أي والله اطنخ وانطنخ وارفع الراس = لاقالوا اني بالهويه سعودي
من روس قوم وطيب الساس لي ساس = وبلادي الحره تغيض الحسودي
صدق انتمائي وانتسابي والاحساس = للاسره اللي عن سواها تزودي
ال سعود اضحواللامجاد مقياس = اسرة وفاء بالشعب تصعد صعودي
وتقودنا للعز والاسم نوماس = مصدر فخر للشعب حضر ونفودي
استرجع الذكرى معا كل هوجاس = من عهد ابو تركي زعيم الاسودي
وافل صفحات تلالات بقرطاس = بيضا وغير الحبر مافيه سودي
اسطورة التاريخ تحكي بها الناس = عبدالعزيز المعجزه بالوجودي
اللي خطف من بين فكين واضراس = عذرا تسما به رقت للسنودي
موحد الامه على خير نبراس = مازال نهجه في عياله يسودي
ارث مليك بالعرب ماله اجناس = ملك القلوب اللي نباه محمودي
خليفة الاسلام للدين حراس = خادم بيوت الله وعنها يذودي
عطب الضرايب عادته من الارماس = وتفكيره ارحب من الفضا والحدودي
بنك العطا للشعب مايعلن افلاس = باسط يمينه بالمكارم يجودي
تحيا به غصون من الوقت يباس = غيث عطا يمناه يروي الكبودي
من غير ابو متعب للامداح لباس = ومدح يجنب عنه مافيه فودي
ارسل في مدى الشعر عساس = وايتيه في بحر العظيم ويعودي
لوني ببحر الشعر سابح وغطاس =في بحره الطامي تخون الزنودي
ولو القصايد تنكتب در والماس = ولو هي تعلق كاالقلايد ورودي
تبقى كلامن ينكتب فوق كراس = ارتبه باحساس حسب الجهودي
والا ملكنا كل ماهب نسناس = شعبه عطاه اعظم ولاء بالعهودي
اغليه واغلي تربتن فوقها داس = والله وخلق الله عليها شهودي
حلمي يابو متعب قبل قطف الانفاس = تقبيل كتفن يحتمل كل كودي

المشاركة الأصلية كتبت بواسطة ســـاري (المشاركة 261381) بيض الله وجهك يابن بطحيه وصح السانك

المشاركة الأصلية كتبت بواسطة بوحمد الحمد (المشاركة 262754) ال سـعــود اضحوالـلامـجـاد مـقـيــاس اسـرة وفـاء بالشعـب تصعـد صعـودي وتـقـودنـا لـلـعـز والاســــم نــومــاس مصـدر فخـر للشعـب حضـر ونـفـودي استرجـع الذكـرى مـعـا كــل هـوجـاس مـن عهـد ابـو تركـي زعيـم الاسـودي وافــل صـفـحـات تـــلالات بـقـرطـاس بيـضـا وغـيـر الحـبـر مافـيـه ســودي حسن بيض الله وجهك وصح السانك ولاهنت ولاهان السانك العسل ياغالي ولاتحرمنا من كل جديد تقبل مروري

المشاركة الأصلية كتبت بواسطة تناهيد! (المشاركة 262863) صح الله لســـــااانك واعتلا شــــااانك ونعم والله بالسعوديه واهلها وحكامها الله لايهينك / تناهيد /

صح الله لسانك وسلم بنانك

قصيده وافيه كافيه شافيه

ولاكن لي ملاحظه على عجز هذا البيت


هل انزل الله الملك عبد العزيز طيب الله ثراه ليكن معجزه

وان كان القصد غير ذلك نرجوا التوضيح


تقبل خالص ودي

صح ألسانك يابن بطيحه

وجعل يمينك سالمه على ماسطرت لنا من أبداعك الطيب


والله يحفظ السعوديه وأهلها وحكامها من كل مكروه

لاهنت وتقبل جزيل شكري والتقدير

المشاركة الأصلية كتبت بواسطة بدر العجالين (المشاركة 269452) الشاعر / حسن الودعاني.. صح الله لسانك يالمطنوخ ولاهنت.. كتبت فأبدعت.. تقبل تحياتي،،

المشاركة الأصلية كتبت بواسطة بنت الاشراف (المشاركة 272970) صح لسانك وبيض الله وجهك على هالقصيده الرائعه لبلد ولا اروع

المشاركة الأصلية كتبت بواسطة ابن حنيش الودعاني (المشاركة 275410) ابن بطحية انت تفتخر بانك سعودي ودوسري وتمدح الملك عبد العزيز ومن خواله خواله الدواسر ليش ما يحكم الولد وان طاب طيبه من خواله تحياتي لك تقبل مروري واحترامي والتحية