|
كلمات على وشك الانقراظ
السلام عليكم ورحمة الله وبركاته
اخواني هذه كلمات مختاره من معجم (( كلمات قضت )) للشيخ محمد العبودي معجم بألفاظ اختفت من لغتنا الدارجه او كادت بعض هذي الكلمات مازلنا نقولها وبعضها ما ندري عنها او يمكن لها معنى ثاني عندنا عموما هذي الكلمات ملخصه ومنقوله : ساج : الحمل على ظهر البعير اي مال قليلا السايع : المتطفل الساقة: مؤخرة الركب سبيب الفرس: شعر ذيلها السبوح: خصائل الشعر السبر و السبار: عين الغزو الذي ينظر لهم الطريق السباهين : ملابس نسائيه من الحرير ومفردها سباهي السجاجة: الناقة السمحة السير الأسحم: الأسود سواد غير فاحم السرجوف:الأضلاع من عظام الصدر وجانبيه السعر: الذئب او الكلب المسعور السفيفة: زينة من الجلود تتدلى من رحل البعير وجمعها السفايف المسقوف: نوع من البنادق القديمه وينسب الى موسكو عاصمة روسيا السمر: شجر صحراوي صلب يستخدم خشبه كوقود جيد للنار السمردحه: الارض الواسعه المستويه السمل: الخلق من الثياب السهموج: الفتاة الطويله الجميله السناف: ارض حجريه ممتده دون ارتفاع وهي أعلى من الارض وأقل من الجبل وجمعها سنفان ولنا تكمله ان شالله مع كلمات اخرى وسلامتكم |
بيض الله وجهك على هالموضوع الطيب...
بصراحة فيها كلمات اول مرة اسمع بها.... تسلم على هالمعلومات الطيبة... |
لاهنت يابومشنان على العلوم الطيبه. مثل ماقال القايل ((لبى سرجيف قلبك)). تقبل تحياتي,,,,, |
هلابك يا غياث و وجهك ابيض
وشاكر لك مرورك ولا انت يا ابو هادي ( وترى توقيعك عاجبني ) وعاد باقي تكمله ان شالله |
لاهنت اخوي وبيض الله وجهك وفي انتظار البقيه
تقبل تحياتي،، |
سالم الغريري لاهنت يالقرم
|
بيض الله وجهك ياسالم على المعلومات القيمه وفي انتظار الباقي
تقبل تحياتي ,, |
السلام عليكم ورحمة الله وبركاته
هذي تكملة الموضوع الشاخ: الفضه الشاش: نوع من العطر الجيد الشترا: العنز قصيرة الأذنين المشخص: نقد ذهبي قديم شخانيب الجبال: مرتفعاتها ورؤسها شذرة السيف: حده القاطع المشعاب: عصا معكوفة الطرف الشعثا: التمر يعبك ويبعد نواه ويخلط بدقيق الاقط والسمن ويسخن على النار الشغموم: الشجاع الشهم خفيف الحركه الشلايا: بقايا الشي وتقال ايضا شلاوي المشلشل: رمح قصير فيه اربع حلقات صغيره اذا حرك صار لها صوت الشمحوط: الرجل الطويل القوي الشمطري: نوع من الزباد يستعمل كطيب للنساء ويوضع احيانا على راس عود في اناء القهوه الشمله: العباءة الخلقه شهلولي: ماء عذب نقي وجمعه شهاليل ولنا تكمله ان شالله ودمتم سالمين |
لا هنت والله أخوي سالم الغريري.... فيه كلمات لازلت شخصيا أستعملها.... مثل: سمردحه ، شمحوط، سرجوف، شمطري ، مشعاب، والسناف.... (الظاهر عفى علينا الدهر وحنا ما ندري...) ما تقصر أخوي سالم وبانتظار المزيد من هذا الموروث الرائع.... الى الأمام... |
ولا انت يا ابو مبارك تحياتي لك
هلابك يا تركي واسعدني حضورك و وجهك ابيض يا نايف ومشكور على المرور النادره : (الظاهر عفى علينا الدهر وحنا ما ندري...) هههههههههههههههههههههههههههههه صادقه انتي فيه كلمات الى الحين وحنا نقولها وان شالله ما تنقرض وتظل محفوظه وانا الصراحه ودي الجميع يشارك ولا احد يبخل علينا اذا عنده شي ودمتم سالمين |
السلام عليكم ورحمة الله وبركاته
بيض الله وجهك اخوي ( سالم الغريري ) على هذه الموضوع . وعساك على القوة اتمنى من اخواني ان يثبت هذا الموضوع . ولكم جزيل الشكر . |
الله لايهينك يا بو مشنان ...
دايم متألق .... |
لاهنت ياسالم على الموضوع ولاعدمناك يالغالي ،،، |
مشكور على الموضوع الجيد
ولاهنتوا على هذه الاطروحات التي تأصل الماضي العريق |
ابو شجاع
ابو بتال البراق ضاوي الليل يشرفني حضوركم ومشاركتكم |
تكملة ..............
الصتم: الحصى الصغار الصلب يوضع في البندق فوق البارود الصدام: مرض الزكام الصريب: الاقط الحامض الصلب الرديء الصرار: عود يلف بخيط ويوضع على حلمة ثدي الناقة لكي لا يرضع حوارها الصيرمي: الطير الحر الجارح الصعافيق: الرمال المرتفعه الممتدة الأصقع: الأصلع المصلاب: عصى غليظه طويله من الخشب يقلب بها الحطب على النار الكبيره الصلهامه: الهامه الكبيره التي ليس عليها شعر الصنق: ما يتكون على أواني النحاس من وسخ الصوغه: الهديه الصايه: جبة خفيفه تلبس فوق القميص في الصيف ضحاح الشمس: نورها القليل الباقي من خلال الغيم , والضحاح ايضا هو السراب ضوح النار: سنا نورها الذي يرى من بعيد الضير: ما يجعل للناقة من شبيه بولدها لكي ترأمه ويسكن جأشها الطارة: مقود السيارة تشبيها بالطار ( الدف ) الطحاطيح : الأشداء المجربون من الرجال الطرثوث: نوع من الفطر كبير احمر اللون ذو زهر احمر طرش الرجل: سافر , والطرش هي الابل المجتمعه , والطارش هو المسافر ,والمطرشاني كثير الأسفار المطفوق: العجل غير المتأني من الاشخاص الطمام: الطين الذي يوضع على سقف البيت المطواح: سلسلة فضيه تعلقها المرأه على احد جدائلها او على كتفها او جبهتها الظعاين: النساء في الهوادج , ومثلها المظاهير الضالع: الحيوان الذي يعرج عرجا خفيفا الظليم: ذكر النعام , وجمعه ظلمان ودمتم سالمين |
لا هنت يا بو مشنان
|
لاهنت ياسالم الغريري
وبيض الله وجهك وماقصرت على الكلمات الزينه اخوك عبدالله الشكري |
سالم الغريري
الله لايهينك على المشاركه |
فيصل
عبدالله الشامخ اسعدني مروركم ومتابعتكم تحياتي لكم |
الساعة الآن 03:20 PM
 |
Powered by vBulletin® Copyright ©2000 - 2025, Jelsoft Enterprises Ltd.
---