::: مـنتدى قبيلـة الـدواسـر الـرسمي ::: - بيني وبين ابن مسرع وهباش المخيريمي

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - بيني وبين ابن مسرع وهباش المخيريمي (http://alduwaser.org/vb/showthread.php?t=17264)

بيني وبين ابن مسرع وهباش المخيريمي

ارسل لي شاعرنا الكبير نايف ابن مسرع اربعه ابيات بالجوال على طريقه مداعبه وحقيقه تشرفت بتوجيه هذه الابيات كونها تجي من شاعر بمكانه ابن مسرع وكان الطرف الثالث هباش المخيريمي احد الاصدقاء اللي حقيقه معرفتهم يفخر فيها الرجل وكانت على النحو التالي
ابن مسرع

شوتنا هبوب الصيف والشام ماتناش=ولنا يدين عن جمع الدنانير مصروفه
نمر الجمام الراهيه والكبود عطاش=ولانردها مادامها جات محفوفه
مادام الجميل لحافنا والمديح فراش=يكفي وباقي باق الاطماع مخلوفه
تجهز يابو خالد وسلم على هباش=ضباب الجنوب لزووم بعيوننا نشوفه

المسعري

على خوه اهل العز والجود ندفع كاش=دنانيرنا لاهل المواجيب موقوفه
توكلتنا بالله وعزمتنا المطراش=مع اللي مواقفهم على العز معروفه
رجالاً معرفتهم تزيد الطنخ شوباش=ووقفاتهم بالعسر واللين مألوفه
توكل على الله يابن مسرع وخذها كاش=تراء صاحبي هباش لابد وتشوفه
على وارد اليابان لاهاب ولد اللاش=يجيك المنيعي مايحسب لمصروفه
عوائد هل الوقفات ماهي تجي بخشاش=زحازيح قوماًللملاقيف ملقوفه

رد هباش

على خوه اهل الطيب والعز ندفع كاش=ولوكان ننحر فاطر العود مشعوفه
زعامتك يانايف ولاخوه ابن اللاش=لو نسومها بالمال ماتثمن ألوفه
ولايهون ابو خالد رعى الطيب والشوباش=رفيقاًقديم وخوته دوم معرووفه
ضباعين اهل وقفات قدم الرفيق هشاش=ولامن زبنهم جالي(ن)فرجوا خوفه
ضباعين واحدهم الى جاء اللقاء ثم هاش=تحطم سيوف الهند في مقبض اكفوفه
من الاد ابن مسعر لاجاء العلم فيه نقاش=تواريخهم مع ماض الازمان معروفه
وانا حاظراً بالحال والمال والرشاش=ونفسى على خوة هل الطيب مشغوفه
وانا اقول لك قدام ومن انثنى ماعاش=وانا محزمك لاصدك الوقت وصدوفه
نبي نسوجها من قبل يطوى علينا الشاش=وكل الخساير يافتى الجود مخلوفه
نبي ناصل دياراًسماها سحب ورشاش=ديارالطبيعه بالبها دوم معروووفه

وسلامتكم