الله انـه يقبـل الجيـب ومسيـره = لو مطبه شيـن والمركـب ذنانـه
صنعتـة قمـة وماركتـه شهيـرة = حافه اللي حاز في شغلـة الامانـة
حافه اقطم خشم والقامـة قصيـرة = ناجـح التصميـم خـوّان الديانـة
اجتهد في الجيب وانصح من ضميرة = ومن عيوب الصنع والتقصير صانه
واستحق اعلى شهادة مـن مديـرة = ونفـذوا جملـة تصاميمـه فوانـه
صـدروا منّـه مديـلاتٍ كثـيـرة = والوكيل اصدر معه دفتـر ضمانـة
يوم ناضره الخبيـر اللـي يديـره = قال خمس اسنين ما يبغـي صيانـة
منوة اللي نـاويٍ ياصـل عشيـرة = ودونه السرحـان يقنـب بعويانـه
ان بغى المرواح ياصلـه بسفيـرة = وان غبش باشره كـلٍ فـي مكانـه
لا ضرب فالعرق عشق سن قيـرة = مـا يهمـة عالـي الخـد وطمانـه
وان ضرب له تختخٍ تسمع صفيـرة = وانتله يومـي سـوات الخيزرانـه
لا غدا عجـه مثـل عـج المغيـرة = زين والله من ورا العـج ازميانـه
من شرا له جيب ما يرضى بغيـرة = كود من حده ردى الحـظ وزمانـه
كنه سيفٍ لا سحبتـه مـن جفيـرة = يعجبك فعلـه وفـي زيـن المعانـه

الشاعر الكبير سالم بن صمهود صح الله لسانك واعتلا شانك ، قصيدة جزله ورائعه ، وليس غريب عليك كل ماهو جزل ورائع تقبل تحياتي وتقديري,

سالم صح اللسانك مبدع ماشاءالله عليك تحياتي لك

الشاعر الكبير سالم بن صمهود صح الله لسانك واعتلا شانك ، قصيدة جزله ورائعه ، وليس غريب عليك كل ماهو جزل ورائع تقبل تحياتي وتقديري

صح لسانك و عتلا شانك و بيض الله وجهك لا فض فوك

اقتباس: صح الله لسانك يا ابو صمهود قصيدة جز لة ووصف رائع الى الامام ولا تبطي بجديدك ووالله انا نفرح بالشاعر اللي مثلك في جزالته وشاعريته وحبكه وسبكه مبدع الى ابعد حد وسجل اععجابي اخوك ابن ذيب الودعاني

الشاعر سالم بن صمهود لاهنت وبيض الله وجهك على هذي القصيدة الجزله وصح الله لسانك ملاااااااييييين يالقرم وعسى عمرك طويل تقبل فائق احترامي ابوجمال الغييثي

صح السانك يابو صمهود على هالقصيده الي تطرب اخوك/فارس الكلمه

صح السانك يابو صمهود على هالقصيده الي تطرب اخوك/فارس الكلمه

سالم بن صمهوود صح السانك ولاهنت على الكلمات الرئعه والله تبيض الوجه تقبل مروري

ياسلام ياسالم صح الله السانك واعتلى شانك تقبل مروري وتحياتي

صح لسانك