يالله يالمعبود يامنشي الغيوم = يا ذا الجلال الي على خلقه رحوم
يالمعتلي يفارجن كل الهموم = انت الالاه ولالنا غيرك الاه
سلام ياشيوخ فعايلهم تعد = شيخان عز من على أب وجد
انتم ذرا ونا لكم درع وسند = وانتم لنا وانا لكم مامن غناه
سلام مني يامطوعه العنيد = ياأهل الوفاء والراي السديد
يا محزمي في الضيق ياسيف الحديد = يفزعه المشتكي مما دهاه
يازين والله شوفكم دايم جميع = ياأهل الوفاء يمطوعه مالايطيع
انتم حماه الدار والحصن المنيع = وانتم كما نجم تعلى في سماه
جمع القبيله دوم يرفع شانها = وترا تفرقها يهز اركانهاااااااا
وماتجتمع الابجمع اعيانها = ولعتصام بحبل من نرجي سواه
حطو المزاين للبعيد ولللقريب = وقاموبها ربعن يحلون الصعيب
دواااسر لعوى ذيب لذيب = ابشربهم كلن حضر وجهن وجاه
يعيش رجلن لادعى الداعي حضر = لاصد في الشده ولادور عذر
كريم سبلاء مايحسب لوخسر = وليا عطى ماتلحق المنه عطاه
حنا الدواسر ماذكر فينا ردي = والطيب ملك التغلبي والزايدي
ورجالنا وصله كما وصل الجدي = وقت الشدايد سعد رجال نصاه
حنا أهل الناموس موفين العهود =أهل الكرم والجود حامين الحدود
ولامن نصانا الضيف نذبحله قعود = ونفوسنا ترخصله ونتبع هواه
حنا أهل العليا وحنا أهل الكرم = وفعل الكرم طبعن لنا منذ القدم
عيب علينا نبيع مانا واللحم = وفعالنا تشهد بها كل الرواه
يشهد لنا جريس اليماني بالجميل = يوم جانا يشكي الحمل الثقيل
شلنا حموله ثم عطيناه النخيل = وعود بذود شوفها غايه مناه
وجانا الهلالي هو وربعه ضايعين = عامر بن بدران سقم المعتدين
ذبحلهم خمسين مع زود اربعين = تسعين من البل ذبحها يوم جاه
وحنا ودينا الجار والسبة جدار = وهذي لنا رمز وفخر واغلى شعار
ونرفع خمال الجار لو الجار جار = ومن سلمنا الجار ناسمله عصاه
والشمري يشهد لنا بيومن عبوس = في يوم حرب كنها حرب البسوس
موتره شليناه في سبعه جموس = ساعه وقف والحرب داير في الرحاه
نخا الدواسر قالو انا لك حزام = ولي معه ربعن يردون الجهام
الاد زايد مرويه حد الحسام = الكل منهم شاش يوم انه نخاه
فوكوه ثم فوق المواتر حملوه = وحمله على كل المواتر وزعوه
خويهم والكل منهم كنه اخوه = نجا بفضل الله ثم فضل اخوياه
وهذا الخوي يوم وسط البير طاح = ثم انكسر ماله جدا غير الصياح
زهم خويه والخوي ماعنه راح = وحتار في وضعه وهم في أرض فلاه
ذبح ذلوله قال عنك الهم زال = ساعة ذبحها جلدها حطه حبال
ونزل عليه وطلعه وافي الخصال = ونجا الخوي والرب كاتب له نجاه
ويشهد لنا بن مطرف بيوم مخيف = نصا الدوااسر يوم جلاه الشريف
ودخيلنا منزاله براس المنيف = زبن علينا وحن مزبنة الجناه
جانا الشريف يقود قوم وعسكرا = يقول في حربكم لاسمع لارا
وقلنا ابشر بسيف ابترا = وبالسيف والبارود داوينا عماه
وحنا أهل البل من قديمات الليال = ماجتنا استرفاد ولا بدفع مال
ورث لنا وثمانها بيض السلال = وياما حميناها من يدين الغزاه
البل عطايا الله لها مجد قديم = ولايملك البل كود رجال حشيم
والبل ذكرها الله في القول الحكيم = وناقه نبي الله خلقها من حصاه
وشاعر مايمدح لابته مافيه خير = ولاخير في شعر ينزل مستواه
وختامها مني صلاه على النبي = على الرسول الهاشمي واليعربي
اعداد من يقرا ومن يكتبي = وعداد من زار الحرم وأدا الزكاه