1 الى اقبل ظلام الليل واقفى شعاع النـور=تدنيت جمـس كامـل الوصـف بوصوفـه
2 على غاية الركاب لا من عطـاه الجـور=سوات الفريد اللي عطى الربع مـن خوفـه
3 يفـز وينـز وراكبـه دايـم مـسـرور=جديـد وعنيـد راكبـه مـاحـد يطـوفـه
4 يبي حزة المقيال فـي مجلـس مخبـور=وسيع الرباع اللـي تباشـر بـه ضيوفـه
5 مقر النشامى واشقر البـن فيـه يـدور=وراعيـه ماحسـب خسـارات مصروفـه
6 على نفقة الفصـام ذبـاح جـل الخـور=يعشـي عشـا العشـرة ثلاثيـن مردوفـه
7 جزيل العطا فوق الوطا مشكل ومنعـور=خذا الجـود ابـو فهـاد بافعـال معروفـه
8 عليه الثنا مـردود مـن شاعـر مامـور=الـى قـال قـول مـاورا قولـه حسوفـه
9 على الصدق والبرهان حاشى نقول الزور=ونفسي ترى ماهي علـى الـزور مكلوفـه
10 احب المدايح في هل المـدح بالمقـدور=واحب الامـور تصيـر حـرة ومكشوفـه
11 عسى الله يخيب حظ رجل يغط النـور=ويبـذر بـه المعـروف ماكنـه يشـوفـه
12 تـروح العمـار وتنقضـي والصـدور=تفوروكم واحد يحـذف ولاشـاف حاذوفـه
13 ولاشك من يرقى العلا مايروح حـدور=يعلـيـه فعـلـه والشياطـيـن مكتـوفـه
14 مشينا وشرفنـا علـى عاليـات القـور=وشفنـا حـرار فـي حجـا راس نفنوفـه
15 يسير القدم بالشف والعين لـه سابـور=وكـل علـى هجسـه يسوقنـه شفـوفـه
16 أحب أمدح المشكل على فعله المذكـور=عريب الجدود اللـي تقـوى بـه ضعوفـه
17 وياكاتب الحسنى على صفحة المنشـور=حسانيـك يـا الفصـام بالبـر مخلـوفـه
18 بذرت الجميل وناشنا طيبـك المبـذور=لحقنا الربيـع وصـارت الـدار مصيوفـه