أشــــره عـلـيــك الــيــوم يــــوم أنـــــت غــالـــي =لـــو مـأنــت غــالــي فــيــك لا أعــتــب ولا أرجــيــك!
فـعـلــك تــــرى فـيـنــي فـــــلا هـــــو حــلالـــي=وشـفــيــك تـجـرحـنــي وأنـــــا الــلـــي مـصـافـيــك
جــرحـــك تـــــراه يــفـــوق كـــبـــر الـجـبــالــي=يــومـــك مــكـــان الـــــروح مــأحـــد" يـســاويــك
عـــــــذال وقـــتــــك والــحــكـــي والـمــقــالــي=دايــــم تــجــي مــــن عــنــد واحـــــد مـعــاديــك
والله أنـــــــا مــنــســـاك مــهــمـــا جـــرالــــي=أرجــيـــك تـســمــع قـلــبــي الـــلـــي يــنــاديــك
مـشـكـلـتــي أنـــــــك بــالــغـــلا رأس مـــالــــي=روحـــــي وفــكـــري كـــــل يـــــوم" تــخــاويــك
قـــــدرك عــلـــى رأســـــي وبـالـقـلــب عـــالـــي=ومـاظـنـتـي في يوم قلبي يجافيك

ضميت جمر الشوق في ظلمة الليل=وعانقت بعيون الغلا كل مافيك
ياورد ياعنبر ويانكهة الهيل=ياحلا لقى عشته وانا بين اياديك
من نور وجهك يخجل البدر وسهيل =وحتى جمالك يستحي مايجاريك
انتي حيـّا مزن" صدوق المخاييل=وانت عيون الحب في قلب مغليك
وانتي معاك الهرج عذب التعاليل=عسل كلامك ياغلاتي يحليك
وانتي منى الماضي وحلم المقابيل=بالله ياريم الفلا من يساويك
وانتي لحن فيه اتغنى مواويل=وماظنتي يطربني الا غناويك
انسى الشقى وياك واقسى الغرابيل=احد يجيه الهم دامه يحاكيك
دامك لي انت الكيف فانا المعاميل=تعال عندي وبالمشاعر باقهويك
واطفي لهيب الشوق في ظلمة الليل=واعانق بعين الغلا كل مافيك

شفتك ولاعاد شفتك يانظر عيني=يومين كنها سنين" ياهوى بالي
بكيت من حر..مابي ليت توحيني=ترحم عيونن غدت للهم مدهالي
في كل ساعه أطالع يمكن أتجيني=يرتاح قلب" وعين"سهرها طالي
لاقادر أصبر..ولاأكتم عبرة" فيني=ولا لي طريقه على المسيار يالغالي!!
حتى هلي يسألوني وش مشقّيني=وأقول طيّب وأبشركم أنا سالي
أكتم غرامك ونار الحب تكويني=أحاول أخفيه..لكن ..بان في حالي!!
دخيل قلبك..وعينك لاتخليني=معاد قلبي على فرقاك يحتالي
لو ربع ساعه ترى والله تكفيني=يطفي لهيب" بقلبي والحشى صالي
والله يابعد روحي لو تشوفيني=كان أن دموعك تهل ومالها تالي
ألحين وينك!!حبيبي وشوف أنا..ويني=عقب القاء صرت أجر الصوت بالعالي