::: مـنتدى قبيلـة الـدواسـر الـرسمي ::: - قصيدة أخرى أتمنى أن تحوز على رضاكم

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - قصيدة أخرى أتمنى أن تحوز على رضاكم (http://alduwaser.org/vb/showthread.php?t=13997)

قصيدة أخرى أتمنى أن تحوز على رضاكم

-------------- في البداية أحب أن أن أقول= السلام عليكم ورحمة الله وبركاته------------
--------------------------------------
مما لاشك فيه أن لكل منا صديق قد أخذ موقعه في قلبك فتكن له المحبة والوفا
والتقدير والإحترام ولكن هل دامت تلك الصداقه ---؟ فالموقف البسيط قد يعكس كل شيء
--------------------------------------------------------------------------------
وهذه القصيده تعبر عما أحسسته من تغير الأصحاب وكتبتها لأعبر عن الألم الذي ألم بي
وهذه مراسله مع الشاعر =هندي بن نابت الدرع الغييثات
-----------------------------------------------------------------------------------------------------

الليل راح ومابقى الا قليله = والشعر يرفض يابوتركي يجيني
والبيت لاجاني أعودواشيله=أخشى من الي بالشعر فاهميني
ودي يصير بمستواك بجميله=وانته ثمين وتستحق الثميني
والحر عقله يابن عمي دليله= والدرب أشوفه يابوتركي بعيني
واجود احبالي بظهر الاصيله=واسامر انجوم تغيب وتبيني
واذاوقفت وصارفالعلم ميله=أصبرواعصب الراس والله يعيني
واذكر همومي بين ليله وليله=وانظروش الي باقي في يديني
واذكررفيقي يوم انامرتكيله=ألي أشوفه بالشدايد عويني
أقرب وهويبعد ورجلي تجيله=أمقدر رفقة شهور وسنيني
ماكنتنا أرضى ياسنيدي بديله=وماارضى أشوف الماش بينه وبيني
راحت ليالينا بعزوفضيله=وصارت همومي كل يوم اتحديني
واليوم أشوفه مقفي في سبيله=وان كان قفى ماني والله مهيني
نفسي عزيزه ماتحب الهزيله=أرقى سنود وغايتي تحتريني
أرقى وهمي ياسنيدي أشيله=بين الضلوع الحانيه يكتويني
هم يزاورني ويقدح فتيله=ولامن هدا عود علي يبتليني
رفقه على غير المعزه فشيله=قطعة وجه قامت تبين بجبيني
أصبرواصدودمعتي مستحيله =ماهلها والدمع غالي ثميني
بنسى زماني والحمول الثقيله=كيف التفت واناحزامي متيني
وان ضاقت الدنيابحال وحيله=جريتنا الطاروق والعب هجيني
والشعربراقه يهدالمخيله=لامن سطع شب الخفوق بحنيني
ياصاحبي وانته علومك جليله=مثلك يخط الخط عدل رزيني
شورك يابوتركي عليناجميله=حيثك فهيم بالمعاني فطيني
مثلك مجرب قالليال الطويله=شاف الزمان وشاف شي يشيني
يامحزمي بالضيق راع الكحيله=ياسيفي الي تفتخربه يميني
هات الجواب وصاحبك يحتريله=متشوق لابيات شعرك تجيني

وسلامتكم ------
ورد الشاعر قريبا بأْْذن الله~~