduwaser.org/vb/showthread.php?t=23322)

الشكره الدوسري

03-01-2008 01:07 AM

لهجات الدواسـر .... ادخل وشارك لاهنت ...

السلام عليكم ورحمة الله وبركاته

كما يعرف روااد المنتدى ان لكل قبيلة لهجه تميزها عن الاخرى وأن كان في السنوات
الاخيره اندمجت جميع القبائل وصار هناك اناس يستحي ان يقوول بعض الكلمات التي
كان يقولها آبائه واجداده ماهوب عيب بالعكس يجب ان يعتز بلهجته والي ينكر لهجته فهو ناقص

وحبيت ان اذكر بعض الكلمات التى من ضمن قاموس لجهات الدواســر واتمني ان يدلي كل عضو بكلمه في هذا الموضوع ويشارك بما يعرف من بعض الكلمات التي تميز الدواسر

واذكر لكم بعض الكلمات الدوسريه:

شفتناها - عانه - وش قومك - خذينتاها

هذه بعض الكلمات الى بالى وارجو من الجميع المشاركه ويعطينا اللهجه الى كان
اجدادنا يقولونها

مع تحيات
الشكرى

محمد الحوشان

03-01-2008 01:25 AM

رد: لهجات الدواسـر .... ادخل وشارك لاهنت ...

اخوي بنسبه لوش قومه هاذي للقحاطين
الى ان كنتم انتم تكلمون فيها مدري.
لاكن الدواسر لهم وش وقعك

طـــــــيــر حوران

03-01-2008 03:38 AM

رد: لهجات الدواسـر .... ادخل وشارك لاهنت ...

بيض الله وجهك يالشكري على ذا الموضوع الحلو وبالنسبه لكلمة وش قومك اكثر مايقولهاا الدواسر والقحاطين وانا اشوف ان اقرب لهجه للدواسر هم القحاطين

الشكره الدوسري

05-01-2008 04:22 PM

رد: لهجات الدواسـر .... ادخل وشارك لاهنت ...

اقتباس:

المشاركة الأصلية كتبت بواسطة محمد الحوشان (المشاركة 266528)

اخوي بنسبه لوش قومه هاذي للقحاطين
الى ان كنتم انتم تكلمون فيها مدري.
لاكن الدواسر لهم وش وقعك

آآرحب يا محمد الحوشان
كلمة وش قومك كلمه مشتركه بين الدواسر وقحاطين

اقتباس:

المشاركة الأصلية كتبت بواسطة طـــــــيــر حوران (المشاركة 266621)

ووجهك ابيض

فعلاً كلمة وش قومك مشتركه بين الدواسر وقحطان

فهدالمحيسن

05-01-2008 04:37 PM

رد: لهجات الدواسـر .... ادخل وشارك لاهنت ...

مشاركة رائعه

محمد بن حنيحن

05-01-2008 04:39 PM

رد: لهجات الدواسـر .... ادخل وشارك لاهنت ...

قلت ميده
من بعض الكلمات

الشكره الدوسري

05-01-2008 11:27 PM

رد: لهجات الدواسـر .... ادخل وشارك لاهنت ...

اقتباس:

المشاركة الأصلية كتبت بواسطة محمد بن حنيحن (المشاركة 268208)

قلت ميده
من بعض الكلمات

عافاك الله على المشاركه الطيبه من وجه اطيب

تحياتي لك

عبدالله بن قويد

06-01-2008 02:37 PM

رد: لهجات الدواسـر .... ادخل وشارك لاهنت ...

أخر الكلام ((تنته ))

مثل شفتنته

الشكره الدوسري

06-01-2008 03:16 PM

رد: لهجات الدواسـر .... ادخل وشارك لاهنت ...

اقتباس:

المشاركة الأصلية كتبت بواسطة عبدالله بن قويد (المشاركة 268934)

أخر الكلام ((تنته ))

مثل شفتنته

حياك الله يا بن قويد

يعطيك العافيه على المشاركه

تحيااتي

ابو وليد

07-01-2008 09:08 AM

رد: لهجات الدواسـر .... ادخل وشارك لاهنت ...

السلام عليكم

الهناة

نجــــــــــديه

07-01-2008 09:33 AM

رد: لهجات الدواسـر .... ادخل وشارك لاهنت ...

مرحبا
معاك وحده عليميه مامر على قاموس عايلتنا مثل هاللهجه
مو تمد بس والله مانتكلم ابدا كذا احنا من اصلنا بالرياض وودي اتكلم بالهجه الدوسريه بس ماعرف
وحاب اسأل عن
وش معنى
شفتناها - عانه - وش قومك - خذينتاها
عانه واعرفه من العتبان يعني شفه او ناظر
بس الباقي ماعرف معناه
الله يعطي صاحب الموضوع العافيه
موضوع جدا ممتاز ورح اكون متابعه له
ولاعدمناك
دمتم بخير

ibnamer albadrani

07-01-2008 02:26 PM

رد: لهجات الدواسـر .... ادخل وشارك لاهنت ...

عانه :

كلمة اصلها دوسري ومنتشرة من الخرج وجنوب حاضرة وبادية

والعتبان ما ظهرت عندهم الا عقب ما نزلوا نجد حيثها كلمة ما تستعهمل في الحجاز

ويمكن دخول فروع نجدية في عتيبة انتشرت عندهم

الذيب العماري

07-01-2008 02:33 PM

رد: لهجات الدواسـر .... ادخل وشارك لاهنت ...

اماااااااااااااااا وش قومك

لا لا ما اظن

البدراني ابو محمد

12-01-2008 01:17 PM

رد: لهجات الدواسـر .... ادخل وشارك لاهنت ...

موضوع ممتاااااز
ننتظر المزيد وياليت كل واحد يكتب معنى الكلمة عشان يستفيد الجميع

محمدي

12-01-2008 02:23 PM

رد: لهجات الدواسـر .... ادخل وشارك لاهنت ...

الموضوع طيب
ويبيله مشاركة فعالة واكبر
من كلماتنا : ياطر جيبي، ابكييك ، الهناة، امحق نما ،مير، الوكاد

محمدي

12-01-2008 02:26 PM

رد: لهجات الدواسـر .... ادخل وشارك لاهنت ...

:18: الموضوع طيب
ويبيله مشاركة فعالة واكبر
من كلماتنا : ياطر جيبي، ابكييك ، الهناة، امحق نما ،مير، الوكاد:d6:

سالم الحراجين

12-01-2008 02:36 PM

رد: لهجات الدواسـر .... ادخل وشارك لاهنت ...

جبتها-وديتها خذيتها

اشكرك على طرح الموضوع

ابومحمد الدوسري

12-01-2008 06:21 PM

اشكرك على طرح هذه الموضوع

الشكره الدوسري

13-01-2008 10:53 PM

رد: لهجات الدواسـر .... ادخل وشارك لاهنت ...

بيض الله وجيهكم على المرور والمشاركه

تحياتي لكم

الداء السائر

13-01-2008 11:56 PM

رد: لهجات الدواسـر .... ادخل وشارك لاهنت ...

يخشق = ينصرف بسرعه لوووووووووول

تقبلوا تحياتي

الهول الودعاني

19-01-2008 02:17 PM

رد: لهجات الدواسـر .... ادخل وشارك لاهنت ...

يــــتــــم= كلمه تدل على الاستغراب
مشكووووور اخوي الشكري على الموضوع

تركي المسعري

19-01-2008 10:52 PM

رد: لهجات الدواسـر .... ادخل وشارك لاهنت ...

لاهنت اخوي الشكره الدوسري على المشاركه الرائعه

ابن حنيش الودعاني

19-01-2008 11:10 PM

رد: لهجات الدواسـر .... ادخل وشارك لاهنت ...

اشكرك على هالموضوع
مـــــــــــــــــــــــــــــــــــــــــــــــــ ـــيــــــــــــــــــــــــــــــــــــــــــــــ ـر & أها
مير وش قومك ماهي لقحطان
تقبل المرور وفالك الجنه

ولد ودعان

22-01-2008 11:18 AM

رد: لهجات الدواسـر .... ادخل وشارك لاهنت ...

بيض الله وجهك يالشكري على الموضوع

تقبل فائق احترامي وتقديري

ولد ودعان

قاتل الوقت

24-01-2008 01:23 PM

رد: لهجات الدواسـر .... ادخل وشارك لاهنت ...

الله لا يهينك على هل الموضوع

أبوعبدالله الحقباني

24-01-2008 02:02 PM

رد: لهجات الدواسـر .... ادخل وشارك لاهنت ...

ألف شكر لصاحب الموضوع و الأعضاء أيضاً الي تفاعلوا مع الموضوع

الحقيقة انا وضعت في موضوع مستقل بقسم الصوتيات والمرئيات ملف صوتي وهو يتكلم عن اللهجات الدوسريه وهو مقطع صغير
أتمنى منكم الأستماع له
وهو على هذا الرابط

http://alduwasser.com/vb/showthread.php?t=23079

وتقبلوا تحياتي ,,,

فهد بن مبارك الودعاني

01-02-2008 04:46 AM

رد: لهجات الدواسـر .... ادخل وشارك لاهنت ...

من كلماتنا :-
جيتناها.
رحتنالها.
يالله أفرق بيني و بينه.
هذا اللي عندي و عذروني على التقصير....؟

تقبلو مني أرق التحايا و أعذبها من أخوكم...

المهلب

01-02-2008 05:25 AM

رد: لهجات الدواسـر .... ادخل وشارك لاهنت ...

والله صراحه الموضوع هذامهم خاصه في زمنا هذا علما ان هناك مؤلفات عن لهجات القبايل مما يدل على أهميتها من هذه الكتب كتاب لهجة شمر وكتاب آخر للعبودي بعنوان كلمات قضت. والحقيقه عندي أوراق سبق أن جمعتها عن هذا الموضوع بالذات,ولكن على عجاله سأذكر منها التالى:
(1) مدري:أي لاأعلم.(2)تنته وتنتها في أواخربعض الكلمات مثل خذيتنته أو خذيتنتها :أي أخذته.(3)هجل: تأتي في الغالب مع كلمة ويش مثل هجل ويش, أو هجل أيش ,أوهجل كيف :بمعنى إذاً ماذا , أوإذاًكيف وهي لها عدة أستخدامات اخرى .
(4) مير: وتأتي مع عدة كلمات مثل مير عاد ,ميرأني أو ميرأنك:بمعنى بس (السببيه), مثل بس عاد أو بس أنك :أي لأنك ولها أيضا عدة أستخدامات وتختلف معانيها بأختلاف سياقها في الجمله.(5) هماك أو هماني: بمعنى ألست كذا أوأنا كذا........ وغيرها الكثير وأفسح المجال للمشاركه من الأخوه الكرام.

قاتل الوقت

10-03-2008 03:54 PM

رد: لهجات الدواسـر .... ادخل وشارك لاهنت ...

أنا الي أعرفها وش وقعك... عطيناه ...خذيتناه...مير...غدية....كود

أسمحوا لي على القصور

بن جريس الخييلات

13-03-2008 02:41 PM

رد: لهجات الدواسـر .... ادخل وشارك لاهنت ...

يامودمي احلى كلمه دوسري
لوووووووووووووول

الشكره الدوسري

13-03-2008 11:08 PM

رد: لهجات الدواسـر .... ادخل وشارك لاهنت ...

احب اشكر كل من شاركني في الموضوع

واقول بيض الله وجيهك يا عيال العم

والله لايهينكم

تحياتي لك
الشكري

الشكره الدوسري

13-03-2008 11:10 PM

رد: لهجات الدواسـر .... ادخل وشارك لاهنت ...

دبيرتن محقه = عمل سيئ

امحق مره = طبعن سيئ

بصره = بكيفه

الهمام = استعجل

النايفه

14-03-2008 04:22 AM

رد: لهجات الدواسـر .... ادخل وشارك لاهنت ...

موضوع جميل اتمنى الكل يشارك بكلامه حتى تعم الفائده

لكن استغربت من بعض الردود ان كلام الدواسر وقحطان متقارب القحاطين اخوان

والنعم فيهم لكن نحن بصدد تاريخ لهجات اي نتحرى الموضوعيه بالطرح

حقيقه خالطت قحاطين وفرررررق شاسع بين اللهجتين مثل

اللام عند قحطان تكون مخففه ( قلم , قلب , قلاده .. الخ

لكن الدواسر هنا ينطقون الام مفخمه , كما لوكنا ننطقها باللغه العربيه الفصحى
ايضاً الدواسر يقولون عيال لكن قحطان
يقولون عوال

كلمة يتفا ضخون عندهم أي يتهاوشون

لكن نتيجة تواجدهم الأن بنجد تأثرو ا بكلام الدواسر

من كلمات لهجتنا اللي تحضرني الأن :

مـــــــــــيـــر

مـــــــــــيد

ذا الحزه اي في هذا الوقت

صــــــــــــدز اي صدق

تسلب وتسبد اي كلب وكبد

اقطع واخس

اعقـــــب

خصيم نفسه

14-03-2008 01:07 PM

رد: لهجات الدواسـر .... ادخل وشارك لاهنت ...

بلى
وش قومك يابو محمد مابلى الورع راح وتأخر علي

ال مخيزيم العمور

14-02-2010 02:20 PM

رد: لهجات الدواسـر .... ادخل وشارك لاهنت ...

ايضا من الكلمات :ميده -دعثه-مير --الخ---

حمد الصعب

24-02-2010 10:16 PM

رد: لهجات الدواسـر .... ادخل وشارك لاهنت ...

مشكوور ياخوي على طرح هذا الموضوع
>من الكلمات بس ماتاكدت > حرف التساء للمؤنث هذا الي سمعت والي عنده
العلوم يقولي

نآصر البدراني

25-02-2010 02:32 PM

رد: لهجات الدواسـر .... ادخل وشارك لاهنت ...

الله يعطيكم العافيه جميعاً على المشاركة

أشوف ان لهجات القبايل متقاربة عدا عتيبة

لأنها قبيلة حجازية في الأساس ,,

أرحب ==> سلمه ==> كلمة دوسرية

مشكور يبن جري ، ولاهنت

البدور

25-02-2010 02:58 PM

رد: لهجات الدواسـر .... ادخل وشارك لاهنت ...

انا بدخل عرض على الموضوع ...... والسموحة منكم
بما اني عامرية ... فبخبركم ببعص الكلمات الي الان نتخابر بها ..
خرووون يعني غيرو الموضوع اذا جا غريب...
غدوة يعني باكر
خيبن ويش يعني شو قاصد
لويش يعني شو او ليه

هذا بعض الكلمات والمعروف عندنا كلماتنا غير مفهومة لبعض الناس ..

بس الحمدالله متمسكين به

شافي بن راشد النتيفات

25-02-2010 10:14 PM

رد: لهجات الدواسـر .... ادخل وشارك لاهنت ...

حبيت اشاركم واشكركم على هذا الموضوع

( مدري كلمة يشتهر بها الدواسر , المعونة تقال بعد السلام ، ماذهبته اذا سأل عن شئ الطعام يطلق على جميع الاعلاف الماخوذ يشار على شئ بزعل )

زهر النوّار

26-02-2010 08:40 AM

رد: لهجات الدواسـر .... ادخل وشارك لاهنت ...

موضوع مهم

وانا عندي خبرة بهالموضوع لانه يعجبني كلام ربعي و قريباتي اذا جونا من السليّل والوادي

الحوي = البيت

من = مين ( اذا انا قلت مين يتطنزون علي :) )

توقّع = اي شوي شوي او انتبه وانت تمشي

جعلني قبلك

جعلني ماابكيك

جعلني ماتبّدل فيك = كلمة تقال للتحبب (اعتقد واضح معناها)

الله لايبيّن غلاك = يعني ان شاء الله مايصير مصيبة تبين محبتي لك

ياشق جيبي

ياويه = للتعجب والاستنكار

ينشده = يسأله

ياويحي ويحاه = للتوجد

(قلب الواو الى الف في بعض الكلمات : وتسمى الامالة الدوسرية ) مثل (الراشن) = الروشن

(الهادج) = الهودج

نافداك = انا أفديك

أختك ياصبي = عزوة تعتزيها المرأه بأخيها أحيانآ

أخوتس يالبنت = عزوة يعتزي بها الرجل احيانا

أيت = تعال

جعله يسقى = للتوجد عند تذكر الشيئ المحبوب

ياعوينه = كلمه تقال للتعاطف

ماجور = كلمة تقال اثناء السلام

وش تيّاه = وش هذي ... تنقال للشيئ الصغير لووووووووووول

الزدح = القدر

عوّد = رجع

جعله أول = كلمة تشجيعيه مادري وش معناها

جعله اتلى = كلمة تحطيمية مدري وش معناها ههههههههه

يابلفيت = (أعرف معناها بس مدري كيف اشرحها )

يامال فرقى العين = (شرهتكم على اللي يعرف معناها )

دابلن كبدي أو دبلت كبدي = مزعجني او ازعجتني

والله آفيك = كلمة تهديد ووعيد .. يعني والله لا أوريك

السحلة = الطاسة ( وتستخدم احيانا لوصف الشخص الكمخة اي الغبي ) ههههههههه

وعندي كلمات سب وشتم عجيبة بس مااقدر اقولها :icon10:

هذا اللي يحضرني الحين .. واذا تذكرت شي خبرتكم :)

الساعة الآن 08:57 PM

صفحة 1 من 2

عرض 40 مشاركات من هذا الموضوع لكل صفحة