|
تشابه أسامي القبائل (شارك معنا بما تعرف) ...
السلام عليكم ورحمة الله وبركاته.... أخواني أخواتي أعضاء منتديات الدواسر الرسمي... لقد لاحظت في الآونة الأخيره دخول بعض الأعضاء والسؤال عن قبيلة معينه والشد مع بقية الأعضاء حول انتماء هذه القبيله أو العائله أو الفخذ الى قبيلة الدواسر أو غيرها من القبائل... ناسين أو متناسين حقيقة تشابه الأسماء بين العديد من القبائل والعوائل... لذلك وجب تخصيص باب يوضح هذا اللبس والتشابه الذي قد يقع فيه البعض... استطعت جمع التالي من الاسماء وأتمنى من الجميع المشاركه بكل ما يعرفون وتصحيح خطأي متى ما ورد... فالانسان غير معصوم من الخطأ وأنا لا أدعي الكمال... * هناك (البدارين) من الدواسر.... و (البدارين) من حرب... * (العمور) من الدواسر.... (العمور) من مسروح...(حروب أيضا)... * (المغربي) من الدهامشه من عنزه .... (المغربي) أشراف... * ( العونه) من علوى من مطير .... (العونه) من بني رشيد... * (العوفي) من حرب... (العوفي) الثقفي.... *(ال سمحان) من قبيلة دواسر ومساكنهم الافلاج... *(ال سمحان) من قبيلة قحطان ومساكنهم العرين... *(ال سمحان) من قبيلة مطير ومساكنهم الاثلة... *(آل سمحان) من قبيلة حرب ومساكنهم الكويت... *(آل سمحان) من قبيلة حرب ومساكنهم الزلفي...(أنساب اون لاين) *(آل علي) من قبيلة طئ من قحطان .. *(آل علي) فخذ من قبيلة سبيع وهم آل علي من بطن عمر من فرع عامر من سبيع .. *(آل علي) من المعاضيد من قبيلة بني تميم .. *(آل علي) من قبيلة يام من قحطان .. هذا وأترك المجال للجميع للمشاركة بما يعرفون حول هذا الموضوع.... أختكم النادره... |
الاخت الفاضل النادره لا هنتي على الموضوع القيم. ( الغريري) من الدواسر (الغريري) من شمر (الغريري) من بني خالد تقبلي تحياتي,,, |
كل الشكر والتقدير لك... أخوي فهد الغريري على الاستجابه السريعه ولا هنت....
|
لا هنتي يا اختي النادره و جعلك تسلمين
الجميلات من ( دواسر ) الجميلات في شمال السعوديه ويقالهم ( الجميلي ) وهم مجهولين النسب!! الجميلات ( من قبيلة حرب) الجملين او الجميلي في قبيلة سبيع |
السلام عليكم ورحمة الله وبركاته
ونعم فيهم جميع . ولاهنتي اختى ( النادره ) على هذه المعلومات الطيبه . بيض الله وجهكم جميع على المعلومات . |
بوير الغرره لا هنت والله أخوي وما تقصر يالنشمي... |
محمد ال بو زمام لا هنت على المرور الطيب يالشيخ... |
لاهنتي اختي النادره على هالمعلومات
تقبلي تحياتي.. |
ولا انت يالخييلي.... ومشكور أخوي على المرور...
|
السلام عليكم ورحمة الله وبركاته
(الشيباني) من عتيبه و(الشيباني) من يام ومشكوره اختي النادره على طرح هذا الموضوع وان شالله اذا ذكرت شي راح اضيفه وسلامتكم |
ال رشيد من (شمر)
ال رشيد من (يام) |
ال ملحم من (عنزة)
ال ملحم من (مطير) |
الهوامله من (الدواسر)
الهوامله من (مطير) على ما عتقد ان هواملة مطير اصلهم دواسر,, انتظر اجابتكم |
ما تقصر أخوي سالم الغريري ولا هنت يالشيخ....
|
أخوي al-dhmash
لا هنت يالقرم أما موضوع الهوامله فسبق وتعرضوا له الاخوان وبينوا اللبس ... احترامي لشخصك الكريم ... |
والغييثي الدوسري وهم الغياثات
والغييثي الشمري وهم الغثه من عبده من شمر |
الغربي دواسر والغربي عتبان
الحناتيش دواسر والحناتيش عتبان واعتقد ان اصلهم كلهم دواسر والمحيا من امراء عتيبه اصلهم دواسر |
السلام عليكم ورحمة الله وبركاته
أحبائي بالنسبه لاتشابه الاسماء للعوائل بين القبائل امر وارد كما يوجد الحلف بين عائله وقبيله بحيث ينتسب لهم خوف من ثار او قتل 0 اخوكم فهد المحيسن البدراني الدوسري |
بسم اللة الرحمن الرحيم
تحية عطرة لكم حبيت اعقب علا موضوع تشابة اسما بعض القبايل او الا فخااااااااااااااذ بالنسبة للبدارين من حررررب اصلهم في الاساس من بدارين الدوااسر وهي ليست تشابة لكنة في ماضي الوقت تنزح افخااااااذ من قبيلتها بسبب مشاكل تصير طبعا هذا قبل حكم السعود ايام حروب الجزيرة العربية وهنالك ال بريك من شمر وهم في الاساس من ال بريك الدواسر وهذا ايضا ىثابت وموجود هذا مااستطعت ان اوصلة لكم .........وارجو المعذرة ولكم تحيااااااااااتي اخووووووووووووووككمم النداااااااااااااوي |
حياك الله أخوي النداوي وما تقصر يالقرم...
|
اقتباس:
لا هنت أخوي فهد على المرور والتعليق وكلامك ما عليه خلاف وأنا أختك بس عاد اللي صار صار... سواء كان عن طريق حلف والا غيره تشابه الأسامي وارد وموجود وحنا هنا هدفنا نبين هالتعدد والتشابه.... ويعطيك العافيه أخوي على التوضيح. |
لاهنتي اختي النادره
وهنالك العديد والعديد من الأسر والقبائل المتشابهه بالأسماء مثل السبيعي بني عامر والسبيعي العنزي والدبالين البقوم والدبالين الدواسر حيث يقول شاعرهم مادحاً الشيخ عبدالله الفصام يقوله الي من الفرجان دبلاني وسامة الكاز والعدوان نسهرها وقد ذهبوا نزيعه مع البقوم وغيرهم وغيرهم |
أخوي (الرمح)
يا مرحبا بأهل التاريخ وأصحابه... لا هنت أخوي وما تقصر ان شاء الله معنا... بانتظار مشاركاتك... |
الـعــــمـــــــــاني : الأمراء المعروفين شيوخ العوامر من سبيع , والعماني من الغيادين من حرب الصعبه : من العبادل من مطير , والصعبه من سبيع السبيعي : من قبيلة سبيع , والسبيعي من عنزه , يختلف الجمع سبيع - السبعان-- عنزه - السبعه ...(وهناك أيضا السبعان من عمور الدواسر... ) الـــغـــــــفــــــــيـــــــــــلـــي من الغفيلة من سنجاره من شمر , والغفيلي حاضره بالرس بالقصيم من آل محفوظ من العجمان الـــســـــــويدي : من سنجاره من شمر , والسويدي من سبيع , والسويدي من الدلابحة من عتيبه , والسويدي من الإمارات الجـعـفــــــــــــري : من عبده من شمر - بفتح العين والجيم - وبالجمع الجعفر -بفتح العين والجيم والجعفري من الجعافره من ولد سليمان من عنزه , والجعفري من الجعافره من العبادل من مطير . وعنزه ومطير متشابهين بالمفرد-تسكين العين- ومتشابهين بالجمع الـــمـــــطـــــــــرفــي : من المطارفه من السلقا من العمارات من عنزه , والمطارفه بالحجاز الــــعــــصـيــــمــــي فخذ كبير من برقا من عتيبه , والعصيمي بالزلفي من بني تميم الـوهـــــــبــــــــي من الوهوب من حرب , والوهبي من الوهبه من بني تميم ويقولون ان منهم آل ثاني شيوخ قطر انا ماحط بذمتي شي الـحـــسـيــــــــنــــــــي من شمر , والحسيني من الظفير الـثـنـيّـــــــــــان : الأمراء المعروفين وأمارتهم قديمه شيوخ الزميل من سنجاره من شمر , والثنيان من آل سعود , والثنيان بالقصيم واللاعب يوسف الثنيان مهو شمري ولاهو من ال سعود..واقرب ماله الا انه من ثنيان القصيم الـمـحـيّــــــــا : من الحناتيش من طلحة من الروقه من عتيبه , من أمراء روق وفوجهم بحايل وهم غنيين عن التعريف ., والمحيا من القصيم منهم رئيس هيئة الأركان العامه الفريق اول / صالح المحيا. العوازم / العازمي فخذ من طلحة من الروقة من عتيبه منهم الشاعر-حبيّـب العازمي والعازمي قبيلة بالشرقية واكثرها بالكويت الحوازم / الحازمي من حرب , والحازمي من حوازم الشمال الأزمـــــــــع من ابوثنين شيوخ الجمالين من سبيع - منهم الشاعر /عبيدالأزمع والأزيمع من الجبلان من علوى من مطير منهم الشاعر / مطلق الأزيمع وبعضهم في حايل هذا الذي استطعت جمعه حتى الآن.... ولازال البحث مستمرا.... النادره... |
يا أختي النادرة لاهنتي على هالتفاصيل ولكني أعارضك في نسب البدارين من حرب وهذا ليس تشابه اسماء بل هو حقيقة وأنا بحثت جيدا في معرفة نسب البدارين من حرب ولقد ثبت لي أنهم دواسر اصيلين وشكرا
|
عفوا يا النادرة, بخصوص البدارين من حرب هم دواسر الأصل فعلا وهذا لاغبار عليه أبدا وهذا لا يعتبر تشابه اسماء .
وأنا من القصيم ( مكان قبيلة حرب العريقة) ولقد بحثت طويلا لكي أتأكد من هذا الفخذ ولقد ثبت لي أنهم فعلا دواسر الأصل ولقد ذكرت قصتي مع الشخص المسن بخصوص البدارين من حرب ولقد قال لي مسن آخر " عاملهم كما تعامل عيال عمك وافزع لهم ياولدي" هذا ماقاله المسن ومن ذلك الحين إلى الآن وأنا أقول لهم ياعيال عمي أو ابن آخي للمفرد منهم. وأرجو أن لاتعتبروا هذا تشابه اسماء وكلامي هذا لجميع أعضاء المنتدى وشكرا. |
اقتباس:
يعطيك العافيه أخوي البدراني القصيمي ولاهنت على توضيح هذا اللبس... النادره |
اختي النادره لا هنتي على الموضوع وننتظر جديدك بشغف
|
الاخت النادره
بداية اشكرك على هذا الموظوع الهام وامل التثبيت والتفعيل لهاذه الفكرة الناجحه وهنا احب المشاركه مع الاخوان الذين سبقوني بما لديهم حيث ان فيه قبيله الخظران من الفرجان الدواسر ويوجد كذلك قبيله الخظران من سبيع هذا وتقبلوا مني اجمل تحيه (( محمد )) |
اقتباس:
|
اقتباس:
النادره |
لاهنتي اختي النادره
والله يعطيك العافيه على تميزك ودقتك في الطرح وهناك بعض الأسماء تتكرر وأصلها واحد مثل السدارى البدارين منهم أسرة في عنك يتسمون بالخالدي وأصلهم دواسر ولازالوا يقولون انهم دواسر ولكن من عشرات أو مئات السنين انتقلوا للشرقية وعاشوا مع الخوالد وربما بعضهم لم يغير المسمى في البطاقه يعني هناك قبائل لو بحث في جذورها لوجد أنها ترجع للقبيلة الأصل ولايوجد اسم مماثل لاسمها في تلك القبيلة وذكر حمد الجاسر في كتابه: العمري من أهل البكيرية من العمور ، من بني خالد ، واحدهم عمري قال الشيخ محمد العبودي : أصلهم من الدواسر الذين لحقوا ببني خالد فأصبحوا يعدون منهم ولايعرفون إلابذلك تحياتي لك |
الــــعـــــجــــــالـــــــيــــــن : (الدواسر)
العجلان: (الهواجر) منهم الشاعر/فالح العجلان.... العـــــجلان: (عــــنزة) وغيرهم كثير........................................ |
لاهنتي اختي النادرة على الموضوع القيم
ال ابو زمام من الدواسر كذلك هناك ال ابو زمام من يام |
مشكورين الأخوة الأعضاء على المعلومات الهامه اللي قدمتوها لنا ,
وماقصرتوا,,,, تحياتي ,,,, ** الشرافي ** |
تسلمين يالنادره والله لايهينش
وفيه ايضا ال عاطف من قحطان وال عاطف من يام |
يا هلا ومرحبا بك ياليامي والله لا يهنيك ... شرفت محلنا وأسعدني مرورك ...
النادره |
اقتباس:
بالنسبه للفخذ اللي من سبيع فأرجوا المعذره هو ماهوب الجملين هو الجمالين و مفرده جملاني الله يعطيك العافيه |
اقتباس:
وثانياً : حبيت اني اعقب على بعض ماذكره الأخوان اذا سمحتولي ذكر بعض الأخوان ان البريك من شمر يرجعون الى بريك الدواسر وهذا غير صحيح والصحيح انه لا يوجد علاقه بينهم ولكن هذا خطأ وقع فيه السديري رحمه الله في كتابه وهذا هو الصحيح ثالثاً: يوجد الكثير من يقول ان الغياثات او الغيثات من الدواسر هم اساساً من الغييثه من شمر وهذاالكلام سمعته من كبار الغيثه رابعاً: احب اضيف اسماء فخوذ قبائل متشابهه مثل الجربا شيوخ شمر الجربا حاظره بالرياض السحمه من حرب السحمه من بلي السحمان من البريك من شمر وكلهم ينطوقون السحيمي الطواله من شيوخ الأسلم من شمر الطواله حاظره بالزلفي هذا واكرر شكري لك اختي الكريمه |
اقتباس:
الاخ العزيز الشمري اول شي حياك الله مرحبا ومسهلا فيك ولكن الله يهديني ويهديك الغييثات معروفين ونسبهم صريح هم في صهيب في زايد ومعروف ان صهيب هو اكثر اقسام الدواسر ويرجعون في زايد وانت تعرف ان الدواسر قسمين زايد وتغلب وش لون يصيرون شمامره كلام لا يدخل العقل مع كامل احترامي وتقديري لك ولـ من اعطاك المعلومه والغييثات يااخي العزيز مافيهم كلام دواسر اصلا وفصلا ولا هم في شمر ولا اقول في شمر الا ونعم من اكبر القبايل وتاريخهم مشرف وابيض لكن هذا يا اخي نسب وحنا ادرا بنسبهم في زايد ولا يرجعون في شمر بشي و اعطيك كلام موثق يا الشمري ارجع لكتاب البسام وتلقاه ذاكر وقعاتهم وحاط تاريخ معركه لهم ويرجع تاريخ المعركه في سنة 999 هجريه 1590 ميلاديه يعني اكثر من خمس مية سنه وذاكر ان الوقعه الغييثات الدواسر وقصايد شعرا الغييثات واجد وتثبت صراحه نسبهم في زايد الدواسر وهذا يا اخي كلام جديد ولا سمعناه الا تو وحنا ادرا بنسبنا والناس مؤتمنون بانسابهم لكن انت يمكن اشتبه عليك اسم وما جبت شي يثبت او شي تستدل عليه واحط لك قصيدة الامير عامر بن بدران امير الدواسر في عهده ويذكر الغييثات صراحتا انهم في صهيب في زايد وانت تعرف ان زايد هم اساس الدواسر وتغلب وصار لها اكثر من خمس مية سنه ذا القصيده
يقول ابـن بـدران مسقـي حريبـه = مـرٍ علـى كبـده تزايـد وقـايـده يقـول ابـن بـدران مقـدي مثايلـه = مثايلـه فيـهـا قـريـع وعـايـدة كـب ( الغييثـي * ) وخلهـم= ترى حربهم مـا ينلقـي منـه فايـدة يزيد الفتى الرجال في مطلـب العـلا = لا طـرد هـزلات المعانـي بزايـدة مجاهيل حرب من ( صهيب بـن زايـد )= لا اشتـد مجهـود تلـقـوا لكـايـده * الغييثي مفرد لجمع الغييثات او على قولتك غياثات وهذي ابيات من قصيده للشاعر بن ظافر الودعاني وشوف الابيات اللي بين الاقواس
وان كبرت القالة وجت بالحما =يـاذيب عـوي قـاد الذيـب عـواه من كان في (زايد )وفـا بالوعايـد=لبـي نـدا الـداعـي لادعــاه من كل فج جا وصوب الـوادي =مـع كـل شيـخ لابتـه تتـلاه جينا كما بحر الى هاج والتطـم =مايشـرب الظميـان بـارد مـاه ودعانـي ورجبانـي وعمـاري =والمسعري خوض الحروب مناه وآلاد حسن والمخاريـم درعنـا =مركاظهـم والله مــا ننـسـاه وان جا (الغييثي) في مقاديم سرية=تكبـر علـي عـدونـا بـلـواه وما فشل جمع فيه لاد الحبيبـي =مـن كـل حـر طيـب مجنـاه وعمور لامن صك حاجب حاجب =اروا حمهـم يـوم اللقـا مهـداه ولاد الحريجي ويل من بنحوره =مضربة قضا تعطي الخصيم دواه ومن كان في تغلب الى سمع الندا=جانا وسيف الزيـر فـي يمنـاه ترسي رواسينـا وتفعـل يدينـا= وان صك جمع جمـع حطمنـاه حنا حماة الدار والجار والوطـن =كـم عايـل بالسيـف طوعنـاه واحط ابيات العجمي يوم زبنوه الغييثات وهذي المعركه صار لها مئات السنين يقول فيهم
وزبنت علـى لمَـا رجـال (آل زايـد )=طـوال القنـا للحاربيـن إعـسـاف وعسى الله يحي لـي ديـار (آل زايـد) =وعسى دارهم عقب الربيـع إتصـاف اظن كلامي والقصايد كلها واضحه وارجو منك تحري الدقه لان هذا موضوع لايصلح فيه اجتهاد فقط بل يكون بادله وتوثيق والسلام ختام |
الساعة الآن 10:59 AM
 |
Powered by vBulletin® Copyright ©2000 - 2025, Jelsoft Enterprises Ltd.
---